18.69C Vancouver 18.69C VancouverApr 16, 2020 10:22 PM -
ਟੋਰੌਂਟੋ ਟਰਾਂਜਿਟ ਕਮਿਸ਼ਨ ਦਾ ਕਹਿਣਾ ਹੈ ਕਿ ਉਨ੍ਹਾਂ ਦੇ 38 ਬੱਸ ਚਾਲਕਾਂ ਨੇ ਕੋਵਿਡ-19 ਦੇ ਕਾਰਨ ਸੁਰੱਖਿਆ ਸੰਬੰਧੀ ਕਾਰਨਾ ਦਾ ਹਵਾਲਾ ਦਿੰਦੇ ਹੋਏ ਕੰਮ 'ਤੇ ਆਉਣ ਤੋਂ ਇਨਕਾਰ ਕਰ ਦਿੱਤਾ ਹੈ।
ਟੀ.ਟੀ.ਸੀ. ਦੇ ਬੁਲਾਰੇ ਸਟੂਅਰਟ ਗਰੀਨ ਦਾ ਕਹਿਣਾ ਸੀ ਕਿ 5 ਚਾਲਕਾਂ ਨੇ ਨੇ ਬੁੱਧਵਾਰ ਸਵੇਰੇ ਕੰਮ 'ਤੇ ਆਉਣ ਤੋਂ ਇਨਕਾਰ ਕੀਤਾ ਸੀ, ਜਿਸਤੋਂ ਬਾਅਦ 33 ਹੋਰ ਬੱਸ ਚਾਲਕਾਂ ਨੇ ਸ਼ਾਮ ਤਕ ਕੰਮ 'ਤੇ ਆਉਣ ਤੋਂ ਇਨਕਾਰ ਕਰ ਦਿੱਤਾ।
ਮਿਨਿਸਟਰੀ ਆਫ ਲੇਬਰ ਦਾ ਕਹਿਣਾ ਸੀ ਕਿ 5 ਵਰਕਰਾਂ ਦੀ ਕੰਮ 'ਤੇ ਨਾ ਆਉਣ ਸੰਬੰਧੀ ਰਿਪੋਰਟ, ਕੰਮ ਤੋਂ ਇਨਕਾਰ ਕਰਨ ਦੀਆਂ ਲੋੜਾਂ ਦੇ ਨਾਲ ਮੇਲ ਨਹੀਂ ਖਾਂਦੀ ਸੀ ਅਤੇ ਇੰਸਪੈਕਟਰ ਵੱਲੋਂ ਕਲੇਮਸ ਸੰਬੰਧੀ ਦੂਜੇ ਦੌਰ 'ਤੇ ਗੌਰ ਕੀਤਾ ਜਾ ਰਿਹਾ ਹੈ।
ਬੁਲਾਰੇ ਦਾ ਕਹਿਣਾ ਸੀ ਕਿ ਟੀ.ਟੀ.ਸੀ. ਵੱਲੋਂ ਕਈ ਕਦਮ ਉਠਾਏ ਗਏ ਹਨ, ਜਿਸਦੇ ਨਾਲ ਕਿ ਬੱਸ ਚਾਲਕਾਂ ਲਈ ਪ੍ਰੇਸ਼ਾਨੀ ਤੋਂ ਬਚਾਅ ਰੱਖਿਆ ਜਾਵੇ।
ਇਸਦੇ ਵਿੱਚ ਬੱਸ ਦੇ ਪਿਛਲੇ ਦਰਵਾਜੇ ਤੋਂ ਬੱਸ 'ਚ ਦਾਖਿਲਾ ਬੱਸ ਚਾਲਕ ਦੇ ਨੇੜੇ ਦੀਆਂ ਸੀਟਾਂ 'ਤੇ ਬੈਠਣ ਦੀ ਇਜਾਜਤ ਨਾ ਹੋਣਾ, ਬੱਸਾਂ 'ਚ ਹੈਂਡ ਸੈਨੀਟਾਈਜਰ ਦੀ ਸੁਵਿਧਾ ਹੋਣਾ ਅਤੇ ਫਿਜੀਕਲ ਡਿਸਟੈਨਸਿੰਗ ਦਾ ਧਿਆਨ ਰੱਖਣ ਜਿਹੇ ਕਦਮ ਉਠਾਏ ਜਾਣਾ ਸ਼ਾਮਿਲ ਹੈ।
