23.46C Vancouver 23.46C VancouverJul 7, 2021 7:19 PM -
ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਨੇ ਹੇਟੀ ਦੇ ਰਾਸ਼ਟਰਪਤੀ ਜੋਵੇਨੀਲ ਮੋਈਜ਼ ਦੇ ਕਤਲ ਦੀ ਸਖਤ ਨਿੰਦਿਆ ਕੀਤੀ ਹੈ।
ਟਰੂਡੋ ਨੇ ਇਸ ਘਟਨਾ ਤੋਂ ਬਾਅਦ ਇੱਕ ਟਵੀਟ ਕਰਦੇ ਹੋਏ ਲਿਖਿਆ ਕਿ ਉਹ ਇਸ 'ਅਸੈਸਿਨੇਸ਼ਨ' ਦੀ ਸਖਤ ਨਿੰਦਿਆ ਕਰਦੇ ਹਨ ਅਤੇ ਹੇਟੀ ਦੇ ਲੋਕਾਂ ਦੀ ਕਿਸੇ ਵੀ ਪ੍ਰਕਾਰ ਦੀ ਮਦਦ ਲਈ ਕੈਨੇਡਾ ਪੂਰੀ ਤਰ੍ਹਾਂ ਤਿਆਰ ਹੈ।
ਯਾਦ ਰਹੇ ਬੁੱਧਵਾਰ ਤੜਕੇ ਸਥਾਨਕ ਸਮੇਂ ਅਨੁਸਾਰ ਕਰੀਬ 1 ਵਜੇ ਬੰਦੂਕਧਾਰੀਆਂ ਨੇ ਮੋਈਜ਼ 'ਤੇ ਹਮਲਾ ਕਰ ਦਿੱਤਾ ਸੀ ਜਿਸ ਦੌਰਾਨ ਉਨ੍ਹਾਂ ਦੀ ਮੌਤ ਹੋ ਗਈ।
ਇਸ ਘਟਨਾ 'ਚ ਮੋਈਜ਼ ਦੀ ਪਤਨੀ ਦੇ ਗੰਭੀਰ ਜ਼ਖਮੀ ਹੋਣ ਦੀ ਜਾਣਕਾਰੀ ਦਿੱਤੀ ਗਈ ਹੈ।
ਇਹ ਹਮਲਾ ਰਾਸ਼ਟਰਪਤੀ ਦੇ ਘਰ 'ਚ ਕੀਤਾ ਗਿਆ ਸੀ।
ਹੇਟੀ 'ਚ ਲਗਾਤਾਰ ਸਰਕਾਰ ਦੇ ਵਿਰੁੱਧ ਪ੍ਰਦਰਸ਼ਨ ਜਾਰੀ ਸਨ ਅਤੇ ਕਈ ਹਿੰਸਕ ਘਟਨਾਵਾਂ ਵਾਪਰ ਚੁੱਕੀਆਂ ਸਨ।
ਅਮਰੀਕਾ ਤੋਂ ਬਾਅਦ ਕੈਨੇਡਾ, ਹੇਟੀ ਦਾ ਦੂਜਾ ਸਭ ਤੋਂ ਵੱਡਾ ਮਦਦ ਪ੍ਰਦਾਨ ਕਰਨ ਵਾਲਾ ਦੇਸ਼ ਦੱਸਿਆ ਜਾਂਦਾ ਹੈ।
