20.89C Vancouver 20.89C VancouverNov 15, 2023 7:43 PM - Connect News
ਐੱਨ ਡੀ ਪੀ ਨੇ ਲੌਬਲੌਜ਼ ਅਤੇ ਮੈਟਰੋ ਨੂੰ ਤੀਜੀ ਤਿਮਾਹੀ ਵਿੱਚ ਹੋਏ ਭਾਰੀ ਲਾਭ ਨੂੰ ਲੈ ਕੇ ਸਰਕਾਰ ਨੂੰ ਤੁਰੰਤ ਗਰੌਸਰੀ ਕੀਮਤਾਂ ਨੂੰ ਘਟਾਉਣ ਲਈ ਯੋਜਨਾ 'ਤੇ ਕੰਮ ਕਰਨ ਲਈ ਕਿਹਾ ਹੈ।
ਐੱਨ ਡੀ ਪੀ ਦੀ ਡਿਪਟੀ ਲੀਡਰ ਅਲੈਗਜ਼ੈਂਡਰ ਬੁਲੇਰੀਸ ਨੇ ਇੱਕ ਬਿਆਨ ਵਿੱਚ ਕਿਹਾ ਕਿ ਲੌਬਲੌਜ਼ ਦੀ ਪੇਰੈਂਟ ਕੰਪਨੀ ਦਾ 18 ਬਿਲੀਅਨ ਡਾਲਰ ਤਿਮਾਹੀ ਆਮਦਨ ਕੋਈ ਮਾਮੂਲੀ ਨਹੀਂ ਹੈ ਇਹ ਉਸ ਸਮੇਂ ਹੈ ਜਦੋਂ ਲੋਕ ਵੱਧਦੀਆਂ ਕੀਮਤਾਂ ਕਾਰਨ ਮੁਸ਼ਕਿਲਾਂ ਦਾ ਸਾਹਮਣਾ ਕਰ ਰਹੇ ਹਨ।
ਉਨ੍ਹਾਂ ਕਿਹਾ ਕਿ ਇਹ ਸਪੱਸ਼ਟ ਹੈ ਕਿ ਕੁਝ ਵੱਡੇ ਗ੍ਰੋਸਰਜ਼ ਮਹਿੰਗਾਈ ਦੇ ਬਹਾਨੇ ਕੀਮਤਾਂ ਵਧਾ ਕੇ ਫਾਇਦਾ ਲੈ ਰਹੇ ਹਨ।
ਅਲੈਗਜ਼ੈਂਡਰ ਨੇ ਕਿਹਾ ਕਿ ਕੈਨੇਡੀਅਨ ਵਿੱਚ ਹੋਰ ਬਰਦਾਸ਼ਤ ਕਰਨ ਦੀ ਹੁਣ ਹਿੰਮਤ ਨਹੀਂ।
ਪਹਿਲਾਂ ਨਾਲੋਂ ਵਧੇਰੇ ਪਰਿਵਾਰਾਂ ਨੂੰ ਫੂਡ ਬੈਂਕਸ ਵੱਲ ਮੁੜਨ ਲਈ ਮਜਬੂਰ ਕੀਤਾ ਜਾ ਰਿਹਾ ਹੈ, ਜਦੋਂ ਕਿ ਇਹ ਨਹੀਂ ਹੋਣਾ ਚਾਹੀਦਾ।
ਐੱਨ ਡੀ ਪੀ ਨੇ ਕਿਹਾ ਕਿ ਇਹ ਪ੍ਰਧਾਨ ਮੰਤਰੀ ਦੀ ਜ਼ਿੰਮੇਵਾਰੀ ਹੈ ਕਿ ਉਹ ਕੀਮਤਾਂ ਨੂੰ ਹੇਠਾਂ ਲਿਆ ਕੇ ਕੈਨੇਡੀਅਨਜ਼ ਦੀ ਮਦਦ ਕਰਨ ਪਰ ਇਸ ਦੀ ਬਜਾਏ ਉਹ ਇਸ ਨੂੰ ਲਟਕਾ ਰਹੇ ਹਨ, ਜੋ ਕਿ ਨਿਰਾਸ਼ਾਜਨਕ ਹੈ।
ਨਿਊ ਡੈਮੋਕਰੇਟਸ ਨੇ ਭੋਜਨ ਦੀਆਂ ਕੀਮਤਾਂ ਨੂੰ ਘਟਾਉਣ ਲਈ ਸਾਰੀਆਂ ਪਾਰਟੀਆਂ ਨੂੰ ਉਨ੍ਹਾਂ ਦੀ ਯੋਜਨਾ ਨੂੰ ਸਪੋਰਟ ਕਰਨ ਦੀ ਮੰਗ ਕੀਤੀ ਹੈ।
