14.2C Vancouver 14.2C VancouverJun 5, 2020 4:25 PM -
ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਮੁਤਾਬਕ ਫੈਡਰਲ ਸਰਕਾਰ ਵੱਲੋਂ ਵੱਖ ਵੱਖ ਸੂਬਿਆਂ ਅਤੇ ਟੈਰੀਟੋਰੀਆਂ ਦੀਆਂ ਸਰਕਾਰਾਂ ਨੂੰ ਕੋਵਿਡ-19 ਤੋਂ ਬਚਾਅ ਲਈ $14 ਬਿਲੀਅਨ ਮੁਹੱਈਆ ਕਰਵਾਏ ਜਾਣਗੇ।
ਉਨ੍ਹਾਂ ਕਿਹਾ ਕਿ ਫੈਡਰਲ ਸਰਕਾਰ ਵੱਲੋਂ ਇਹ ਸਹਿਯੋਗ ਦੇਸ਼ ਭਰ ਦੀਆਂ ਆਰਥਕ ਗਤੀਵਿਧੀਆਂ ਨੂੰ ਬਹਾਲ ਕਰਨ ਲਈ ਦਿੱਤਾ ਜਾ ਰਿਹਾ ਹੈ।
ਟਰੂਡੋ ਮੁਤਾਬਕ ਗਰਮੀਆਂ, ਪੱਤਝੜ ਅਤੇ ਸਰਦੀਆਂ ਦੇ ਮੌਸਮ ਵਿੱਚ ਤਰੱਕੀ ਲਈ ਸਹੀ ਯੋਜਨਾ ਅਤੇ ਸਾਧਨ ਬੇਹੱਦ ਜ਼ਰੂਰੀ ਹਨ।
ਟਰੂਡੋ ਦਾ ਕਹਿਣਾ ਹੈ ਕਿ ਇਹ ਪੈਸੇ ਕਿਸ ਤਰ੍ਹਾਂ ਵੰਡੇ ਜਾਣਗੇ ਇਹ ਫੈਸਲਾ ਫੈਡਰਲ ਅਤੇ ਸੂਬਾਈ ਸਰਕਾਰਾਂ ਵਿਚਕਾਰ "ਸੇਫ ਰੀ-ਸਟਾਰਟ ਸਮਝੌਤੇ" (safe-restart agreement) ਰਾਹੀਂ ਤੈਅ ਕੀਤਾ ਜਾਵੇਗਾ।
ਇਸ ਰਾਸ਼ੀ ਦੀ ਵਰਤੋਂ ਸਿਹਤ ਕਾਮਿਆਂ ਲਈ ਸੁਰਖਿਅਤ ਉਪਕਰਨ, ਮੁਨਿਸਿਪੈਲਟੀਆਂ ਨੂੰ ਸਹਿਯੋਗ, ਪੇਡ ਸਿੱਕ-ਲੀਵ ਅਤੇ ਸਕੂਲਾਂ ਤੇ ਬਜ਼ੁਰਗਾਂ ਦੀ ਮਦਦ ਲਈ ਇਸਤੇਮਾਲ ਕੀਤੀ ਜਾਵੇਗੀ।
