12.41C Vancouver 12.41C VancouverMay 21, 2020 4:40 PM -
ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਵੱਲੋਂ ਰਿਜ਼ਰਵਾਂ ਤੋਂ ਬਾਹਰ ਰਹਿੰਦੇ ਇੰਡੀਜੀਨਸ ਲੋਕਾਂ ਨੂੰ ਸਹਿਯੋਗ ਪ੍ਰਦਾਨ ਕਰਦੀਆਂ ਸੰਸਥਾਵਾਂ ਲਈ $75 ਮਿਲੀਅਨ ਦੀ ਫੰਡਿੰਗ ਦਾ ਐਲਾਨ ਕੀਤਾ ਗਿਆ ਹੈ।
ਫੈਡਰਲ ਸਰਕਾਰ ਵੱਲੋਂ ਪਹਿਲਾਂ ਮਾਰਚ ਮਹੀਨੇ ਵਿੱਚ ਇੰਡੀਜੀਨਸ ਭਾਈਚਾਰੇ ਲਈ ਕਾਊਂਸਲਿੰਗ, ਸਿਹਤ ਸੰਭਾਲ, ਖਾਣੇ ਅਤੇ ਸੁਪੋਰਟ ਹਾਊਸਿੰਗ ਵਰਗੀਆਂ ਸੇਵਾਵਾਂ ਲਈ $15 ਮਿਲੀਅਨ ਦੀ ਫੰਡਿੰਗ ਦੀ ਘੋਸ਼ਣਾ ਕੀਤੀ ਗਈ ਸੀ।
ਟਰੂਡੋ ਮੁਤਾਬਕ ਇੱਕ ਮਿਲੀਅਨ ਤੋਂ ਵੱਧ ਇੰਡੀਜੀਨਸ ਲੋਕ ਰਿਜ਼ਰਵਾਂ ਤੋਂ ਬਾਹਰ ਸ਼ਹਿਰਾਂ ਵਿੱਚ ਰਹਿੰਦੇ ਹਨ ਜਿਨ੍ਹਾਂ ਨੂੰ ਵਧੀਆ ਸੇਵਾਵਾਂ ਦੀ ਬੇਹੱਦ ਲੋੜ ਹੈ।
ਲਿਬਰਲ ਸਰਕਾਰ ਨੇ ਇੰਡੀਜੀਨਸ ਭਾਈਚਾਰਿਆਂ ਅਤੇ ਰਿਜ਼ਰਵਾਂ ਵਿੱਚ ਰਹਿੰਦੇ ਫਰਸਟ ਨੇਸ਼ਨਜ਼, ਮੈਟੀ ਅਤੇ ਇਨੁਇਟ ਲੋਕਾਂ ਦੀ ਪ੍ਰਤੀਨਿਧਤਾ ਕਰਦੀਆਂ ਸੰਸਥਾਵਾਂ ਵਾਸਤੇ $290 ਮਿਲੀਅਨ ਉਪਲੱਬਧ ਕਰਵਾਉਣ ਦਾ ਵਾਅਦਾ ਕੀਤਾ ਹੈ।
ਰਿਜ਼ਰਵਾਂ ਤੋਂ ਬਾਹਰ ਰਹਿੰਦੇ ਇੰਡੀਜੀਨਸ ਲੋਕਾਂ ਦੀ ਪ੍ਰਤੀਨਿਧਤਾ ਕਰਦੀ ਕਾਂਗਰਸ ਆਫ ਐਬਓਰਿਜਨਲ ਪੀਪਲਜ਼ ਨੇ ਇਸ ਸੰਬੰਧ ਵਿੱਚ ਚਿੰਤਾ ਜਤਾਈ ਸੀ ਕਿ ਰਿਜ਼ਰਵਾਂ ਤੋਂ ਦੂਰ ਰਹਿੰਦੇ ਲੋਕਾਂ ਨਾਲ ਇੱਕ ਤਰ੍ਹਾਂ ਦਾ ਵਿਤਕਰਾ ਕੀਤਾ ਜਾ ਰਿਹਾ ਹੈ।
ਸੇਵਾਵਾਂ ਮੁਹੱਈਆ ਕਰਵਾਉਂਦੀਆਂ ਵੱਖ ਵੱਖ ਸੰਸਥਾਵਾਂ ਮੁਤਾਬਕ ਮਹਾਂਮਾਰੀ ਕਾਰਨ ਵੱਧ ਗਿਣਤੀ ਵਿਚ ਲੋਕ ਸਹਿਯੋਗ ਲਈ ਉਨ੍ਹਾਂ ਨਾਲ ਸੰਪਰਕ ਕਰ ਰਹੇ ਹਨ।
