16.79C Vancouver 16.79C VancouverNov 26, 2024 4:37 PM - The Canadian Press
ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਨੇ ਟਰੰਪ ਵਲੋਂ ਕੈਨੇਡੀਅਨ ਇੰਪੋਰਟਸ ’ਤੇ 25 ਫੀਸਦੀ ਟੈਰਿਫ ਲਗਾਏ ਜਾਣ ਦੀ ਘੋਸ਼ਣਾ ਦੇ ਸਬੰਧ ਵਿਚ ਕੈਨੇਡਾ ਭਰ ਦੇ ਪ੍ਰੀਮੀਅਰਾਂ ਦੀ ਮੀਟਿੰਗ ਸੱਦੀ ਹੈ, ਇਹ ਮੀਟਿੰਗ ਕੱਲ੍ਹ ਹੋਵੇਗੀ, ਜਿਸ ਵਿਚ ਟੈਰਿਫ ਨਾਲ ਨਜਿੱਠਣ ਬਾਰੇ ਚਰਚਾ ਕੀਤੀ ਜਾਵੇਗੀ। ਔਟਵਾ ਵਿਚ ਪਾਰਲੀਮੈਂਟ ਹਿੱਲ ਵਿਖੇ ਪੱਤਰਕਾਰਾਂ ਨਾਲ ਗੱਲ ਕਰਦੇ ਟਰੂਡੋ ਨੇ ਕਿਹਾ ਕਿ ਸਭ ਤੋਂ ਮਹੱਤਵਪੂਰਨ ਗੱਲ ਇਹ ਹੈ ਕਿ ਅਸੀਂ ਸਾਰੇ ਇਸ ਮੁੱਦੇ ’ਤੇ ਮਿਲ ਕੇ ਕੰਮ ਕਰੀਏ।
ਇਸ ਦੌਰਾਨ ਉਨ੍ਹਾਂ ਟਰੰਪ ਨਾਲ ਫ਼ੋਨ ਕਾਲ ’ਤੇ ਸੋਮਵਾਰ ਰਾਤ ਹੋਈ ਗੱਲਬਾਤ ਬਾਰੇ ਵੀ ਜਾਣਕਾਰੀ ਦਿੱਤੀ। ਟਰੂਡੋ ਨੇ ਕਿਹਾ ਕਿ ਅਸੀਂ ਕੁਝ ਚੁਣੌਤੀਆਂ ਬਾਰੇ ਗੱਲ ਕੀਤੀ, ਜਿਨ੍ਹਾਂ ’ਤੇ ਅਸੀਂ ਮਿਲ ਕੇ ਕੰਮ ਕਰ ਸਕਦੇ ਹਾਂ।
ਉੱਥੇ ਹੀ, ਪ੍ਰਧਾਨ ਮੰਤਰੀ ਦਫ਼ਤਰ ਮੁਤਾਬਕ, ਪ੍ਰੀਮੀਅਰ ਨਾਲ ਪੀ. ਐੱਮ. ਟਰੂਡੋ ਦੀ ਬੈਠਕ ਬੁੱਧਵਾਰ ਸ਼ਾਮ ਪੰਜ ਵਜੇ ਵਰਚੁਅਲੀ ਹੋਵੇਗੀ।
ਕੈਨੇਡਾ ਅਮਰੀਕਾ ਨੂੰ ਇਹ ਸੰਦੇਸ਼ ਦੇਣ ਦੀ ਕੋਸ਼ਿਸ਼ ਕਰ ਰਿਹਾ ਹੈ ਕਿ ਸਾਡੇ ਦੋਵਾਂ ਦੇ ਬਾਰਡਰ ’ਤੇ ਮੌਜੂਦਾ ਸਮੱਸਿਆਵਾਂ ਕਿਸੇ ਵੀ ਤਰੀਕੇ ਨਾਲ ਅਮਰੀਕਾ-ਮੈਕਸੀਕੋ ਸਰਹੱਦ ਦੇ ਬਰਾਬਰ ਨਹੀਂ ਹਨ ਕਿਉਂਕਿ ਟਰੰਪ ਨੇ ਟੈਰਿਫ ਲਈ ਬਾਰਡਰ ਸਕਿਓਰਿਟੀ ਨੂੰ ਵੀ ਇੱਕ ਵਜ੍ਹਾ ਦੱਸਿਆ ਹੈ।
