11.73C Vancouver 11.73C VancouverMay 31, 2021 7:34 PM -
ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਨੇ ਸੰਕੇਤ ਦਿੱਤੇ ਹਨ ਕਿ ਉਹ ਐਨ.ਡੀ.ਪੀ. ਲੀਡਰ ਜਗਮੀਤ ਸਿੰਘ ਦੀ ਐਮਰਜੈਂਸੀ ਡਿਬੇਟ ਦੀ ਮੰਗ ਦਾ ਸਮਰਥਨ ਕਰਨ ਲਈ ਤਿਆਰ ਹਨ।
ਜਗਮੀਤ ਸਿੰਘ ਨੇ 215 ਇੰਡੀਜਨਸ ਬੱਚਿਆਂ ਦੇ ਦਫਨਾਉਣ ਦੀ ਜਾਣਕਾਰੀ ਸੰਬੰਧੀ ਐਮਰਜੈਂਸੀ ਡਿਬੇਟ ਦੀ ਮੰਗ ਰੱਖੀ ਹੈ।
ਟਰੂਡੋ ਨੇ ਇਹ ਵੀ ਕਿਹਾ ਕਿ ਉਹ 3 ਕੈਬੀਨੇਟ ਮੰਤਰੀਆਂ ਨਾਲ ਗੱਲਬਾਤ ਕਰਨਗੇ ਜੋ ਕਿ ਇੰਡੀਜਨਸ ਨੀਤੀ ਵੇਖਦੇ ਹਨ।
ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਦਾ ਕਹਿਣਾ ਹੈ ਕਿ ਉਹ 215 ਇੰਡੀਜਨਸ ਬੱਚਿਆਂ ਦੇ ਦਫਨਾਏ ਹੋਏ ਸ਼ਰੀਰ ਮਿਲਣ 'ਤੇ ਬੇਹੱਦ ਦੁੱਖ ਮਹਿਸੂਸ ਕਰ ਰਹੇ ਹਨ।
ਪੂਰਾ ਮਾਮਲਾ ਬੀ.ਸੀ. ਦੇ ਇੱਕ ਸਾਬਕਾ ਰੈਜ਼ੀਡੈਂਸ਼ੀਅਲ ਸਕੂਲ ਨਾਲ ਸੰਬੰਧਤ ਹੈ।
ਟਰੂਡੋ ਨੇ ਕਿਹਾ ਕਿ ਕਨੇਡੀਅਨ ਲੋਕ ਰੈਜ਼ੀਡੈਂਸ਼ੀਅਲ ਸਕੂਲਾਂ ਦੇ ਨੁਕਸਾਨ ਤੋਂ ਲੁਕ ਨਹੀਂ ਸਕਦੇ।
ਅੱਜ ਪੱਤਰਕਾਰਾਂ ਦੇ ਸਵਾਲਾਂ ਦਾ ਜਵਾਬ ਦਿੰਦੇ ਹੋਏ ਪ੍ਰਧਾਨ ਮੰਤਰੀ ਟਰੂਡੋ ਨੇ ਸਰਕਾਰ ਦਾ ਬਚਾਅ ਕੀਤਾ।
ਉਨ੍ਹਾਂ ਕਿਹਾ ਕਿ 'ਟਰੂਥ ਅਤੇ ਰੀਕਨਸੀਲੀਏਸ਼ਨ ਕਮਿਸ਼ਨ' ਵੱਲੋਂ ਕੀਤੀਆਂ ਸਿਫਾਰਸ਼ਾਂ 'ਤੇ ਜਿਸ ਰਫਤਾਰ ਨਾਲ ਸਰਕਾਰ ਕੰਮ ਕਰ ਰਹੀ ਹੈ ਉਹ ਸਹੀ ਹੈ।
ਹਾਲਾਂਕਿ ਟਰੂਡੋ ਨੇ ਮੰਨਿਆ ਕਿ ਇੰਡੀਜਨਸ ਕਮਿਊਨਿਟੀਸ ਨੂੰ ਔਟਵਾ ਦਾ ਨਾਲ ਮਿਲ ਕੇ ਇਹਨਾਂ ਰੀਕਨਸੀਲੀਏਸ਼ਨ ਕਦਮਾਂ ਨੂੰ ਇੰਪਲੀਮੈਂਟ ਕਰਨ 'ਤੇ ਕੰਮ ਕਰਨ ਦੀ ਇਜਾਜ਼ਤ ਹੋਣੀ ਚਾਹੀਦੀ ਹੈ।
