18.86C Vancouver 18.86C VancouverMar 28, 2022 9:28 PM - The Canadian Press
ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਬਾਰੇ ਦੱਸਿਆ ਗਿਆ ਹੈ ਕਿ ਉਹ ਬੀ.ਸੀ. ਦੇ ਇੱਕ ਫਰਸਟ ਨੇਸ਼ਨ ਦਾ ਦੌਰਾ ਕਰਨ ਜਾ ਰਹੇ ਹਨ।
ਇਸੇ ਹਫ਼ਤੇ ਟਰੂਡੋ ਵੱਲੋਂ ਵਿਲੀਅਮਸ ਲੇਕ ਫਰਸਟ ਨੇਸ਼ਨ ਤਕ ਪਹੁੰਚ ਕੀਤੀ ਜਾਵੇਗੀ।
ਨੇਸ਼ਨ ਦੇ ਚੀਫ਼ ਅਤੇ ਕਾਉਂਸਿਲ ਨੇ ਅੱਜ ਹੀ ਇਸ ਸੰਬੰਧੀ ਜਾਣਕਾਰੀ ਦਿੱਤੀ।
ਹਾਲਾਂਕਿ ਫਰਸਟ ਨੇਸ਼ਨ ਨੇ ਟ੍ਰਿਪ ਦੇ ਬਹੁਤੇ ਵੇਰਵੇ ਸਾਂਝੇ ਨਹੀਂ ਕੀਤੇ।
ਇਹ ਦੌਰਾ ਉਸ ਸਮੇਂ ਕੀਤਾ ਜਾ ਰਿਹਾ ਹੈ ਜਦ ਇਲਾਕੇ 'ਚ ਸਥਿਤ ਸੇਂਟ ਜੋਸਫਸ ਮਿਸ਼ਨ ਰੈਜ਼ੀਡੈਂਸ਼ੀਅਲ ਸਕੂਲ 'ਚ ਕਰੀਬ 2 ਮਹੀਨੇ ਪਹਿਲਾਂ 93 ਅਨਮਾਰਕਡ ਗ੍ਰੇਵਸ ਸੰਬੰਧੀ ਜਾਣਕਾਰੀ ਉਜਾਗਰ ਹੋਈ ਸੀ।
ਇਸ ਸਕੂਲ ਦੀ ਸ਼ੁਰੂਆਤ ਸਾਲ 1891 'ਚ ਰੋਮਨ ਕੈਥੋਲਿਕ ਚਰਚ ਵੱਲੋਂ ਕੀਤੀ ਗਈ ਸੀ।
ਇਸ ਤੋਂ 90 ਸਾਲ ਬਾਅਦ ਸਕੂਲ ਨੂੰ ਬੰਦ ਕਰ ਦਿੱਤਾ ਗਿਆ ਸੀ।
ਟਰੂਡੋ ਦੀ ਪਲੈਨਿੰਗ 'ਚ ਵੇਖਿਆ ਜਾ ਸਕਦਾ ਹੈ ਕਿ ਟਰੂਡੋ ਅੱਜ ਰਾਤ ਬੀ.ਸੀ. ਪਹੁੰਚਣਗੇ ਪਰ ਉਨ੍ਹਾਂ ਦੇ ਵਿਲੀਅਮਸ ਲੇਕ ਪਹੁੰਚਣ ਸੰਬੰਧੀ ਸਮੇਂ ਦੀ ਜਾਣਕਾਰੀ ਨਹੀਂ ਦਿੱਤੀ ਗਈ ਹੈ।
