15.1C Vancouver 15.1C VancouverJul 1, 2020 4:01 PM -
ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਵੱਲੋਂ ਕੈਨੇਡਾ ਦਿਵਸ ਮੌਕੇ ਜਾਰੀ ਕੀਤੇ ਗਏ ਬਿਆਨ ਵਿੱਚ ਉਹਨਾਂ ਕੋਵਿਡ-19 ਕਾਰਣ ਕੈਨੇਡਾ ਵਾਸੀਆਂ ਲਈ ਪੈਦਾ ਹੋਈਆਂ ਸਮੱਸਿਆਵਾਂ ਬਾਰੇ ਗੱਲ ਕੀਤੀ।
ਕੋਵਿਡ-19 ਕਾਰਣ ਕੈਨੇਡਾ ਦਿਵਸ ਮੌਕੇ ਹੋਣ ਵਾਲੇ ਵੱਡੇ ਸਮਾਗਮਾਂ ਦੀ ਥਾਂ 'ਤੇ ਇਸ ਸਾਲ ਦੇਸ਼ ਭਰ ਵਿੱਚ ਬੈਕਯਾਰਡ ਬਰਬੀਕਿਊ ਅਤੇ ਡਿਜਿਟਲ ਸਮਾਰੋਹ ਕੀਤੇ ਜਾ ਰਹੇ ਹਨ।
ਪਾਰਲੀਮੈਂਟ ਹਿੱਲ 'ਤੇ ਹਰ ਸਾਲ ਹੋਣ ਵਾਲੇ ਸ਼ਾਨਦਾਰ ਸਮਾਗਮ ਵੀ ਇਸ ਸਾਲ ਲਈ ਰੱਦ ਕਰ ਦਿੱਤੇ ਗਏ ਸਨ।
ਫ਼ੈਡਰਲ ਸਰਕਾਰ ਵੱਲੋਂ ਇਸ ਸਾਲ ਦੇ ਸਮਾਗਮ ਦਾ ਆਯੋਜਨ ਔਨਲਾਈਨ ਕੀਤਾ ਜਾ ਰਿਹਾ ਹੈ ਜੋ ਕਿ ਅੱਜ ਦੁਪਹਿਰ ਅਤੇ ਸ਼ਾਮ ਨੂੰ ਸਟ੍ਰੀਮ ਕੀਤਾ ਜਾਵੇਗਾ, ਜਿਸ ਤੋਂ ਬਾਅਦ ਵਰਚੂਅਲ ਫਾਇਰਵਰਕਜ਼ ਦਾ ਵੀ ਪ੍ਰਬੰਧ ਕੀਤਾ ਗਿਆ ਹੈ।
ਟਰੂਡੋ ਨੇ ਆਪਣੇ ਬਿਆਨ ਵਿੱਚ ਕਿਹਾ ਕਿ ਸਾਨੂੰ ਇਹ ਸੁਨਿਸਚਿਤ ਕਰਨ ਦੀ ਲੋੜ ਹੈ ਕਿ ਹਰ ਬਜ਼ੁਰਗ ਕੋਲ ਰਹਿਣ ਲਈ ਸੁਰੱਖਿਅਤ ਥਾਂ ਹੋਵੇ। ਟਰੂਡੋ ਨੇ ਇਹ ਬਿਆਨ ਕੋਵਿਡ-19 ਦੌਰਾਨ ਸਾਹਮਣੇ ਆਈਆਂ ਲੌਂਗ ਟਰਮ ਕੇਅਰ ਸੈਂਟਰਾਂ ਵਿੱਚ ਬੁਰੇ ਹਾਲਾਤਾਂ ਦੀਆਂ ਖਬਰਾਂ ਨੂੰ ਧਿਆਨ ਵਿੱਚ ਰੱਖ ਕੇ ਦਿੱਤਾ।
ਟਰੂਡੋ ਨੇ ਕਿਹਾ ਕਿ ਇਸ ਮਹਾਂਮਾਰੀ ਦੌਰਾਨ ਕੈਨੇਡਾ ਵਾਸੀ ਇੱਕ ਦੂਜੇ ਲਈ ਖੜੇ ਰਹੇ ਹਨ ਕਿਉਂਕਿ ਇਹੀ ਕਨੇਡੀਅਨ ਹੋਣ ਦਾ ਸਹੀ ਅਰਥ ਹੈ।
