ਸਰੀ ਪੁਲਿਸ ਸਰਵਿਸ ਦੀ ਗੈਂਗ ਕ੍ਰਾਈਮ ਯੂਨਿਟ ਨੇ ਲੋਡ ਕੀਤੀ ਹੈਂਡਗਨ ਸਮੇਤ ਡਰਾਈਵਰ ਨੂੰ ਕੀਤਾ ਗ੍ਰਿਫਤਾਰ

ਸਰੀ ਪੁਲਿਸ ਸਰਵਿਸ ਦੀ ਗੈਂਗ ਕ੍ਰਾਈਮ ਯੂਨਿਟ ਨੇ ਕੱਲ੍ਹ ਦੇਰ ਰਾਤ ਇੱਕ ਲੋਡ ਕੀਤੀ ਹੈਂਡਗਨ ਸਮੇਤ ਡਰਾਈਵਰ ਨੂੰ ਗ੍ਰਿਫਤਾਰ ਕੀਤਾ। ਪੁਲਿਸ ਨੇ ਕਿਹਾ ਕਿ ਰਾਤ ਕਰੀਬ 11.30 ਵਜੇ ਗੈਂਗ ਕ੍ਰਾਈਮ ਯੂਨਿਟ ਦੇ ਅਧਿਕਾਰੀ 64 ਐਵੇਨਿਊ ਅਤੇ 126 ਸਟ੍ਰੀਟ ਦੇ ਇਲਾਕੇ ਵਿਚ ਗਸ਼ਤ ਕਰ ਰਹੇ ਸਨ ਜਦੋਂ ਉਨ੍ਹਾਂ ਨੇ ਇੱਕ ਗੱਡੀ ਰੋਕੀ।

ਇਸ ਦੌਰਾਨ ਗੱਡੀ ਵਿਚ ਅਧਿਕਾਰੀਆਂ ਨੇ ਕੈਨਾਬਿਸ ਉਤਪਾਦ ਦੇਖੇ, ਵਾਹਨ ਦੀ ਤਲਾਸ਼ੀ ਲੈਣ ਸਮੇਂ ਇਸ ਵਿਚ ਇੱਕ ਬੈਟਨ ਅਤੇ ਇੱਕ ਭਰੀ ਹੋਈ ਪਿਸਤੌਲ ਬਰਾਮਦ ਹੋਈ, ਜਿਸ ਮਗਰੋਂ ਡਰਾਈਵਰ ਨੂੰ ਮੌਕੇ 'ਤੇ ਹਿਰਾਸਤ ਵਿਚ ਲੈ ਲਿਆ ਗਿਆ, ਉਸ ਤੋਂ ਇਲਾਵਾ ਗੱਡੀ ਵਿਚ ਕੋਈ ਹੋਰ ਸੀ।

ਸਰੀ ਪੁਲਿਸ ਸਰਵਿਸ ਨੇ ਕਿਹਾ ਕਿ ਹੈਂਡਗਨ ਨੂੰ ਫੋਰੈਂਸਿਕ ਜਾਂਚ ਲਈ ਭੇਜਿਆ ਜਾਵੇਗਾ ਅਤੇ ਅੱਗੇ ਦੀ ਜਾਂਚ ਤੱਕ ਡਰਾਈਵਰ ਨੂੰ ਰਿਹਾਅ ਕਰ ਦਿੱਤਾ ਗਿਆ ਹੈ।