17.72C Vancouver 17.72C VancouverMay 8, 2020 8:35 PM -
ਟ੍ਰਾਂਸਲਿੰਕ ਨੇ ਅੱਜ ਜਾਣਕਾਰੀ ਜਾਰੀ ਕੀਤੀ ਹੈ ਕਿ ਕੰਪਨੀ ਵੱਲੋਂ ਲਏ ਗਏ, 1,500 ਕਰਮਚਾਰੀਆਂ ਨੂੰ ਲੇਅਆਫ ਕਰਨ ਦਾ ਫੈਸਲਾ, ਅਤੇ ਕਈ ਬੱਸ ਰੂਟਾਂ 'ਤੇ ਸੇਵਾਵਾਂ ਨੂੰ ਘਟਾਉਣ ਜਾਂ ਰੱਦ ਕਰਨ ਦਾ ਫੈਸਲਾ ਅਜੇ ਟਾਲ ਦਿੱਤਾ ਗਿਆ ਹੈ।
ਸੂਬਾ ਸਰਕਾਰ ਅਤੇ ਟ੍ਰਾਂਸਲਿੰਕ ਵੱਲੋਂ ਲਗਾਤਾਰ ਕੰਮ ਕੀਤਾ ਜਾ ਰਿਹਾ ਹੈ ਅਤੇ ਟ੍ਰਾੰਸਲਿੰਕ ਦੇ ਝੱਲੇ ਕੋਵਿਡ-19 ਸੰਕਟ ਦੌਰਾਨ ਦੇ ਪ੍ਰਤੀ ਮਹੀਨੇ ਦੇ $75ਮਿਲੀਅਨ ਦੇ ਨੁਕਸਾਨ ਤੋਂ ਕੰਪਨੀ ਨੂੰ ਉਭਾਰਨ ਦੀ ਕੋਸ਼ਿਸ਼ ਕੀਤੀ ਜਾ ਰਹੀ ਹੈ।
ਇਸੇ ਦੇ ਚਲਦੇ ਹਾਲ ਦੀ ਘੜੀ ਟ੍ਰਾਂਸਲਿੰਕ ਵੱਲੋਂ ਪਹਿਲਾਂ ਲਏ ਗਏ ਫੈਸਲਿਆਂ 'ਚ ਫਿਲਹਾਲ ਅੱਗੇ ਨਹੀਂ ਵਧਿਆ ਜਾ ਰਿਹਾ।
ਕੰਪਨੀ ਅਤੇ ਸਰਕਾਰ ਵਿਚਾਲੇ ਇਸਤੇ ਚਰਚਾ ਜਾਰੀ ਰਹੀ ਹੈ ਅਤੇ ਇਸੇ ਦੇ ਸਿੱਟੇ ਵਜੋਂ ਹਾਲ ਦੀ ਘੜੀ, 18 ਮਈ ਤੋਂ ਲਾਗੂ ਹੋਣ ਵਾਲੇ 1,500 ਕਰਮਚਾਰੀਆਂ ਨੂੰ ਲੇਅਆਫ ਕਰਨ ਦੇ ਫੈਸਲੇ ਜਿਹੇ ਕਦਮਾਂ ਨੂੰ ਟਾਲਿਆ ਜਾ ਰਿਹਾ ਹੈ।
ਜਾਣਕਾਰੀ ਦਿੱਤੀ ਗਈ ਕਿ ਸੂਬਾ ਅਤੇ ਕੰਪਨੀ ਇਸ ਸੰਬੰਧੀ ਫੈਡਰਲ ਸਰਕਾਰ ਤੋਂ ਮਦਦ ਮੰਗਦੀ ਰਹੀ ਹੈ ਜੋ ਅੱਗੇ ਵੀ ਜਾਰੀ ਰੱਖਿਆ ਜਾਵੇਗਾ, ਤਾਂ ਜੋ ਇਸਦਾ ਕੋਈ ਰਾਸ਼ਟਰੀ ਹੱਲ ਕੱਢਿਆ ਜਾ ਸਕੇ।
