28.17C Vancouver 28.17C VancouverDec 16, 2020 9:32 PM -
ਵਿਨੀਪੈਗ ਦੇ ਮਾਸਟਰ ਸੇਲਰ ਦੀ ਭਾਲ ਨੂੰ ਰੋਕ ਦਿੱਤਾ ਗਿਆ ਹੈ।
ਮਾਸਟਰ ਸੇਲਰ ਦੇ ਗਲਤੀ ਨਾਲ ਸਮੁੰਦਰੀ ਜਹਾਜ਼ ਦੇ ਡੈਕ ਤੋਂ ਪਾਣੀ 'ਚ ਜਾ ਡਿੱਗਣ ਦੀਆਂ ਖਬਰਾਂ ਸਨ।
ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਨੇ ਬੁੱਧਵਾਰ ਨੂੰ ਇੱਕ ਬਿਆਨ ਜਾਰੀ ਕੀਤਾ ਅਤੇ ਮਾਸਟਰ ਸੇਲਰ ਡੁਏਨ ਅਰਲ ਦੇ ਪਰਿਵਾਰ ਅਤੇ ਸਾਥੀਆਂ ਲਈ ਦੁੱਖ ਦਾ ਪ੍ਰਗਟਾਵਾ ਕੀਤਾ।
ਡੁਏਨ ਅਰਲ ਐਚ.ਐਮ.ਸੀ.ਐਸ. ਵਿਨੀਪੈਗ 'ਤੇ ਜ਼ਿੰਮੇਵਾਰੀ ਨਿਭਾ ਰਹੇ ਸਨ।
ਇਹ ਸ਼ਿਪ ਸੈਨ ਫਰੈਂਸਿਸਕੋ ਤੋਂ ਬੀ.ਸੀ. ਦੇ ਐਸਕੀਮਾਲਟ ਵੱਲ ਵੱਧ ਰਿਹਾ ਸੀ।
ਕੋਮੋਡੋਰ ਐਂਗਸ ਟੌਪਸ਼ੀ ਦਾ ਕਹਿਣਾ ਸੀ ਕਿ ਡੁਏਨ ਅਰਲ ਨੂੰ ਆਖਰੀ ਵਾਰ ਸੋਮਵਾਰ ਨੂੰ ਵੇਖਿਆ ਗਿਆ ਸੀ।
ਕਰਿਊ ਨੇ ਕਈ ਘੰਟੇ ਬਾਅਦ ਮਹਿਸੂਸ ਕੀਤਾ ਕਿ ਉਹ ਕਿਤੇ ਵਿਖਾਈ ਨਹੀਂ ਦੇ ਰਹੇ ਹਨ।
ਉਨ੍ਹਾਂ ਦੀ ਭਾਲ ਦੀਆਂ ਕੋਸ਼ਿਸ਼ਾਂ ਫੇਲ੍ਹ ਰਹੀਆਂ।
ਟਰੂਡੋ ਨੇ ਅੱਜ ਅਰਲ ਦੀ ਨਿਭਾਈ 30 ਸਾਲ ਦੀ ਸੇਵਾ ਨੂੰ ਯਾਦ ਕੀਤਾ।
ਅਰਲ ਦੀ ਭਾਲ 'ਚ ਜੁਟੇ ਅਮਰੀਕੀ ਸਰਚਰਸ ਦਾ ਵੀ ਟਰੂਡੋ ਨੇ ਧੰਨਵਾਦ ਕੀਤਾ।
