20.05C Vancouver 20.05C VancouverMar 14, 2022 9:21 PM - The Canadian Press
ਮੈਟਰੋ ਵੈਨਕੂਵਰ 'ਚ ਟਰੱਕ ਚਾਲਕਾਂ ਦੇ ਇੱਕ ਗਰੁੱਪ ਵੱਲੋਂ ਅੱਜ ਇੱਕ ਕਾਨਵਾਈ ਦਾ ਪ੍ਰਬੰਧ ਕੀਤਾ ਗਿਆ।
ਦਰਅਸਲ ਮਾਮਲਾ ਇਲਾਕੇ 'ਚ ਗੈਸ ਦੀਆਂ ਵਧਦੀਆਂ ਕੀਮਤਾਂ ਨਾਲ ਸੰਬੰਧਤ ਸੀ।
ਅੱਜ ਸਰੀ 'ਚ ਕੋਕਟਲਮ ਵੱਲ ਦੇ ਰਸਤੇ 'ਚ ਪੋਰਟ ਮੈਨ ਬ੍ਰਿਜ ਕੋਲ ਇਸ ਕਾਨਵਾਈ ਕਾਰਨ ਟਰੈਫਿਕ 'ਚ ਵਿਘਨ ਪਿਆ।
ਕਈ ਟਰੱਕਸ ਸਮੇਤ ਵਾਹਨਾਂ ਦੀ ਲੰਮੀ ਕਤਾਰ ਵੇਖੀ ਜਾ ਸਕਦੀ ਸੀ।
ਇਸ ਦੇ ਕਾਰਨ 176 ਸਟ੍ਰੀਟ ਦੇ ਇਲਾਕੇ 'ਚ ਟਰੈਫਿਕ 'ਚ ਅੜਿੱਕੇ ਪੇਸ਼ ਆਏ।
ਹਾਲਾਂਕਿ ਉਸ ਸਮੇਂ ਤਕ ਸਪਸ਼ਟ ਨਹੀਂ ਸੀ ਕਿ ਇਹ ਟਰੱਕਰਸ ਦਾ ਪ੍ਰਦਰਸ਼ਨ ਅਤੇ ਕਾਨਵਾਈ ਕਿਸ ਕਾਰਨ ਰੱਖਿਆ ਗਿਆ ਸੀ।
ਸਵੇਰ 7.30 ਵਜੇ ਦੇ ਕਰੀਬ ਦੀਆਂ ਉਜਾਗਰ ਹੋਈਆਂ ਤਸਵੀਰਾਂ 'ਚ ਵਾਹਨਾਂ ਦੀਆਂ ਲੰਮੀਆਂ ਕਤਾਰਾਂ ਧੀਮੀ ਰਫਤਾਰ 'ਤੇ ਵਧਦੀਆਂ ਵੇਖੀਆਂ ਜਾ ਸਕਦੀਆਂ ਸਨ।
ਬੁਲਾਰੇ ਰਾਇਨ ਹੈਸ ਦਾ ਕਹਿਣਾ ਸੀ ਕਿ ਗੈਸ ਦੀਆਂ ਵਧਦੀਆਂ ਕੀਮਤਾਂ ਨਾਲ ਟਰੱਕਰਸ ਪ੍ਰਭਾਵਿਤ ਹੋ ਰਹੇ ਹਨ।
ਇਹ ਵੀ ਜਾਣਕਾਰੀ ਦਿੱਤੀ ਗਈ ਕਿ ਇਸ ਕਾਨਵਾਈ ਦਾ ਵੈਕਸੀਨ ਮੈਂਡੇਟਸ ਨਾਲ ਕੋਈ ਸੰਬੰਧ ਨਹੀਂ ਸੀ।