ਬੀ.ਸੀ. 'ਚ ਦੁਬਾਰਾ ਤੋਂ ਬਹੁਤ ਕਿਸਮ ਦੀਆਂ ਸੇਵਾਵਾਂ ਸ਼ੁਰੂ ਕੀਤੀਆਂ ਜਾ ਰਹੀਆਂ ਹਨ ਅਤੇ ਇਸ ਦੌਰਾਨ ਟ੍ਰਾਂਸਲਿੰਕ ਵੱਲੋਂ ਵੀ ਧਿਆਨ ਰੱਖਿਆ ਜਾਵੇਗਾ ਕਿ ਇੱਕ ਪਾਸੇ ਲੋਕਾਂ ਦੀ ਆਵਾਜਾਈ 'ਚ ਯੋਗਦਾਨ ਜਾਰੀ ਰਹੇ ਪਰ ਨਾਲ ਹੀ ਸੁਰੱਖਿਆ ਸੰਬੰਧੀ ਉਠਾਏ ਜਾਣ ਵਾਲੇ ਕਦਮਾਂ ਦਾ ਵੀ ਧਿਆਨ ਰੱਖਿਆ ਜਾਵੇ।
ਵਧੇਰੇ ਸੇਵਾਵਾਂ ਅਤੇ ਸੁਰੱਖਿਆ ਸੰਬੰਧੀ ਐਲਾਨ ਵੀ ਆਉਂਦੇ ਦਿਨਾਂ 'ਚ ਕੀਤੇ ਜਾਣਗੇ।
ਇਸ ਸੰਬੰਧੀ ਟ੍ਰਾਂਸਲਿੰਕ ਦੇ ਸੀ.ਈ.ਓ. ਕੇਵਿਨ ਡੈਸਮੰਡ ਨੇ ਕਿਹਾ ਕਿ ਬ੍ਰਿਟਿਸ਼ ਕੋਲੰਬੀਆ ਅਤੇ ਮੈਟਰੋ ਵੈਨਕੂਵਰ ਦੀ ਇਕਾਨਮੀ ਨੂੰ ਅੱਗੇ ਵਧਾਉਣ ਲਈ ਇਹ ਇੱਕ ਅਹਿਮ ਕਦਮ ਹੈ।
ਉਨ੍ਹਾਂ ਕਿਹਾ ਕਿ ਟ੍ਰਾਂਜ਼ਿਟ ਸੇਵਾਵਾਂ ਇਲਾਕੇ ਦੇ ਸੈਂਕੜੇ-ਹਜ਼ਾਰਾਂ ਲੋਕਾਂ ਲਈ ਬੇਹਦ ਅਹਿਮ ਹਨ ਅਤੇ ਅਸੀਂ ਲੋਕਾਂ ਨੂੰ ਸੁਰੱਖਿਅਤ ਅਤੇ ਵਿਸ਼ਵਾਸਯੋਗ ਸੇਵਾਵਾਂ ਪ੍ਰਦਾਨ ਕਰਨਾ ਜਾਰੀ ਰੱਖਾਂਗੇ।
ਉਨ੍ਹਾਂ ਕਿਹਾ, "ਸਾਨੂੰ ਮਾਣ ਹੈ, ਅਸੀਂ ਬੀ.ਸੀ. ਸੂਬੇ ਨਾਲ ਮਿਲਕੇ ਇਕਾਨਮੀ ਨੂੰ ਦੁਬਾਰਾ ਖੋਲ੍ਹਣ 'ਚ ਯੋਗਦਾਨ ਪਾਉਣ ਜਾ ਰਹੇ ਹਾਂ ਅਤੇ ਇਲਾਕੇ 'ਚ ਟ੍ਰਾਂਜ਼ਿਟ ਸੇਵਾਵਾਂ ਜਾਰੀ ਰੱਖ ਰਹੇ ਹਾਂ।"
