13.22C Vancouver 13.22C VancouverJun 15, 2020 3:40 PM -
ਐਬਟਸਫੋਰਡ ਵਿੱਚ ਟ੍ਰਾੰਸ ਮਾਊਂਟਨ ਪਾਈਪਲਾਇਨ ਦੀ ਪੰਪਿੰਗ ਫਸੀਲਿਟੀ ਤੋਂ 190,000 ਲੀਟਰ ਕੱਚਾ ਤੇਲ ਡੁੱਲ੍ਹ ਜਾਣ ਤੋਂ ਬਾਅਦ, ਕੰਪਨੀ ਮੁਤਾਬਕ ਤੇਲ ਵਗਣ ਦਾ ਸਿਲਸਿਲਾ ਆਮ ਵਾਂਗ ਸ਼ੁਰੂ ਕਰ ਦਿੱਤਾ ਗਿਆ ਹੈ।
ਟਰਾਂਸ ਮਾਊਂਟਨ ਦੀ ਸਟੇਟਮੈਂਟ ਅਨੁਸਾਰ ਐਤਵਾਰ ਦੁਪਹਿਰ ਤੋਂ ਪਾਈਪਲਾਈਨ ਦੁਬਾਰਾ ਸ਼ੁਰੂ ਕਰ ਦਿੱਤੀ ਗਈ ਹੈ।
ਸ਼ਨੀਵਾਰ ਸਵੇਰ ਸੂਮਾਸ ਪੰਪ ਸਟੇਸ਼ਨ ਤੇ ਅਲਾਰਮ ਚੱਲ ਜਾਣ ਤੋਂ ਬਾਅਦ ਇਸ ਨੂੰ ਬੰਦ ਕਰ ਦਿੱਤਾ ਗਿਆ ਸੀ।
ਜਿੱਥੇ ਮਾਮਲੇ ਦੀ ਜਾਂਚ ਜਾਰੀ ਹੈ, ਉੱਥੇ ਹੀ ਟਰਾਂਸ ਮਾਊਂਟਨ ਮੁਤਾਬਕ ਤੇਲ ਡੁੱਲ੍ਹਣ ਦਾ ਕਾਰਨ 2.5 ਸੈਂਟੀਮੀਟਰ ਦੀ ਇੱਕ ਪਾਈਪ ਦੀ ਫਿਟਿੰਗ ਨੂੰ ਮੰਨਿਆ ਜਾ ਰਿਹਾ ਹੈ।
ਕੰਪਨੀ ਅਨੁਸਾਰ ਤੇਲ ਬਰਾਮਦ ਕਰ ਲਿਆ ਗਿਆ ਹੈ ਅਤੇ ਉਸ ਨਾਲ ਨਿਪਟਾਰੇ ਦੀ ਯੋਜਨਾ ਹੈ।
ਐਨਵਾਇਰਮੈਂਟ ਮਨਿਸਟਰੀ ਵੱਲੋਂ ਐਤਵਾਰ ਨੂੰ ਸਾਂਝੀ ਕੀਤੀ ਗਈ ਇੱਕ ਸਟੇਟਮੈਂਟ ਅਨੁਸਾਰ ਟਰਾਂਸ ਮਾਊਂਟਨ ਇਸ ਸਬੰਧ ਵਿੱਚ ਵਾਤਾਵਰਣ ਅਤੇ ਐਮਰਜੈਂਸੀ ਠੇਕੇਦਾਰਾਂ ਨਾਲ ਸਾਂਝੇ ਤੌਰ ਤੇ ਕੰਮ ਕਰ ਰਹੀ ਹੈ।
ਮਨਿਸਟਰੀ ਮੁਤਾਬਕ ਇਸ ਦਾ ਜ਼ਮੀਨ ਦੇ ਪਾਣੀ ਉੱਤੇ ਕੋਈ ਅਸਰ ਹੋਇਆ ਪ੍ਰਤੀਤ ਨਹੀਂ ਹੁੰਦਾ ਪਰ ਨਜ਼ਰ ਰੱਖੀ ਜਾ ਰਹੀ ਹੈ।
ਫੈਡਰਲ ਸਰਕਾਰ ਵੱਲੋਂ ਟਰਾਂਸ ਮਾਊਂਟਨ ਪਾਈਪਲਾਈਨ ਦੇ ਵਿਸਥਾਰ ਨੂੰ ਪਿਛਲੇ ਜੂਨ ਵਿੱਚ ਮਨਜ਼ੂਰੀ ਦਿੱਤੀ ਗਈ ਸੀ ਜਿਸ ਨਾਲ ਇਸ ਦੀ ਸਮਰੱਥਾ ਨੂੰ ਤਿੰਨ ਗੁਣਾ ਵਧਾਇਆ ਜਾ ਸਕੇਗਾ।
