ਕਲਾਈਮੇਟ ਚੇਂਜ ਚਿੰਤਾ ਦੇ ਬਾਵਜੂਦ ਟੌਪ ਆਇਲ ਪ੍ਰੋਡਿਊਸਰ ਵਧਾ ਰਹੇ ਨੇ ਤੇਲ ਉਤਪਾਦਨ :ਰਿਪੋਰਟ

ਕੈਨੇਡਾ ਜਿੱਥੇ ਕਲਾਈਮੇਟ ਚੇਂਜ 'ਤੇ ਗੰਭੀਰਤਾ ਨਾਲ ਕੰਮ ਕਰ ਰਿਹਾ ਹੈ, ਉੱਥੇ ਹੀ ਸੰਯੁਕਤ ਰਾਸ਼ਟਰ ਵੱਲੋਂ ਬੁੱਧਵਾਰ ਨੂੰ ਜਾਰੀ ਰਿਪੋਰਟ ਵਿੱਚ ਇਹ ਗੱਲ ਸਾਹਮਣੇ ਆਈ ਹੈ ਕਿ ਟੌਪ ਆਇਲ ਪ੍ਰੋਡਿਊਸਿੰਗ ਮੁਲਕ ਗਲੋਬਲ ਵਾਰਮਿੰਗ ਨੂੰ ਸੀਮਤ ਕਰਨ ਲਈ ਨਿਰਧਾਰਤ ਕੀਤੇ ਗਏ ਟੀਚੇ ਨਾਲੋਂ ਕਿਤੇ ਵੱਧ ਤੇਲ ਅਤੇ ਗੈਸ ਉਤਪਾਦਨ ਕਰਨ ਦੀ ਰਾਹ 'ਤੇ ਹਨ, ਜਿਨ੍ਹਾਂ ਵਿੱਚ ਕੈਨੇਡਾ ਵੀ ਸ਼ਾਮਲ ਹੈ।

ਰਿਪੋਰਟ ਦਾ ਕਹਿਣਾ ਹੈ ਕਿ ਆਇਲ ਪ੍ਰੋਡਿਊਸਿੰਗ ਮੁਲਕ ਅਜੇ ਵੀ 2030 ਵਿੱਚ ਉਸ ਲਿਮਿਟ ਤੋਂ ਦੁੱਗਣੇ ਤੋਂ ਵੱਧ ਪ੍ਰੋਡਕਸ਼ਨ ਦੀ ਯੋਜਨਾ ਬਣਾ ਰਹੇ ਹਨ ਜੋ ਗੋਲਬਲ ਵਾਰਮਿੰਗ ਨੂੰ ਪ੍ਰੀ ਉਦਯੋਗਿਕ ਪੱਧਰਤੋਂ 1.5 ਡਿਗਰੀ ਸੈਲਸੀਅਸ ਤੱਕ ਸੀਮਤ ਕਰਨ ਲਈ ਜ਼ਰੂਰੀ ਹੈ।

ਰਿਪੋਰਟ ਵਿੱਚ ਕੈਨੇਡਾ ਐਨਰਜੀ ਰੈਗੂਲੇਟਰ ਦੇ ਅੰਕੜਿਆਂ ਦਾ ਹਵਾਲਾ ਦਿੰਦੇ ਹੋਏ ਕਿਹਾ ਗਿਆ ਹੈ ਕਿ ਕੈਨੇਡਾ ਜੋ ਕਿ ਦੁਨੀਆ ਦਾ ਚੌਥਾ ਸਭ ਤੋਂ ਵੱਡਾ ਆਇਲ ਪ੍ਰੋਡਿਊਸਿੰਗ ਹੈ ਜੇ ਉਹ ਨਿਕਾਸ ਨੂੰ ਘਟਾਉਣ ਲਈ ਹੋਰ ਕਦਮ ਨਹੀਂ ਚੁੱਕਦਾ ਤਾਂ ਉਸ ਦਾ ਫਿਊਲ ਪ੍ਰੋਡਕਸ਼ਨ 2035 ਤੱਕ 2022 ਦੇ ਪੱਧਰ ਤੋਂ 25 ਫੀਸਦੀ ਵੱਧ ਹੋ ਸਕਦਾ ਹੈ।

ਇਸ ਦੇ ਉਲਟ ਨਾਰਵੇ ਤੇ ਯੂਨਾਈਟਿਡ ਕਿੰਗਡਮ ਉਤਪਾਦਨ ਘੱਟ ਕਰਨ ਦੀ ਰਾਹ 'ਤੇ ਹਨ, ਜਦੋਂ ਕਿ ਫਾਸਲ ਫਿਊਲ ਦਾ ਸਭ ਤੋਂ ਵੱਡਾ ਨਿਰਮਾਤਾ ਅਮਰੀਕਾ ਵੀ ਪ੍ਰੋਡਕਸ਼ਨ ਵੱਧਣ ਦੇ ਟਰੈਕ 'ਤੇ ਚੱਲ ਰਿਹਾ ਹੈ।