9.24C Vancouver 9.24C VancouverMar 29, 2022 8:21 PM - The Canadian Press
ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਆਪਣੇ ਬੀ.ਸੀ. ਦੌਰੇ ਦੌਰਾਨ ਬੁੱਧਵਾਰ ਨੂੰ ਵਿਲੀਅਮਸ ਲੇਕ ਫਰਸਟ ਨੇਸ਼ਨ ਪਹੁੰਚਣ ਕਰਨ ਜਾ ਰਹੇ ਹਨ।
ਇਸ ਸੰਬੰਧੀ ਗੱਲਬਾਤ ਕਰਦਿਆਂ ਅੱਜ ਪ੍ਰਧਾਨ ਮੰਤਰੀ ਨੇ ਕਿਹਾ ਕਿ ਉਹ ਫਰਸਟ ਨੇਸ਼ਨ ਚੀਫ਼ ਨਾਲ ਮੁਲਾਕਾਤ ਲਈ ਉਤਸ਼ਾਹਤ ਹਨ ਅਤੇ ਉਹ ਸਮਝਦੇ ਹਨ ਕਿ ਦੇਸ਼ ਦੇ ਵੱਖੋ-ਵੱਖਰੇ ਹਿੱਸਿਆਂ 'ਚ ਸਾਬਕਾ ਰੈਜ਼ੀਡੈਂਸ਼ੀਅਲ ਸਕੂਲ ਸਾਈਟਸ 'ਤੇ ਮਿਲੇ ਅਨਮਾਰਕਡ ਗ੍ਰੇਵਸ ਨੇ ਲੋਕਾਂ ਨੂੰ ਦੁੱਖ ਪਹੁੰਚਾਇਆ ਹੈ ਅਤੇ ਪ੍ਰੇਸ਼ਾਨ ਕੀਤਾ ਹੈ।
ਪਰ ਉਨ੍ਹਾਂ ਕਿਹਾ ਕਿ ਇਸ ਨਾਲ ਦੇਸ਼ ਨਾਲ ਜੁੜਿਆ ਇੱਕ ਅਜਿਹਾ ਇਤਿਹਾਸ ਵੀ ਉਜਾਗਰ ਹੋਇਆ ਹੈ ਜਿਸ ਬਾਰੇ ਜਾਨਣਾ ਜਰੂਰੀ ਹੈ।
ਟਰੂਡੋ ਨੇ ਕਿਹਾ ਕਿ ਸਾਡੇ ਲਈ ਅਹਿਮ ਹੈ ਕਿ ਇੰਡੀਜਨਸ ਲੋਕਾਂ ਨੂੰ ਭਰੋਸਾ ਦਵਾਇਆ ਜਾਵੇ ਕਿ 'ਹੀਲਿੰਗ ਅਤੇ ਰੀਕੰਸੀਲੀਏਸ਼ਨ' ਦੇ ਰਸਤੇ 'ਤੇ ਤੁਰਨ ਲਈ ਉਹ ਹਮੇਸ਼ਾ ਨਾਲ ਹਨ।
ਟਰੂਡੋ ਨੇ ਕਿਹਾ ਕਿ ਸਾਰਿਆਂ ਦੇ ਬਿਹਤਰ ਭਵਿੱਖ ਲਈ ਇਹ ਜਰੂਰੀ ਹੈ।
ਯਾਦ ਰਹੇ ਟਰੂਡੋ ਵੱਲੋਂ ਇਹ ਦੌਰਾ ਉਸ ਸਮੇਂ ਕੀਤਾ ਜਾ ਰਿਹਾ ਹੈ ਜਦ ਇਲਾਕੇ 'ਚ ਸਥਿਤ ਸੇਂਟ ਜੋਸਫਸ ਮਿਸ਼ਨ ਰੈਜ਼ੀਡੈਂਸ਼ੀਅਲ ਸਕੂਲ 'ਚ ਕਰੀਬ 2 ਮਹੀਨੇ ਪਹਿਲਾਂ 93 ਅਨਮਾਰਕਡ ਗ੍ਰੇਵਸ ਸੰਬੰਧੀ ਜਾਣਕਾਰੀ ਉਜਾਗਰ ਹੋਈ ਸੀ।
