21.07C Vancouver 21.07C VancouverJun 8, 2020 6:07 PM -
ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਦਾ ਕਹਿਣਾ ਹੈ ਕਿ ਉਹ ਇਸ ਹਫ਼ਤੇ ਸੂਬਿਆਂ ਅਤੇ ਟੇਰੀਟੋਰੀਜ਼ ਦੇ ਪ੍ਰੀਮੀਅਰਾਂ ਦੇ ਸਾਹਮਣੇ ਪੁਲੀਸ ਨੂੰ ਬੌਡੀ ਕੈਮਰਿਆਂ ਨਾਲ ਲੈਸ ਕਰਨ ਦਾ ਪ੍ਰਸਤਾਵ ਰੱਖਣਗੇ।
ਇਹ ਬੌਡੀ ਕੈਮਰੇ ਪੁਲੀਸ ਅਧਿਕਾਰੀਆਂ ਅਤੇ ਆਮ ਜਨਤਾ ਵਿੱਚਕਾਰ ਵਾਪਰਨ ਵਾਲੀਆਂ ਘਟਨਾਵਾਂ ਨੂੰ ਰਿਕਾਰਡ ਕਰਦੇ ਹਨ ਅਤੇ ਟਰੂਡੋ ਦਾ ਮੰਨਣਾ ਹੈ ਕਿ ਪੁਲੀਸ ਖਿਲਾਫ਼ ਸਾਹਮਣੇ ਆਉਣ ਵਾਲੀਆਂ ਨਸਲਵਾਦ-ਸੰਬੰਧੀ ਸ਼ਿਕਾਇਤਾਂ ਨਾਲ ਨਜਿੱਠਣ ਦਾ ਬਹੁਤ ਆਸਾਨ ਤਰੀਕਾ ਹਨ।
ਉਹਨਾਂ ਕਿਹਾ ਕਿ ਸਦੀਆਂ ਤੋਂ ਚੱਲਦੇ ਆ ਰਹੇ ਨਸਲਵਾਦ ਨੂੰ ਰਾਤੋ-ਰਾਤ ਖਤਮ ਕਰਨਾ ਮੁਮਕਿਨ ਨਹੀਂ ਪਰ ਹਾਲ ਵਿੱਚ ਹੋਏ ਪ੍ਰਦਰਸ਼ਨਾਂ ਤੋਂ ਇਹ ਸਾਫ਼ ਹੋ ਗਿਆ ਹੈ ਕਿ ਇਸ ਵਿਸ਼ੇ 'ਤੇ ਜਲਦੀ ਹੀ ਬਹੁਤ ਸਾਰੇ ਕਦਮ ਚੁੱਕਣ ਦੀ ਦਰਕਾਰ ਹੈ।
ਟਰੂਡੋ ਨੇ ਕਿਹਾ ਕਿ ਜੇਕਰ ਟੋਰੌਂਟੋ ਅਤੇ ਮੌਨਟ੍ਰੀਆਲ ਵਰਗੇ ਸ਼ਹਿਰਾਂ ਦੇ ਕੋਵਿਡ-19 ਅੰਕੜਿਆਂ 'ਤੇ ਝਾਤ ਮਾਰੀ ਜਾਵੇ ਤਾਂ ਇਹ ਸਾਫ਼ ਨਜ਼ਰ ਆਉਂਦਾ ਹੈ ਕਿ ਇਸ ਵਾਇਰਸ ਦਾ ਪ੍ਰਭਾਵ ਸਿਆਹ ਰੰਗ ਦੇ ਲੋਕਾਂ 'ਤੇ ਵੱਧ ਮਾਰੂ ਰਿਹਾ ਹੈ।
ਉਹਨਾਂ ਕਿਹਾ ਕਿ ਇਹ ਇਸ ਗੱਲ ਵੱਲ ਸੰਕੇਤ ਕਰਦਾ ਹੈ ਕਿ ਸਰਕਾਰਾਂ ਨੂੰ ਅਜਿਹੀਆਂ ਅਸਮਾਨਤਾਵਾਂ ਨੂੰ ਦੂਰ ਕਰਨ ਲਈ ਕੰਮ ਕਰਨ ਦੀ ਲੋੜ ਹੈ।
