12.25C Vancouver 12.25C VancouverApr 17, 2020 4:26 PM -
ਫੈਡਰਲ ਐਮਰਜੈਂਸੀ ਵੇਜ ਸਬਸਿਡੀ ਦੀ ਮਦਦ ਨਾਲ ਏਅਰ ਟਰਾਂਜ਼ੈਟ ਵੱਲੋਂ ਬੀਤੇ ਦਿਨੀਂ ਅਸਥਾਈ ਤੌਰ ਤੇ ਲੇਅ ਆਫ ਕੀਤੇ ਗਏ ਆਪਣੇ 4,000 ਕਰਮਚਾਰੀਆਂ ਨੂੰ ਵਾਪਸ ਨੌਕਰੀਆਂ ਉੱਤੇ ਰੱਖਿਆ ਜਾਵੇਗਾ।
ਟਰਾਂਜ਼ੈਟ ਮੁਤਾਬਕ ਦੁਬਾਰਾ ਨੌਕਰੀਆਂ ਉੱਤੇ ਰੱਖੇ ਜਾ ਰਹੇ ਕਰਮਚਾਰੀਆਂ ਵਿੱਚੋਂ ਜ਼ਿਆਦਾਤਰ ਫਲਾਈਟ ਅਟੈਂਡੈਂਟ ਹਨ ਜਿਨ੍ਹਾਂ ਨੂੰ ਰੀਕਾਲ ਅਧੀਨ ਵਾਪਸ ਕੰਮ ਤੇ ਨਹੀਂ ਆਉਣਾ ਪਵੇਗਾ।
ਵਾਪਸ ਆ ਰਹੇ ਸਟਾਫ਼ ਨੂੰ ਆਪਣੀ ਤਨਖਾਹ ਦੇ ਪਹਿਲੇ $58,700 ਦਾ 75 ਫੀਸਦੀ ਹਿੱਸਾ ਸਰਕਾਰ ਵਲੋਂ ਪ੍ਰਦਾਨ ਕੀਤਾ ਜਾਵੇਗਾ।
ਟਰਾਂਜ਼ੈਟ ਦੇ ਸੀ.ਈ.ਓ. ਜੋਨ ਮਾਰਕ ਯੂਸਟੇਚ ਦਾ ਕਹਿਣਾ ਹੈ ਕਿ ਆਪਣੇ ਕਾਮਿਆਂ ਵਿੱਚੋਂ 80 ਫ਼ੀਸਦੀ ਨੂੰ ਨੌਕਰੀਆਂ ਤੋਂ ਕੱਢਣਾ ਕੰਪਨੀ ਲਈ ਇੱਕ ਬਹੁਤ ਮੁਸ਼ਕਲ ਫੈਸਲਾ ਸੀ।
23 ਮਾਰਚ ਨੂੰ ਟਰਾਂਜ਼ੈਟ ਵੱਲੋਂ ਇਹ ਐਲਾਨ ਕੀਤਾ ਗਿਆ ਸੀ ਕਿ ਸਾਰੇ 3,600 ਫਲਾਈਟ ਅਟੈਂਡੈਂਟ ਲੇਅ ਆਫ ਕੀਤੇ ਜਾ ਰਹੇ ਹਨ।
ਕਰੋਨਾਵਾਇਰਸ ਦੇ ਫੈਲਾਅ ਕਾਰਨ ਏਅਰਲਾਈਨ ਬਿਜ਼ਨੈੱਸ ਉੱਤੇ ਡੂੰਘਾ ਪ੍ਰਭਾਵ ਪਿਆ ਹੈ ਅਤੇ ਇਹ ਲੇਅ ਆਫ ਉਸੇ ਦਾ ਨਤੀਜਾ ਸਨ।
