ਟ੍ਰੈਫਿਕ ਐਲਰਟ: ਮਈ ਲੌਂਗ ਵੀਕਐਂਡ ਦੌਰਾਨ ਪਟੂਲੋ ਪੁਲ ਰਵੇਗਾ ਬੰਦ

ਬੀ. ਸੀ. ਦੇ ਪੱਟੂਲੋ ਪੁਲ ਨੂੰ ਲੰਬੇ ਵੀਕਐਂਡ ਦੌਰਾਨ ਪੂਰੀ ਤਰ੍ਹਾਂ ਬੰਦ ਕੀਤਾ ਜਾ ਰਿਹਾ ਹੈ। ਇਹ ਸ਼ੁੱਕਰਵਾਰ ਯਾਨੀ 16 ਮਈ ਨੂੰ ਰਾਤ 9 ਵਜੇ ਤੋਂ ਲਾਗੂ ਹੋਵੇਗਾ ਅਤੇ ਮੰਗਲਵਾਰ 20 ਮਈ ਨੂੰ ਸਵੇਰੇ 5 ਵਜੇ ਦੁਬਾਰਾ ਖੁੱਲ੍ਹੇਗਾ। ਫਰੇਜ਼ਰ ਕਰਾਸਿੰਗ ਪਾਰਟਨਰਜ਼ ਨੇ ਇੱਕ ਨੋਟਿਸ ਵਿਚ ਕਿਹਾ ਕਿ ਸੜਕਾਂ ਦੇ ਨਾਲ ਕੰਮ ਕੀਤਾ ਜਾਣਾ ਹੈ ਜਿਸ ਕਾਰਨ ਪੁਲ ਦਾ ਰਸਤਾ ਬੰਦ ਹੋਵੇਗਾ।

ਇਸ ਦੌਰਾਨ ਡਰਾਈਵਰਜ਼ ਨੂੰ ਪੋਰਟ ਮੈਨ ਜਾਂ ਐਲੇਕਸ ਫਰੇਜ਼ਰ ਬ੍ਰਿਜ ਵਲੋਂ ਜਾਣ ਦੀ ਹਿਦਾਇਤ ਦਿੱਤੀ ਗਈ ਹੈ। ਐਨ-19 ਨਾਈਟ ਬੱਸ ਦਾ ਰੂਟ ਵੀ ਬਦਲਿਆ ਜਾਵੇਗਾ, ਇਸ ਲਈ ਸਵਾਰੀਆਂ ਨੂੰ ਕਰੀਬ ਅੱਧੇ ਘੰਟੇ ਦੀ ਦੇਰੀ ਦਾ ਸਾਹਮਣਾ ਕਰਨਾ ਪੈ ਸਕਦਾ ਹੈ।

ਹਾਲਾਂਕਿ ਸਾਈਕਲਾਂ ਰਾਹੀਂ ਜਾਂ ਪੈਦਲ ਜਾਣ ਵਾਲੇ ਪ੍ਰਭਾਵਿਤ ਨਹੀਂ ਹੋਣਗੇ। ਔਫੀਸ਼ੀਅਲਜ਼ ਮੁਤਾਬਕ ਮੁਰੰਮਤ ਦਾ ਕੰਮ ਜਲਦੀ ਕਰਨ ਲਈ ਇਸ ਨੂੰ ਪੂਰਾ ਸਮਾਂ ਬੰਦ ਰੱਖਿਆ ਜਾਣਾ ਹੈ। ਇਸ ਸਾਲ ਦੇ ਆਖਿਰ ਤੱਕ ਇਕ ਨਵਾਂ ਫੋਰ ਲੇਨ ਬ੍ਰਿਜ ਖੁੱਲ੍ਹਣ ਦੀ ਉਮੀਦ ਹੈ, ਜਿਸ ਦੇ ਬਾਅਦ ਮੌਜੂਦਾ ਬ੍ਰਿਜ ਨੂੰ ਹਟਾ ਦਿੱਤਾ ਜਾਵੇਗਾ। ਇਸ ਪ੍ਰੋਜੈਕਟ ਲਈ $1.637 ਬਿਲੀਅਨ ਦਾ ਖਰਚਾ ਆਉਣ ਦਾ ਅੰਦਾਜ਼ਾ ਹੈ।