7.95C Vancouver 7.95C VancouverJun 13, 2022 9:09 PM - The Canadian Press
ਟੋਰੌਂਟੋ 'ਚ ਸਾਲ 2018 'ਚ ਵਾਪਰੇ ਜਾਨਲੇਵਾ ਵੈਨ ਅਟੈਕ ਦੇ ਮਾਮਲੇ 'ਚ ਦੋਸ਼ੀ ਵਿਅਕਤੀ ਨੂੰ ਉਮਰ ਕੈਦ ਦੀ ਸਜਾ ਸੁਣਾਈ ਗਈ ਹੈ।
ਦੋਸ਼ੀ ਨੂੰ 25 ਸਾਲ ਤਕ ਪੈਰੋਲ ਦਾ ਵੀ ਮੌਕਾ ਨਹੀਂ ਹੋਵੇਗਾ।
ਐਲੇਕ ਮੀਨਾਸੀਅਨ ਨੂੰ ਕਤਲ ਦੀ ਕੋਸ਼ਿਸ਼ ਦੇ 15 ਮਾਮਲਿਆਂ ਤਹਿਤ 20 ਸਾਲ ਦੀ ਕੈਦ ਦੀ ਸਜਾ ਵੀ ਸੁਣਾਈ ਗਈ ਹੈ।
ਹਾਲਾਂਕਿ ਇਹ ਸਾਰੀ ਸਜਾ ਇੱਕ-ਦੂਜੇ ਦੇ ਬਰਾਬਰ ਭੁਗਤੀ ਜਾਵੇਗੀ।
ਇਸ ਦਾ ਅਰਥ ਹੈ ਕਿ ਦੋਸ਼ੀ ਨੂੰ ਸਾਰੇ ਕਤਲ ਦੇ ਮਾਮਲਿਆਂ 'ਚ ਵੱਖੋ-ਵੱਖਰੀ ਸਜਾ ਨਹੀਂ ਸੁਣਾਈ ਗਈ ਹੈ ਬਲਕਿ ਸਾਰੀਆਂ ਸਜਾਵਾਂ ਇੱਕੋ ਸਮੇਂ 'ਤੇ ਜਾਰੀ ਰਹਿਣਗੀਆਂ।
ਯਾਦ ਰਹੇ ਐਲੇਕ ਮੀਨਾਸੀਅਨ ਨੂੰ ਬੀਤੇ ਸਾਲ ਫਰਸਟ ਡਿਗਰੀ ਕਤਲ ਦੇ 10 ਦੋਸ਼ਾਂ 'ਚ ਦੋਸ਼ੀ ਪਾਇਆ ਗਿਆ ਸੀ।
ਇਸ ਤੋਂ ਇਲਾਵਾ ਉਸ ਨੂੰ 16 ਕਤਲ ਦੀ ਕੋਸ਼ਿਸ਼ ਦੇ ਇਲਜਾਮਾਂ 'ਚ ਦੋਸ਼ੀ ਪਾਇਆ ਗਿਆ ਸੀ।
23 ਅਪ੍ਰੈਲ 2018 ਦੇ ਹਮਲੇ 'ਚ 8 ਔਰਤਾਂ ਅਤੇ 2 ਪੁਰਸ਼ਾਂ ਦੀ ਮੌਤ ਹੋ ਗਈ ਸੀ।
ਦੋਸ਼ੀ ਨੇ ਜਾਣਬੁੱਝ ਕੇ ਇੱਕ ਵੈਨ ਨੂੰ ਸਾਈਡਵਾਕ 'ਤੇ ਚੜ੍ਹਾ ਦਿੱਤਾ ਸੀ।
ਇਸ ਘਟਨਾ ਤੋਂ 3 ਸਾਲ ਬਾਅਦ ਇੱਕ ਔਰਤ ਨੇ ਉਸੇ ਦਿਨ ਲੱਗੀਆਂ ਸੱਟਾਂ ਕਾਰਨ ਦਮ ਤੋੜ ਦਿੱਤਾ ਸੀ।
ਅੱਜ ਕੋਰਟ ਸਾਹਮਣੇ ਪੀੜਤਾਂ ਦੇ ਪਰਿਵਾਰਾਂ ਦੇ ਲੋਕਾਂ ਨੇ 'ਵਿਕਟਿਮ ਇੰਪੈਕਟ ਸਟੇਟਮੈਂਟ' ਪੜ੍ਹੇ ਸਨ।
