9.97C Vancouver 9.97C VancouverNov 15, 2023 6:34 PM - The Canadian Press
ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਇਸ ਵਾਰ ਨਵੇਂ ਸਰਕਾਰੀ ਜਹਾਜ਼ A330 ਵਿੱਚ ਏਸ਼ੀਆ ਪੈਸਿਫ਼ਿਕ ਐਕੇਨੌਮਿਕ ਕੌਪਰੇਸ਼ਨ ਸਮਿਟ ਲਈ ਅਮਰੀਕਾ ਜਾ ਰਹੇ ਹਨ।
ਇਹ ਤਿੰਨ ਦਿਨਾਂ ਸਮਿਟ ਸੈਨ ਫ੍ਰਾਂਸਿਸਕੋ ਵਿੱਚ ਹੋਣੀ ਹੈ। ਪਿਛਲੇ ਸਾਲਾਂ ਦੌਰਾਨ ਟਰੂਡੋ ਨੂੰ ਪੁਰਾਣੇ ਫਲੀਟ ਕਾਰਨ ਕਈ ਵਾਰ ਯਾਤਰਾ ਵਿੱਚ ਸਮੱਸਿਆਵਾਂ ਦਾ ਸਾਹਮਣਾ ਕਰਨਾ ਪਿਆ ਹੈ।
ਹਾਲ ਹੀ ਵਿੱਚ ਭਾਰਤ ਵਿੱਚ ਹੋਏ G20 ਸੰਮੇਲਨ ਦੌਰਾਨ ਵੀ ਉਨ੍ਹਾਂ ਦੇ ਜਹਾਜ਼ ਵਿੱਚ ਖਰਾਬੀ ਆ ਗਈ ਸੀ।
ਗੌਰਤਲਬ ਹੈ ਕਿ ਅਮਰੀਕਾ ਦੌਰੇ ਦੌਰਾਨ ਟਰੂਡੋ ਕਲਾਈਮੇਟ ਚੇਂਜ 'ਤੇ ਚਰਚਾ ਲਈ ਕੈਲੀਫੋਰਨੀਆ ਦੇ ਗਵਰਨਰ ਗੇਵਿਨ ਨਿਊਜ਼ੋਮ ਨਾਲ ਵੀ ਮੁਲਾਕਾਤ ਕਰਨਗੇ।
ਅਧਿਕਾਰੀਆਂ ਦਾ ਕਹਿਣਾ ਹੈ ਕਿ ਟਰੂਡੋ ਦਾ ਤਕਨੀਕੀ ਆਗੂਆਂ ਨਾਲ ਵੈਲਕਮ ਡਿਨਰ ਵਿੱਚ ਸ਼ਾਮਲ ਹੋਣ ਦੀ ਵੀ ਯੋਜਨਾ ਹੈ।
ਇਸ ਤੋਂ ਪਹਿਲਾਂ ਸ਼ਾਮ ਨੂੰ ਉਹ ਰਾਸ਼ਟਰਪਤੀ ਜੋਅ ਬਾਈਡੇਨ ਵੱਲੋਂ ਮੇਜ਼ਬਾਨ ਕੀਤੀ ਜਾਣ ਵਾਲੀ ਏਪੀਈਸੀ ਰਿਸੈਪਸ਼ਨ ਵਿੱਚ ਸ਼ਾਮਲ ਹੋਣਗੇ।
ਉਥੇ ਹੀ, ਬਾਈਡੇਨ ਅਤੇ ਚੀਨੀ ਰਾਸ਼ਟਰਪਤੀ ਸ਼ੀ ਜਿਨਪਿੰਗ ਵਿਚਕਾਰ ਹੋਣ ਵਾਲੀ ਮੁਲਾਕਾਤ 'ਤੇ ਵਿਸ਼ਵ ਭਰ ਦੇ ਲੀਡਰਸ ਦੀ ਨਜ਼ਰ ਹੈ।
ਜਿਨਪਿੰਗ ਛੇ ਸਾਲਾਂ ਵਿੱਚ ਆਪਣੀ ਪਹਿਲੀ ਯਾਤਰਾ ਲਈ ਅਮਰੀਕਾ ਪਹੁੰਚੇ ਹਨ। ਭਾਰਤ ਦੇ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਇਸ ਸਮਿਟ ਵਿੱਚ ਸ਼ਾਮਲ ਨਹੀਂ ਹੋ ਰਹੇ।
ਟਰੂਡੋ ਦਾ ਇਸ ਸਮਿਟ ਵਿੱਚ ਫੋਕਸ ਏਪੀਈਸੀ ਨੇਸ਼ਨਸ ਨਾਲ ਸਬੰਧਾਂ ਨੂੰ ਮਜਬੂਤ ਕਰਨਾ ਅਤੇ ਕੈਨੇਡਾ ਤੇ ਪੈਸਿਫਿਕ ਰਿਮ ਦੇ ਮੁਲਕਾਂ ਵਿਚਕਾਰ ਵਪਾਰਕ ਰੁਕਾਵਟਾਂ ਨੂੰ ਖ਼ਤਮ ਕਰਨਾ ਹੈ।
