31.58C Vancouver 31.58C VancouverAug 1, 2025 12:44 PM - The Canadian Press
ਕੈਨੇਡਾ ਦੇ ਹਾਊਸ ਆਫ ਕਾਮਨ ਦੀ ਟ੍ਰਾਂਸਪੋਰਟ ਕਮੇਟੀ ਬੀਸੀ ਫੈਰੀਜ਼ ਨੂੰ ਫੈਡਰਲ ਸਰਕਾਰ ਦੇ ਬੈਂਕ ਤੋਂ ਮਿਲੇ $1-ਬਿਲੀਅਨ ਦੇ ਲੋਨ 'ਤੇ ਅੱਜ ਬੈਠਕ ਕਰ ਰਹੀ ਹੈ ਜੋ ਉਸ ਨੂੰ ਚੀਨ ਤੋਂ 4 ਨਵੇਂ ਜਹਾਜ਼ ਖਰੀਦਣ ਲਈ ਮਿਲਿਆ ਹੈ। ਪੀਅਰ ਪੌਲੀਐਵ ਦੀ ਅਗਵਾਈ ਵਾਲੀ ਕੰਜ਼ਰਵੇਟਿਵ ਪਾਰਟੀ ਇਸ ਨੂੰ ਰੱਦ ਕਰਨ ਦੀ ਮੰਗ ਕਰ ਚੁੱਕੀ ਹੈ।
ਕੈਨੇਡਾ ਇਨਫਰਾਸਟ੍ਰਕਚਰ ਬੈਂਕ ਵਲੋਂ ਦਿੱਤੇ ਗਏ ਇਸ ਲੋਨ ਦਾ ਰੀਵਿਊ ਕਰਨ ਲਈ ਸੰਸਦੀ ਕਮੇਟੀ ਸਾਹਮਣੇ ਟਰਾਂਸਪੋਰਟ ਮੰਤਰੀ ਕ੍ਰਿਸਟੀਆ ਫ੍ਰੀਲੈਂਡ, ਬੀ.ਸੀ. ਫੈਰੀਜ਼ ਅਤੇ ਲੋਨ ਦੇਣ ਵਾਲੇ ਬੈਂਕ ਦੇ ਸੀ.ਈ.ਓ.ਅਤੇ ਹਾਊਸਿੰਗ ਤੇ ਇਨਫਰਾਸਟ੍ਰਕਚਰ ਮੰਤਰੀ ਗ੍ਰੇਗਰ ਰੌਬਰਟਸਨ ਪੇਸ਼ ਹੋਣਗੇ।
ਕੰਜ਼ਰਵੇਟਿਵ ਪਾਰਟੀ ਦੇ ਐਮ.ਪੀ. ਅਤੇ ਪਾਰਟੀ ਦੇ ਟ੍ਰਾਂਸਪੋਰਟ ਆਲੋਚਕ ਡੈਨ ਐਲਬਾਸ ਨੇ ਜੂਨ ਵਿਚ ਹਾਊਸ ਆਫ ਕਾਮਨ ਦੀ ਟਰਾਂਸਪੋਰਟ ਕਮੇਟੀ ਨੂੰ ਇਸ ਮੁੱਦੇ 'ਤੇ ਬੈਠਕ ਬੁਲਾਉਣ ਦੀ ਮੰਗ ਕੀਤੀ ਸੀ ਕਿਉਂਕਿ ਬੀਸੀ ਫੈਰੀਜ਼ ਦਾ ਚੀਨ ਦੀ ਕੰਪਨੀ ਨਾਲ ਇਹ ਸੌਦਾ ਅਜਿਹੇ ਸਮੇਂ ਹੋਇਆ ਜਦੋਂ ਕੈਨੇਡਾ -ਚੀਨ ਤੇ ਅਮਰੀਕਾ ਦੋਵਾਂ ਤੋਂ ਟੈਰਿਫ ਦਾ ਸਾਹਮਣਾ ਕਰ ਰਿਹਾ ਹੈ। ਫੈਡਰਲ ਟ੍ਰਾਂਸਪੋਰਟ ਮੰਤਰੀ ਫ੍ਰੀਲੈਂਡ ਨੇ ਖੁਦ ਵੀ ਇਸ ਡੀਲ 'ਤੇ ਨਿਰਾਸ਼ਾ ਜਤਾਈ ਸੀ।
