11.47C Vancouver 11.47C VancouverNov 3, 2023 5:35 PM - The Canadian Press
ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਅੱਜ ਵਾਸ਼ਿੰਗਟਨ ਵਿੱਚ ਹਨ ਜਿੱਥੇ ਉਹ Americas Partnership for Economic Prosperity ਸੰਮੇਲਨ ਵਿੱਚ ਕੈਨੇਡਾ ਦੀ ਨੁਮਾਇੰਦਗੀ ਕਰਨ ਲਈ ਗਏ ਹਨ।
ਇਸ ਸੰਮੇਲਨ ਦੀ ਮੇਜ਼ਬਾਨੀ ਅਮਰੀਕਾ ਦੇ ਰਾਸ਼ਟਰਪਤੀ ਜੋਅ ਬਾਈਡਨ ਕਰ ਰਹੇ ਹਨ ਜਿਸ ਵਿੱਚ ਸਾਥੀ ਮੁਲਕਾਂ ਨਾਲ ਸਪਲਾਈ ਚੇਨ, ਪਰਵਾਸ ਅਤੇ ਵਪਾਰ ਦੇ ਮੁੱਦਿਆਂ ਨੂੰ ਹੱਲ ਕਰਨ ਬਾਰੇ ਚਰਚਾ ਹੋਵੇਗੀ।
ਇਸ ਦੋ ਦਿਨਾਂ ਸੰਮੇਲਨ ਲਈ Western Hemisphere ਦੇ 12 ਮੁਲਕ ਇਕੱਠੇ ਹੋਏ ਹਨ। ਵ੍ਹਾਈਟ ਹਾਊਸ ਉਮੀਦ ਕਰ ਰਿਹਾ ਹੈ ਕਿ ਵਪਾਰਕ ਭਾਈਵਾਲੀ ਨਾਲ ਸਾਉਥ ਅਮਰੀਕਾ ਅਤੇ ਕੈਰੀਬੀਅਨ ਵਿੱਚ ਵਧੇਰੇ ਸਥਿਰਤਾ ਹੋਵੇਗੀ ਜਿਸ ਨਾਲ ਅਮਰੀਕਾ-ਮੈਕਸੀਕੋ ਸਰਹੱਦ 'ਤੇ ਅਨਿਯਮਿਤ ਪ੍ਰਵਾਸ ਦੇ ਦਬਾਅ ਨੂੰ ਘੱਟ ਕਰਨ ਵਿੱਚ ਮਦਦ ਮਿਲੇਗੀ।
ਇਸ ਸਮਿਟ ਵਿੱਚ ਅਮਰੀਕਾ-ਕੈਨੇਡਾ ਤੋਂ ਇਲਾਵਾ ਮੈਕਸੀਕੋ, ਚਿਲੀ, ਬਾਰਬਾਡੋਸ, ਕੋਲੰਬੀਆ, ਕੋਸਟਾਰੀਕਾ, ਇਕਵਾਡੋਰ, ਪਨਾਮਾ, ਪੇਰੂ, ਯੂਰੂਗਵੇ ਅਤੇ ਡੋਮਿਨਿਕ ਰਿਪਬਲਿਕ ਸ਼ਾਮਲ ਹਨ।
ਫਿਲਹਾਲ ਇਹ ਸਪੱਸ਼ਟ ਨਹੀਂ ਕਿ ਬਾਈਡਨ ਅਤੇ ਟਰੂਡੋ ਵਿਚਕਾਰ ਇਸ ਸਮਿਟ ਦੌਰਾਨ ਵੱਖਰੇ ਤੌਰ 'ਤੇ ਮੁਲਾਕਾਤ ਹੋਵੇਗੀ ਜਾਂ ਨਹੀਂ।
ਟਰੂਡੋ ਨੇ ਕਿਹਾ ਕਿ ਉਹ APEP ਨੇਤਾਵਾਂ ਨਾਲ mitigation ਅਤੇ ਵਪਾਰ ਵਗਰੇ ਮੁੱਦਿਆਂ 'ਤੇ ਗੱਲ ਕਰਨਗੇ।
