19.47C Vancouver 19.47C VancouverMay 21, 2020 5:44 PM -
ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਮੁਤਾਬਕ ਅੱਜ ਪ੍ਰੀਮੀਅਰਾਂ ਨਾਲ ਗੱਲਬਾਤ ਦੌਰਾਨ ਉਹ ਇਸ ਵਿਸ਼ੇ ਨੂੰ ਉਭਾਰਨਗੇ ਕਿ ਕਿਸ ਤਰ੍ਹਾਂ ਔਟਵਾ ਬਾਕੀ ਸੂਬਿਆਂ ਨੂੰ ਕੋਵਿਡ-19 ਦੀ ਟੈਸਟਿੰਗ ਵਿੱਚ ਵਾਧਾ ਕਰਨ ਵਿੱਚ ਮਦਦ ਕਰ ਸਕਦਾ ਹੈ ਤਾਂ ਕਿ ਕਰੋਨਾਵਾਇਰਸ ਦੀ ਦੂਜੀ ਲਹਿਰ ਤੋਂ ਬਚਾਅ ਕੀਤਾ ਜਾ ਸਕੇ।
ਉਨ੍ਹਾਂ ਕਿਹਾ ਕਿ ਓਨਟੈਰੀਓ ਅਤੇ ਕਿਊਬੈਕ ਵਿੱਚ ਟੈਸਟਿੰਗ ਵਧਾਉਣ ਦੀ ਤੁਰੰਤ ਲੋੜ ਹੈ ਕਿਉਂਕਿ ਜਿੱਥੇ ਇਨ੍ਹਾਂ ਸੂਬਿਆਂ ਨੇ ਪਾਬੰਦੀਆਂ ਨੂੰ ਢਿੱਲ ਦੇਣੀ ਸ਼ੁਰੂ ਕਰ ਦਿੱਤੀ ਹੈ ਉੱਥੇ ਹੀ ਕੋਵਿਡ-19 ਦੇ ਮਾਮਲੇ ਹਾਲੇ ਵੀ ਵੱਧ ਹਨ।
ਟਰੂਡੋ ਵਲੋਂ ਪਿੱਛਲੇ ਹਫਤੇ ਸੂਬਿਆਂ ਵਿੱਚ ਟੈਸਟਿੰਗ ਅਤੇ ਕਾਂਟੈਕਟ ਟਰੇਸਿੰਗ ਲਈ ਇਕ ਰਾਸ਼ਟਰੀ ਢਾਂਚਾ ਤਿਆਰ ਕਰਨ ਦੀ ਗੱਲ ਸਾਂਝੀ ਕੀਤੀ ਗਈ ਸੀ।
ਉਨ੍ਹਾਂ ਕਿਹਾ ਕਿ ਇਸ ਸਬੰਧ ਵਿੱਚ ਉਨ੍ਹਾਂ ਨੂੰ ਕੈਨੇਡਾ ਭਰ ਤੋਂ ਚੰਗਾ ਰਿਸਪਾਂਸ (response) ਮਿਲਿਆ ਹੈ ਅਤੇ ਪ੍ਰੀਮੀਅਰਾਂ ਨਾਲ ਆਪਣੀ ਹਫ਼ਤਾਵਾਰੀ ਬੈਠਕ ਦੌਰਾਨ ਉਹ ਇਸ ਬਾਰੇ ਵਿਚਾਰ ਮਸ਼ਵਰਾ ਕਰਨਗੇ।
ਟਰੂਡੋ ਮੁਤਾਬਕ ਜੇ ਸਰਕਾਰ ਉਨ੍ਹਾਂ ਸੂਬਿਆਂ ਵਿੱਚ ਟੈਸਟਿੰਗ ਵਿੱਚ ਵਾਧਾ ਕਰਦੀ ਹੈ ਜਿੱਥੇ ਕਰੋਨਾਵਾਇਰਸ ਦੇ ਘੱਟ ਮਾਮਲੇ ਹਨ ਤਾਂ ਨਵੇਂ ਮਾਮਲਿਆਂ 'ਤੇ ਕਾਬੂ ਪਾਉਣ ਵਿੱਚ ਮਦਦ ਹੋਵੇਗੀ।
ਉਨ੍ਹਾਂ ਕਿਹਾ ਕਿ ਉਹ ਲੌਜਿਸਟਿਕਸ ਅਤੇ ਫਾਈਨੈਂਸਿੰਗ ਨੂੰ ਮਹਾਂਮਾਰੀ 'ਤੇ ਕਾਬੂ ਪਾਉਣ ਸੰਬੰਧੀ, ਟੈਸਟਿੰਗ ਅਤੇ ਕਾਂਟੈਕਟ ਟਰੇਸਿੰਗ ਦੇ ਰਾਹ ਵਿੱਚ ਨਹੀਂ ਆਉਣ ਦੇਣਗੇ।
