8.15C Vancouver 8.15C VancouverMay 16, 2022 10:07 PM - The Canadian Press
ਕੰਜ਼ਰਵੇਟਿਵ ਪਾਰਟੀ ਦੀ ਲੀਡਰਸ਼ਿਪ ਦੌੜ 'ਚ ਸ਼ਾਮਿਲ ਪੀਅਰ ਪੌਲੀਐਵਰ ਨੇ ਤਥਾਕਥਿਤ 'ਵਾਈਟ ਰਿਪਲੇਸਮੈਂਟ ਥਿਊਰੀ' ਦੀ ਨਿੰਦਿਆ ਕੀਤੀ ਹੈ।
ਇਸ ਥਿਊਰੀ ਕਾਰਨ ਅਮਰੀਕਾ 'ਚ ਨਸਲਵਾਦ ਦਾ ਮਸਲਾ ਭਖਿਆ ਹੋਇਆ ਹੈ।
ਪੀਅਰ ਪੌਲੀਐਵਰ ਨੇ ਇਸ ਥਿਊਰੀ ਨੂੰ ਮਾੜੀ ਅਤੇ ਨਿਰਾਸ਼ਾਜਨਕ ਹੇਟ ਮੌਂਗਰਿੰਗ ਯਾਨੀ ਕਿ ਨਫਰਤ ਫੈਲਾਉਣ ਵਾਲੀ ਥਿਊਰੀ ਕਰਾਰ ਦਿੱਤਾ ਹੈ।
ਇੱਕ ਬਿਆਨ 'ਚ ਉਨ੍ਹਾਂ ਬਫਲੋ 'ਚ ਵਾਪਰੀ ਮਾਸ ਸ਼ੂਟਿੰਗ ਦੀ ਵਾਰਦਾਤ ਨੂੰ ਵੀ ਮੰਦਭਾਗੀ ਅਤੇ ਦੁਖਦਾਈ ਦੱਸਿਆ।
ਇਸ ਘਟਨਾ 'ਚ 10 ਲੋਕਾਂ ਦੀ ਮੌਤ ਹੋ ਗਈ ਹੈ ਜਿਸ 'ਚ ਬਹੁਤੇ ਪੀੜਤ ਸਿਆਹ ਰੰਗ ਦੇ ਲੋਕ ਸਨ।
ਅਮਰੀਕਾ 'ਚ ਕਨੂੰਨ ਏਜੈਂਸੀਆਂ ਵੱਲੋਂ ਇਸ ਘਟਨਾ ਦੀ ਜਾਂਚ ਦੌਰਾਨ ਦੱਸਿਆ ਜਾ ਰਿਹਾ ਹੈ ਕਿ ਸ਼ੂਟਰ ਦੇ ਔਨਲਾਈਨ ਪੋਸਟ ਦਰਸ਼ਾਉਂਦੇ ਸਨ ਕਿ ਅਮਰੀਕਾ 'ਚ ਗੋਰੇ ਲੋਕਾਂ ਦਾ ਪ੍ਰਭਾਵ ਘਟਾਉਣ ਲਈ ਨੌਨ-ਵਾਈਟ ਇਮੀਗ੍ਰੈਂਟਸ ਲਈ ਦਰਵਾਜੇ ਖੋਲ੍ਹੇ ਜਾ ਰਹੇ ਹਨ।
ਯਾਦ ਰਹੇ ਪੀਅਰ ਪੌਲੀਐਵਰ ਨੇ ਇਸ ਥਿਊਰੀ ਦੀ ਨਿੰਦਿਆ ਉਸ ਵੇਲੇ ਕੀਤੀ ਹੈ, ਜਦ ਲੀਡਰਸ਼ਿਪ ਦੌੜ 'ਚ ਸ਼ਾਮਿਲ ਪੈਟਰਿਕ ਬਰਾਊਨ ਨੇ ਇੱਕ ਟਵੀਟ ਕਰ ਆਖਿਆ ਸੀ ਕਿ ਫਰਵਰੀ 'ਚ ਕੈਨੇਡਾ ਵਿੱਚ ਹੋਏ 'ਫਰੀਡਮ ਕਾਨਵਾਈ' ਪ੍ਰਦਰਸ਼ਨਾਂ ਦੌਰਾਨ ਇਸ ਦੇ ਪ੍ਰਬੰਧਕ ਪੈਟ ਕਿੰਗ ਨੇ ਇਸ ਥਿਊਰੀ ਨੂੰ ਔਨਲਾਈਨ ਢੰਗ ਨਾਲ ਫੈਲਾਇਆ ਸੀ।
ਪੌਲੀਐਵਰ ਨੇ ਇਸ ਪ੍ਰਦਰਸ਼ਨ ਦੇ ਹੱਕ 'ਚ ਆਵਾਜ਼ ਚੁੱਕੀ ਸੀ।
ਪੈਟਰਿਕ ਬਰਾਊਨ ਨੇ ਪੌਲੀਐਵਰ ਨੂੰ ਕਿਹਾ ਕਿ ਇਸ ਹਮਲੇ ਤੇ ਥਿਊਰੀ ਦੀ ਨਿੰਦਿਆ ਕੀਤੀ ਜਾਵੇ।
