14.22C Vancouver 14.22C VancouverMar 15, 2021 5:33 PM -
ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਦਾ ਕਹਿਣਾ ਹੈ ਕਿ ਹੈਲਥ ਕੈਨੇਡਾ ਵੱਲੋਂ ਔਕਸਫਰਡ-ਐਸਟ੍ਰਾਜ਼ੈਨਕਾ ਵੈਕਸੀਨ ਸੰਬੰਧੀ ਯੂਰੋਪ 'ਚ ਲਏ ਜਾ ਰਹੇ ਫੈਸਲਿਆਂ 'ਤੇ ਧਿਆਨ ਦਿੱਤਾ ਜਾ ਰਿਹਾ ਹੈ।
ਇਸ ਵੈਕਸੀਨ ਨਾਲ ਜੁੜੇ ਸਾਈਡ-ਇਫੈਕਟਸ ਦੀਆਂ ਖਬਰਾਂ ਵਿਚਾਲੇ, ਜਰਮਨੀ ਅਤੇ ਫਰਾਂਸ ਨੇ ਵੀ ਵੈਕਸੀਨ ਦੀ ਵਰਤੋਂ ਨੂੰ ਸਸਪੈਂਡ ਕਰ ਦਿੱਤਾ ਹੈ।
ਫਰਾਂਸ 'ਚ ਕੱਲ ਦੁਪਹਿਰ ਯੂਰੋਪੀਅਨ ਮੈਡੀਸਿਨਸ ਏਜੈਂਸੀ (European Medicines Agency) ਵੱਲੋਂ ਇਸ 'ਤੇ ਬਵਿਖ 'ਚ ਵਰਤੋਂ ਬਾਰੇ ਸਿਫਾਰਿਸ਼ ਜਾਰੀ ਕੀਤੀ ਜਾਵੇਗੀ।
ਜਰਮਨੀ ਵੀ ਉਨ੍ਹਾਂ ਦੇਸ਼ਾਂ ਦੀ ਸੂਚੀ 'ਚ ਸ਼ਾਮਿਲ ਹੋ ਗਿਆ ਹੈ ਜੋ ਇਸ ਵੈਕਸੀਨ ਨਾਲ ਸੰਬੰਧਤ ਬਲੱਡ-ਕਲੌਟ ਬਣਨ ਦੀਆਂ ਰਿਪੋਰਟਸ ਵਿਚਾਲੇ ਹਾਲ ਦੀ ਘੜੀ ਇਸ 'ਤੇ ਰੋਕ ਲਗਾ ਰਹੇ ਹਨ।
ਟਰੂਡੋ ਦਾ ਕਹਿਣਾ ਹੈ ਕਿ ਕੈਨੇਡਾ ਪਹੁੰਚਣ ਵਾਲੀਆਂ ਕੋਈ ਵੀ ਖੁਰਾਕਾਂ ਉਸ ਬੈਚ ਦੀਆਂ ਨਹੀਂ ਸਨ ਜਿਸ ਨਾਲ ਇਹ ਪ੍ਰੇਸ਼ਾਨੀ ਉਜਾਗਰ ਹੋਈ ਹੈ।
ਉਨ੍ਹਾਂ ਕਿਹਾ ਹੈ ਕਿ ਇਸ ਵੇਲੇ ਸਭ ਤੋਂ ਬੇਹਤਰੀਨ ਵੈਕਸੀਨ ਓਹੀ ਹੈ ਜੋ ਸਭ ਤੋਂ ਪਹਿਲਾਂ ਤੁਹਾਡੇ ਤਕ ਪਹੁੰਚ ਰਹੀ ਹੈ।
ਟਰੂਡੋ ਨੇ ਕਿਹਾ ਕਿ ਉਨ੍ਹਾਂ ਨੂੰ ਹੈਲਥ ਕੈਨੇਡਾ 'ਚ ਪੂਰਾ ਭਰੋਸਾ ਹੈ ਕਿ ਕੈਨੇਡਾ 'ਚ ਵਰਤੋਂ ਲਈ ਮਨਜ਼ੂਰੀ ਹਾਸਿਲ ਕਰਨ ਵਾਲੀਆਂ ਵੈਕਸੀਨ ਨਾਲ ਕੋਈ ਪ੍ਰੇਸ਼ਾਨੀ ਨਹੀਂ ਹੋਣੀ ਚਾਹੀਦੀ।
ਪ੍ਰਧਾਨ ਮੰਤਰੀ ਨੇ ਕਿਹਾ ਕਿ ਜਦ ਉਨ੍ਹਾਂ ਦੀ ਵਾਰੀ ਆਵੇਗੀ ਤਾਂ ਉਹ ਹੈਲਥ ਕੈਨੇਡਾ ਦੀ ਮਾਨਤਾ ਵਾਲੀ ਕੋਈ ਵੀ ਵੈਕਸੀਨ ਹਾਸਿਲ ਕਰਨ ਲਈ ਹਾਜ਼ਿਰ ਰਹਿਣਗੇ।
