14.1C Vancouver 14.1C VancouverMay 20, 2022 7:25 PM - The Canadian Press
ਚੀਨ ਨਾਲ ਸੰਬੰਧਤ ਕੰਪਨੀ ਵੁਆਵੇ ਟੈਕਨੌਲੋਜੀਸ ਅਤੇ ਜ਼ੈਡ.ਟੀ.ਈ. 'ਤੇ ਕੈਨੇਡਾ ਦੇ 5ਜੀ 'ਤੇ ਆਉਣ ਤੋਂ ਬੈਨ ਲਗਾਏ ਜਾਣ ਦੇ ਫੈਸਲੇ ਤੋਂ ਬਾਅਦ ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਨੇ ਇਸ ਸੰਬੰਧੀ ਗੱਲਬਾਤ ਕੀਤੀ ਹੈ।
ਟਰੂਡੋ ਦਾ ਕਹਿਣਾ ਹੈ ਕਿ ਵਧ ਤੋਂ ਵਧ ਕਦਮ ਚੁੱਕਣ ਦੀ ਲੋੜ ਹੈ ਜਿਸ ਨਾਲ ਦੇਸ਼ ਦੇ ਅਹਿਮ ਸਿਸਟਮਸ ਨੂੰ ਚੁਣੌਤੀਆਂ ਲਈ ਤਿਆਰ ਰੱਖਿਆ ਜਾ ਸਕੇ।
ਟਰੂਡੋ ਨੇ ਕਿਹਾ ਕਿ ਸਰਕਾਰ ਕੁਝ ਵੱਡੇ ਫਾਈਨੈਂਸ਼ੀਅਲ ਇੰਸਟੀਟਿਊਸ਼ਨਸ ਨਾਲ ਮਿਲ ਕੇ ਕੰਮ ਕਰ ਰਹੀ ਹੈ ਅਤੇ ਦੇਸ਼ ਦੀਆਂ ਕੁਝ ਕੰਪਨੀਆਂ ਨੂੰ ਵੀ ਨਾਲ ਜੋੜ ਰਹੀ ਹੈ, ਜਿਸ ਨਾਲ ਭੇਦਭਰੇ ਹਮਲਾਵਰਾਂ ਤੋਂ ਅਹਿਮ ਨੈਟਵਰਕਸ ਨੂੰ ਸੁਰੱਖਿਅਤ ਰੱਖਿਆ ਜਾ ਸਕੇ।
ਅੱਜ ਪੱਤਰਕਾਰਾਂ ਨਾਲ ਗੱਲਬਾਤ ਕਰਦੇ ਹੋਏ ਟਰੂਡੋ ਨੇ ਕਿਹਾ ਕਿ ਲੈਜਿਸਲੇਸ਼ਨ, ਵਧੇਰੇ ਖਰਚਿਆਂ ਅਤੇ ਬਿਹਤਰ ਪਾਰਟਨਰਸ਼ਿਪਸ ਜਰੀਏ ਕੈਨੇਡਾ ਇਨ੍ਹਾਂ ਨੈਟਵਰਕਸ ਲਈ ਹੋਰ ਮਜਬੂਤੀ ਹਾਸਿਲ ਕਰੇਗਾ।
ਯਾਦ ਰਹੇ ਵੀਰਵਾਰ ਨੂੰ ਪਬਲਿਕ ਸੇਫਟੀ ਮੰਤਰੀ ਮਾਰਕੋ ਮੈਂਡੀਚੀਨੋ ਅਤੇ ਇਨੋਵੇਸ਼ਨ, ਸਾਇੰਸ ਅਤੇ ਇੰਡਸਟਰੀ ਮੰਤਰੀ, ਫ੍ਰਾਂਸੂਆ ਫਿਲਿਪ ਸ਼ੈਂਪੇਨ ਨੇ ਵੁਆਵੇ 'ਤੇ ਕੈਨੇਡਾ ਦੇ 5ਜੀ ਨੈਟਵਰਕ ਤੋਂ ਬੈਨ ਦਾ ਐਲਾਨ ਕੀਤਾ ਸੀ।
