ਕੈਨੇਡੀਅਨ ਹਵਾਈ ਅੱਡਿਆਂ 'ਤੇ ਬੰਬ ਦੀ ਧਮਕੀ ਤੋਂ ਬਾਅਦ ਯਾਤਰੀਆਂ ਨੂੰ ਕਰਨਾ ਪੈ ਸਕਦਾ ਦੇਰੀ ਦਾ ਸਾਹਮਣਾ:ਐਨਏਵੀ ਕੈਨੇਡਾ

ਕੈਨੇਡਾ ਦੀ ਏਅਰ-ਟ੍ਰੈਫਿਕ ਕੰਟਰੋਲ ਏਜੰਸੀ ਨੇ ਬੰਬ ਦੀ ਧਮਕੀ ਕਾਰਨ ਵੀਰਵਾਰ ਨੂੰ ਦੇਸ਼ ਭਰ ਵਿਚ ਉਡਾਣਾਂ ਪ੍ਰਭਾਵਿਤ ਹੋਣ ਦੀ ਚਿਤਾਵਨੀ ਦਿੱਤੀ। ਐਨਏਵੀ ਕੈਨੇਡਾ ਨੇ ਕਿਹਾ ਕਿ ਬੰਬ ਦੀ ਧਮਕੀ ਕਾਰਨ ਛੇ ਕੈਨੇਡੀਅਨ ਹਵਾਈ ਅੱਡੇ ਪ੍ਰਭਾਵਿਤ ਹੋਏ। ਇਨ੍ਹਾਂ ਵਿਚ ਔਟਵਾ,ਮਾਂਟਰੀਅਲ,ਐਡਮਿੰਟਨ,ਵਿਨੀਪੈਗ,ਕੈਲਗਰੀ ਅਤੇ ਵੈਨਕੂਵਰ ਹਵਾਈ ਅੱਡੇ ਸ਼ਾਮਲ ਸਨ।

ਏਜੰਸੀ ਨੇ ਹਾਲਾਂਕਿ ਯਾਤਰੀਆਂ ਨੂੰ ਆਪਣੀਆਂ ਏਅਰਲਾਈਨਾਂ ਨਾਲ ਫਲਾਈਟ ਸ਼ਡਿਊਲ ਚੈੱਕ ਕਰਨ ਲਈ ਕਿਹਾ। ਏਅਰਪੋਰਟ ਅਥਾਰਟੀ ਨੇ ਇਸ ਗੱਲ ਦੀ ਪੁਸ਼ਟੀ ਕੀਤੀ ਕਿ ਬੰਬ ਦੀ ਧਮਕੀ ਕਾਰਨ ਕੈਲਗਰੀ ਦੇ ਹਵਾਈ ਅੱਡੇ ਵੀ ਪ੍ਰਭਾਵਿਤ ਹੋਏ ਪਰ ਨਿਯਮਤ ਕਾਰਜਾਂ 'ਤੇ ਬਹੁਤ ਘੱਟ ਪ੍ਰਭਾਵ ਪਿਆ।

ਫੈਡਰਲ ਸਰਕਾਰ ਦੇ ਟਰਾਂਸਪੋਰਟ ਵਿਭਾਗ ਨੇ ਵੀ ਅਪੀਲ ਕੀਤੀ ਕਿ ਯਾਤਰੀਆਂ ਨੂੰ ਫਲਾਈਟਸ ਵਿਚ ਦੇਰੀ ਲਈ ਦੋਹਰੀ ਜਾਂਚ ਕਰਨੀ ਚਾਹੀਦੀ ਹੈ। ਕੈਨੇਡਾ ਦਾ ਸਭ ਤੋਂ ਵੱਡਾ ਹਵਾਈ ਅੱਡਾ ਇਨ੍ਹਾਂ ਧਮਕੀਆਂ ਤੋਂ ਪ੍ਰਭਾਵਿਤ ਨਹੀਂ ਹੋਇਆ। ਗ੍ਰੇਟਰ ਟੋਰਾਂਟੋ ਏਅਰਪੋਰਟ ਅਥਾਰਟੀ ਨੇ ਕਿਹਾ ਕਿ ਟੋਰੌਂਟੋ ਪੀਅਰਸਨ'ਤੇ ਉਡਾਣਾਂ ਬਿਨਾਂ ਦੇਰੀ ਦੇ ਚੱਲ ਰਹੀਆਂ ਹਨ।