30.55C Vancouver 30.55C VancouverMay 9, 2020 6:36 PM -
ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਨੇ ਅੱਜ ਸਾਫ ਕੀਤਾ ਕਿ ਜਿਹੜੇ ਮੈਡੀਕਲ ਮਾਸਕ ਸਿਹਤ ਮਾਨਕਾਂ 'ਤੇ ਖਰੇ ਨਹੀਂ ਉੱਤਰਦੇ, ਕੈਨੇਡਾ ਵੱਲੋਂ ਉਨ੍ਹਾਂ ਦੀ ਪੂਰੀ ਕੀਮਤ ਅਦਾ ਨਹੀਂ ਕੀਤੀ ਜਾਵੇਗੀ।
ਫੈਡਰਲ ਅਧਿਕਾਰੀਆਂ ਵੱਲੋਂ ਕੱਲ੍ਹ ਜਾਣਕਾਰੀ ਦਿੱਤੀ ਗਈ ਸੀ ਕਿ ਮਾਂਟਰੀਅਲ ਦੇ ਇੱਕ ਸਪਲਾਇਰ ਵੱਲੋਂ ਸਰਕਾਰ ਨੂੰ ਚੀਨ ਤੋਂ 11 ਮਿਲੀਅਨ ਐਨ-95 ਰੈਸਪੀਰੇਟਰ ਮਾਸਕ ਮੁਹੱਈਆ ਕਰਵਾਏ ਗਏ ਸਨ ਜਿਨ੍ਹਾਂ ਵਿੱਚੋਂ 8 ਮਿਲੀਅਨ ਮਾਨਕਾਂ 'ਤੇ ਖਰੇ ਨਹੀਂ ਉੱਤਰੇ।
ਟਰੂਡੋ ਨੇ ਕਿਹਾ ਕਿ ਇਹ ਕੈਨੇਡਾ ਦੀ ਪਬਲਿਕ ਹੈਲਥ ਏਜੰਸੀ ਵੱਲੋਂ ਸਥਾਪਤ ਕੀਤੀ ਗਈ ਤਸਦੀਕ ਪ੍ਰਣਾਲੀ ਦੀ ਸਫ਼ਲ ਕਾਰਗੁਜ਼ਾਰੀ ਦੀ ਮਿਸਾਲ ਹੈ।
ਕੈਨੇਡਾ ਵੱਲੋਂ ਅਜਿਹੇ ਮਾਸਕਾਂ ਲਈ ਕਿੰਨੀ ਕੀਮਤ ਅਦਾ ਕੀਤੀ ਜਾਵੇਗੀ, ਇਸ ਬਾਰੇ ਪ੍ਰਧਾਨ ਮੰਤਰੀ ਨੇ ਜਾਣਕਾਰੀ ਨਹੀਂ ਦਿੱਤੀ।
ਟਰੂਡੋ ਨੇ ਕਿਹਾ ਕਿ ਘੱਟ ਗੁਣਵੱਤਾ ਵਾਲੇ ਅਜਿਹੇ ਮਾਸਕਾਂ ਨੂੰ ਗੈਰ-ਮੈਡੀਕਲ ਇਸਤੇਮਾਲ ਲਈ ਵਰਤਿਆ ਜਾ ਸਕਦਾ ਹੈ।
ਕੋਵਿਡ-19 ਦੀ ਮਹਾਂਮਾਰੀ ਦੇ ਚੱਲਦੇ ਵਿਸ਼ਵ-ਪੱਧਰ 'ਤੇ 'ਪਰਸਨਲ ਪ੍ਰੋਟੈਕਟਿਵ ਇਕਵਿਪਮੇਂਟ' ਦੀ ਬਹੁਤ ਜ਼ਿਆਦਾ ਘਾਟ ਹੈ ਅਤੇ ਇਸ ਦਾ ਅਸਰ ਕੈਨੇਡਾ ਨੂੰ ਵੀ ਝੱਲਣਾ ਪੈ ਰਿਹਾ ਹੈ।
