ਕੈਨੇ਼ਡਾ ਦੀ ਮੋਸਟ ਵਾਟੰਡ ਅਪਰਾਧਿਕ ਸੂਚੀ ਵਿਚ ਪੰਜਾਬੀ ਨੌਜਵਾਨ ਦਾ ਨਾਂ ਸ਼ਾਮਲ

ਕੈਨੇਡਾ ਦੀ ਸਭ ਤੋਂ ਵੱਧ ਲੋੜੀਂਦੀ ਸੂਚੀ ਵਿਚ ਪੰਜਾਬੀ ਨੌਜਵਾਨ ਧਰਮ ਧਾਲੀਵਾਲ ਸਮੇਤ 25 ਸਭ ਤੋਂ ਵੱਧ ਲੋੜੀਂਦੇ ਅਪਰਾਧੀਆਂ ਦੀ ਸੂਚੀ ਅਪਡੇਟ ਕੀਤੀ ਗਈ ਹੈ। ਕਿਊਬੈਕ ਦੀ ਸਟ੍ਰੀਟ ਗੈਂਗ ਬਲੱਡ ਫੈਮਿਲੀ ਮਾਫੀਆ ਦੇ ਸਰਗਨਾ ਅਤੇ ਉਸ ਦੇ ਸਾਥੀ ਨੂੰ ਇਸ ਤਾਜ਼ਾ ਲਿਸਟ ਵਿਚ ਟੌਪ ’ਤੇ ਰੱਖਿਆ ਗਿਆ ਹੈ ਅਤੇ ਉਨ੍ਹਾਂ ਦੀ ਗ੍ਰਿਫਤਾਰੀ ਦੇ ਸਬੰਧ ਵਿਚ ਸੂਚਨਾ ਦੇਣ ਵਾਲੇ ਲਈ $250,000 ਤੱਕ ਦੇ ਇਨਾਮ ਦੀ ਪੇਸ਼ਕਸ਼ ਕੀਤੀ ਗਈ ਹੈ।

ਉਥੇ ਹੀ, ਧਰਮ ਧਾਲੀਵਾਲ ਪੀਲ ਪੁਲਿਸ ਵਲੋਂ ਵਾਂਟੇਡ ਹੈ, ਉਸ ਦੀ ਗ੍ਰਿਫਤਾਰੀ ਕਰਵਾਉਣ ਵਾਲੇ ਲਈ $50,000 ਤੱਕ ਦੇ ਇਨਾਮ ਦੀ ਘੋਸ਼ਣਾ ਕੀਤੀ ਗਈ ਹੈ। ਧਾਲੀਵਾਲ ਹਾਲਾਂਕਿ ਪਹਿਲਾਂ ਤੋਂ ਕੈਨੇਡਾ ਦੀ ਸਭ ਤੋਂ ਵੱਧ ਲੋੜੀਂਦੀ ਸੂਚੀ ਵਿਚ ਹੈ।

ਉਹ 21 ਸਾਲਾ ਪਵਨਪ੍ਰੀਤ ਕੌਰ ਦੇ ਕਤਲ ਮਾਮਲੇ ਵਿਚ ਫਰਾਰ ਚੱਲ ਰਿਹਾ ਹੈ। ਪਵਨਪ੍ਰੀਤ ਕੌਰ ਦਾ 3 ਦਸੰਬਰ 2022 ਨੂੰ ਮਿਸਿਸਾਗਾ ਦੇ ਪੈਟਰੋ ਗੈਸ ਸਟੇਸ਼ਨ ਵਿਖੇ ਗੋਲੀਆਂ ਮਾਰ ਕੇ ਕਤਲ ਕੀਤਾ ਗਿਆ ਸੀ।

ਇਸ ਘਟਨਾ ਨੂੰ ਉਸ ਰਾਤ ਕਰੀਬ 10.40 ਵਜੇ ਅੰਜਾਮ ਦਿੱਤਾ ਗਿਆ ਸੀ। ਪਵਨਪ੍ਰੀਤ ਉਸ ਗੈਸ ਸਟੇਸ਼ਨ ’ਤੇ ਕੰਮ ਕਰਦੀ ਸੀ। ਪੀਲ ਪੁਲਿਸ ਨੇ ਇਹ ਵੀ ਕਿਹਾ ਸੀ ਕਿ ਜੋ ਕੋਈ ਵੀ ਧਰਮ ਧਾਲੀਵਾਲ ਦੀ ਮਦਦ ਕਰੇਗਾ ਜਾਂ ਪਨਾਹ ਦਵੇਗਾ ਉਸ ਖ਼ਿਲਾਫ਼ ਵੀ ਕਾਨੂੰਨੀ ਕਾਰਵਾਈ ਕੀਤੀ ਜਾਵੇਗੀ।