12.31C Vancouver 12.31C VancouverOct 26, 2021 7:36 PM - The Canadian Press
ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਨੇ ਆਪਣੇ ਨਵੇਂ ਕੈਬਿਨੇਟ ਦਾ ਐਲਾਨ ਕਰ ਦਿੱਤਾ ਹੈ।
ਇਸ 'ਚ ਕਈ ਅਹਿਮ ਬਦਲਾਅ ਕੀਤੇ ਗਏ ਹਨ।
ਹਰਜੀਤ ਸੱਜਣ ਨੂੰ ਰੱਖਿਆ, ਕੈਰੋਲੀਨ ਬੈਨੇਟ ਨੂੰ ਕਰਾਊਨ-ਇੰਡਿਜਿਨਸ ਰਿਲੇਸ਼ਨਸ, ਮਾਰਕ ਗਾਰਨੇਉ ਨੂੰ ਗਲੋਬਲ ਅਫੇਅਰਸ ਅਤੇ ਪੈਟੀ ਹਾਏਡੂ ਨੂੰ ਸਿਹਤ ਮੰਤਰਾਲਾ ਗਵਾਉਣਾ ਪਿਆ ਹੈ।
ਸੱਜਣ ਦੀ ਮਿਲਟਰੀ 'ਚ ਜਿਨਸੀ ਬਦਸਲੂਕੀ ਦੇ ਮਾਮਲਿਆਂ ਨੂੰ ਹੈਂਡਲ ਕਰਨ ਦੇ ਤਰੀਕੇ 'ਤੇ ਲਗਾਤਾਰ ਨਿਖੇਧੀ ਹੋਈ ਸੀ।
ਹੁਣ ਇਹ ਅਹੁਦਾ ਅਨੀਤਾ ਅਨੰਦ ਨੂੰ ਸੌਂਪ ਦਿੱਤਾ ਗਿਆ ਹੈ।
ਇਸ ਤੋਂ ਪਹਿਲਾਂ ਅਨੀਤਾ ਅਨੰਦ ਪ੍ਰੋਕਿਓਰਮੈਂਟ ਮੰਤਰੀ ਦੀ ਜਿੰਮੇਵਾਰੀ ਸੰਭਾਲ ਰਹੀ ਸੀ।
ਅਨੀਤਾ ਅਨੰਦ ਦੇਸ਼ ਦੀ ਦੂਜੀ ਔਰਤ ਬਣ ਗਈ ਹੈ ਜਿਸ ਨੂੰ ਰੱਖਿਆ ਮੰਤਰੀ ਦੇ ਅਹੁਦੇ ਦੀ ਜਿੰਮੇਵਾਰੀ ਸੌਂਪੀ ਗਈ ਹੈ।
ਜੋਨਾਥਨ ਵਿਲਕਿੰਸਨ ਦੀ ਜਗ੍ਹਾ ਵਾਤਾਵਰਨ ਮੰਤਰੀ ਦੀ ਜਿੰਮੇਵਾਰੀ ਸਟੀਵਨ ਗਿਲਬੌਲਟ ਨੂੰ ਸੌਂਪੀ ਗਈ ਹੈ।
ਜੋਨਾਥਨ ਵਿਲਕਿੰਸਨ ਨੂੰ ਹੁਣ ਨੈਚੁਰਲ ਰਿਸੋਰਸਿਸ ਮੰਤਰੀ ਬਣਾਇਆ ਗਿਆ ਹੈ।
ਕੈਰੋਲੀਨ ਬੈਨੇਟ ਨੂੰ ਮੈਂਟਲ ਹੈਲਥ ਐਂਡ ਐਡਿਕਸ਼ਨਸ ਮੰਤਰਾਲਾ ਸੌਂਪਿਆ ਗਿਆ ਹੈ।
ਪੈਟੀ ਹਾਏਡੂ ਹੁਣ ਇੰਡੀਜਨਸ ਸਰਵਿਸਿਸ ਮੰਤਰੀ ਦੀ ਜਿੰਮੇਵਾਰੀ ਸੰਭਾਲਣਗੇ।
ਨਵੇਂ ਕੈਬਿਨੇਟ 'ਚ ਸਿਰਫ 7 ਮੰਤਰੀਆਂ ਨੇ ਮੁੜ ਆਪਣੇ ਪੁਰਾਣੇ ਅਹੁਦੇ ਸੰਭਾਲੇ ਹਨ।
