12.46C Vancouver 12.46C VancouverMar 3, 2025 5:17 PM - Connect Newsroom
ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਨੇ ਹੈਲੀਫੈਕਸ ਦੀ ਸੰਸਦੀ ਸੀਟ ਦੀ ਜ਼ਿਮਨੀ ਚੋਣ 14 ਅਪ੍ਰੈਲ ਨੂੰ ਕਰਵਾਏ ਜਾਣ ਦੀ ਹਰੀ ਝੰਡੀ ਦਿੱਤੀ ਹੈ। ਇਹ ਟਰੂਡੋ ਵਲੋਂ ਅਹੁਦਾ ਛੱਡਣ ਦੀ ਘੋਸ਼ਣਾ ਤੋਂ ਬਾਅਦ ਪਹਿਲੀ ਜ਼ਿਮਨੀ ਚੋਣ ਹੈ। ਹੈਲੀਫੈਕਸ ਦੀ ਸੀਟ ਲਿਬਰਲ ਐਮਪੀ ਐਂਡੀ ਫਿਲਮੋਰ ਵਲੋਂ ਪਿਛਲੇ ਸਾਲ ਸਤੰਬਰ ਵਿਚ ਖਾਲੀ ਕੀਤੀ ਗਈ ਸੀ।
ਇਸ ਤੋਂ ਪਹਿਲਾਂ ਲਿਬਰਲ ਨੂੰ ਟਰੂਡੋ ਦੀ ਅਗਵਾਈ ਵਿਚ ਟੋਰਾਂਟੋ ਅਤੇ ਮਾਂਟਰੀਅਲ ਦੀਆਂ ਦੋਵੇਂ ਜ਼ਿਮਨੀ-ਚੋਣਾਂ ਵਿਚ ਇਤਿਹਾਸਕ ਹਾਰ ਦਾ ਸਾਹਮਣਾ ਕਰਨਾ ਪਿਆ ਸੀ।
ਹਾਲਾਂਕਿ, ਲਿਬਰਲ ਪਾਰਟੀ ਦੀ ਚੱਲ ਰਹੀ ਲੀਡਰਸ਼ਿਪ ਦੌੜ ਵਿਚ ਸਾਬਕਾ ਬੈਂਕਰ ਮਾਰਕ ਕਾਰਨੀ ਦੇ ਸੰਭਾਵੀ ਲੀਡਰ ਬਣਨ ਦੀਆਂ ਉਮੀਦਾਂ ਵਿਚਕਾਰ ਹਾਲ ਹੀ ਦੇ ਇੱਕ ਨੈਸ਼ਨਲ ਸਰਵੇ ਵਿਚ ਲਿਬਰਲ ਪਾਰਟੀ ਕੰਜ਼ਰਵੇਟਿਵ ਤੋਂ ਹਲਕੀ ਬੜ੍ਹਤ ਨਾਲ ਅੱਗੇ ਨਿਕਲੀ ਹੈ ਪਰ ਇਹ ਕਿਹਾ ਨਹੀਂ ਜਾ ਸਕਦਾ ਕਿ ਹੈਲੀਫੈਕਸ ਜ਼ਿਮਨੀ ਚੋਣ ਵਿਚ ਇਸ ਦਾ ਕੋਈ ਅਸਰ ਹੋਵੇਗਾ ਜਾਂ ਨਹੀਂ।
ਉਥੇ ਹੀ, ਜੇ ਅਪ੍ਰੈਲ ਵਿੱਚ ਇਸ ਸੀਟ ਲਈ ਵੋਟਾਂ ਪੈਣ ਤੋਂ ਪਹਿਲਾਂ ਫੈਡਰਲ ਚੋਣਾਂ ਦੀ ਘੋਸ਼ਣਾ ਹੋ ਜਾਂਦੀ ਹੈ ਤਾਂ ਜ਼ਿਮਨੀ ਚੋਣ ਰੱਦ ਕੀਤੀ ਜਾ ਸਕਦੀ ਹੈ ਅਤੇ ਇਹ ਜ਼ਿਮਨੀ ਚੋਣ ਫਿਰ ਜਨਰਲ ਇਲੈਕਸ਼ਨ ਦੇ ਨਾਲ ਹੀ ਹੋਵੇਗੀ।
