11.87C Vancouver 11.87C VancouverMay 31, 2021 3:34 PM -
ਬੀਤੇ ਦਿਨੀ ਕੈਮਲੂਪਸ ਵਿੱਚ ਸਾਬਕਾ ਰੈਸਿਡੇਂਸ਼ਲ ਸਕੂਲ ਵਿਖੇ ਦਫ਼ਨਾਏ ਗਏ 215 ਬੱਚਿਆਂ ਨੂੰ ਸ਼ਰਧਾਂਜਲੀ ਦੇ ਤੌਰ ’ਤੇ ਸੋਮਵਾਰ ਨੂੰ ਮੁਨਿਸਿਪਲ, ਸੂਬਾਈ ਅਤੇ ਫੈਡਰਲ ਇਮਾਰਤਾਂ ਦੇ ਝੰਡੇ ਝੁਕਾਏ ਜਾਣਗੇ।
ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਨੇ ਇਹ ਐਲਾਨ ਐਤਵਾਰ ਨੂੰ ਟਵਿਟਰ ਰਾਹੀਂ ਕੀਤਾ।
ਟਰੂਡੋ ਨੇ ਕਿਹਾ ਕਿ ਪੀਸ ਟਾਵਰ ਦੇ ਝੰਡੇ ਸਮੇਤ ਸਾਰੇ ਝੰਡਿਆਂ ਨੂੰ ਝੁਕਾਉਣ ਦਾ ਫੈਸਲਾ 'ਘਰੇ ਨਾਂ ਪਰਤੇ' ਇੰਡੀਜਨਸ ਬੱਚਿਆਂ, ਅਤੇ ਉਨ੍ਹਾਂ ਦੇ ਪਰਿਵਾਰਾਂ ਨੂੰ ਮਾਨਤਾ ਦੇਣ ਲਈ ਹੈ।
‘ਕੈਮਲੂਪਸ ਦ ਸ਼ਾਵਿਆਪਮ ਫਰਸਟ ਨੇਸ਼ਨ’ ਦੇ ਚੀਫ਼ ਰੋਜ਼ੇਨ ਕੈਸੀਮੀਰ ਮੁਤਾਬਕ ਇਸ ਗੱਲ ਦੀ ਪੁਸ਼ਟੀ ਬੀਤੇ ਵੀਕਐਂਡ ਮਾਹਿਰਾਂ ਵੱਲੋਂ ਕੀਤੀ ਗਈ ਸੀ।
ਦਫ਼ਨਾਏ ਹੋਏ ਬੱਚਿਆਂ ਵਿਚੋਂ ਕਈਆਂ ਦੀ ਉਮਰ ਤਿੰਨ ਸਾਲ ਹੈ।
ਕੈਸੀਮੀਰ ਅਨੁਸਾਰ ਇਹ ਇੱਕ ਵੱਡਾ ਦੁਖਾਂਤ ਹੈ ਅਤੇ ਮੰਨਿਆ ਜਾ ਰਿਹਾ ਹੈ ਕਿ ਬੱਚਿਆਂ ਦੀ ਮੌਤ ਕਿਸੇ ਵੀ ਤਰ੍ਹਾਂ ਦੇ ਦਸਤਾਵੇਜ਼ਾਂ ਵਿੱਚ ਦਰਜ ਨਹੀਂ ਹੈ।
ਫੋਰੈਂਸਿਕ ਮਾਹਰ ਲਿਆਉਣ ਦੀ ਯੋਜਨਾ ਬਣਾਈ ਜਾ ਰਹੀ ਹੈ ਤਾਂ ਜੋ ਸਾਈਟ 'ਤੇ ਦੱਬੇ ਬੱਚਿਆਂ ਦੀਆਂ ਲਾਸ਼ਾਂ ਦੀ ਪਛਾਣ ਕੀਤੀ ਜਾ ਸਕੇ ਅਤੇ ਉਨ੍ਹਾਂ ਦੇ ਮ੍ਰਿਤਕ ਸਰੀਰ ਪਰਿਵਾਰਾਂ ਤੱਕ ਪਹੁੰਚਾਏ ਜਾ ਸਕਣ।
ਟੋਰੌਂਟੋ, ਔਟਵਾ, ਮਿਸੀਸਾਗਾ ਅਤੇ ਬਰੈਂਪਟਨ ਸਮੇਤ ਔਂਟਾਰਿਓ ਭਰ ਦੇ ਭਾਈਚਾਰਿਆਂ ਦੇ ਮੇਅਰਾਂ ਨੇ ਵੀ ਬੱਚਿਆਂ ਨੂੰ ਸਨਮਾਨਿਤ ਕਰਨ ਲਈ ਝੰਡੇ ਹੇਠਾਂ ਕਰਨ ਦਾ ਆਦੇਸ਼ ਦਿੱਤਾ ਹੈ।
