16.54C Vancouver 16.54C VancouverJan 8, 2020 8:32 PM -
ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਨੇ ਇਰਾਨ ਹਵਾਈ ਜਹਾਜ਼ ਕਰੈਸ਼ ਤੋਂ ਬਾਅਦ ਵਾਅਦਾ ਕੀਤਾ ਹੈ ਕਿ ਉਨ੍ਹਾਂ ਦੀ ਸਰਕਾਰ ਘਟਨਾ ਪਿੱਛੇ ਦੇ ਜਵਾਬ ਹਾਸਿਲ ਕਰਕੇ ਰਹੇਗੀ।
ਹਵਾਈ ਕਰੈਸ਼ ਵਿੱਚ 63 ਕਨੇਡੀਅਨਸ ਦੀ ਜਾਨ ਚਲੀ ਗਈ ਹੈ।
ਪ੍ਰਧਾਨ ਮੰਤਰੀ ਨੇ ਆਖਿਆ ਹੈ ਕਿ ਵਿਦੇਸ਼ ਮੰਤਰੀ ਨੇ ਲਗਾਤਾਰ ਯੂਕਰੇਨ ਸਰਕਾਰ ਨਾਲ ਸੰਪਰਕ ਬਣਾਇਆ ਹੋਇਆ ਹੈ ਅਤੇ ਟਰਾਂਸਪੋਰਟ ਮੰਤਰੀ ਵੀ ਆਪਣੇ ਅੰਤਰਰਾਸ਼ਟਰੀ ਹਮਰੁਤਬਾ ਨਾਲ ਸੰਪਰਕ ਕਰ ਰਹੇ ਹਨ।
ਹਾਲਾਂਕਿ ਇਰਾਨ ਤੋਂ ਜਵਾਬ ਮਿਲਣਾ ਥੋੜਾ ਮੁਸ਼ਕਿਲ ਹੋ ਸਕਦਾ ਹੈ, ਕਿਉਂਕਿ ਕੈਨੇਡਾ ਨੇ ਇਰਾਨ ਵਿੱਚ ਆਪਣੀ ਅੰਬੈਸੀ ਸਾਲ 2012 ਵਿੱਚ ਹੀ ਬੰਦ ਕਰ ਦਿੱਤੀ ਸੀ ਅਤੇ ਕੂਟਨੀਤਕ ਰਿਸ਼ਤੇ ਖਤਮ ਕਰ ਦਿੱਤੇ ਸਨ।
ਯਾਦ ਰਹੇ ਇਹ ਕਰੈਸ਼ ਉਸ ਵੇਲੇ ਵਾਪਰਿਆ ਜਦ ਕੁਝ ਹੀ ਘੰਟੇ ਪਹਿਲਾਂ ਇਰਾਨ ਵੱਲੋਂ ਇਰਾਕ ਦੇ ਵਿੱਚ ਅਮਰੀਕੀ ਏਅਰਬੇਸ 'ਤੇ ਮਿਸਾਈਲ ਹਮਲੇ ਦੀ ਜ਼ਿੰਮੇਵਾਰੀ ਲਈ ਗਈ ਸੀ।
