ਗ੍ਰੀਨਲੈਂਡ ਮੁੱਦੇ 'ਤੇ ਟਰੰਪ ਅਤੇ ਨੈਟੋ ਮੁਖੀ ਨੇ ਦਾਵੋਸ ਵਿੱਚ ਮੀਟਿੰਗ ਬੁਲਾਉਣ ਦਾ ਕੀਤਾ ਫੈਸਲਾ

ਅਮਰੀਕਾ ਦੇ ਰਾਸ਼ਟਰਪਤੀ ਡੋਨਲਡ ਟਰੰਪ ਅਤੇ ਨੈਟੋ ਦੇ ਮੁਖੀ ਮਾਰਕ ਰੂਟ ਵਿਚਕਾਰ ਸੋਮਵਾਰ ਨੂੰ ਫ਼ੋਨ 'ਤੇ ਗੱਲਬਾਤ ਹੋਣ ਤੋਂ ਬਾਅਦ ਗ੍ਰੀਨਲੈਂਡ ਮੁੱਦੇ 'ਤੇ ਸਵਿਜ਼ਰਲੈਂਡ ਦੇ ਦਾਵੋਸ ਵਿੱਚ ਇੱਕ ਮੀਟਿੰਗ ਬੁਲਾਉਣ ਦਾ ਫੈਸਲਾ ਕੀਤਾ ਗਿਆ।

ਜਾਣਕਾਰੀ ਅਨੁਸਾਰ ਟਰੰਪ ਨੇ ਰੁਟੇ ਨੂੰ ਦੱਸਿਆ ਕਿ ਗ੍ਰੀਨਲੈਂਡ ਅਮਰੀਕਾ ਦੀ ਰਾਸ਼ਟਰੀ ਅਤੇ ਵਿਸ਼ਵ ਸੁਰੱਖਿਆ ਲਈ ਬਹੁਤ ਮਹੱਤਵਪੂਰਨ ਹੈ। ਟਰੰਪ ਨੇ ਸੋਸ਼ਲ ਮੀਡੀਆ 'ਤੇ ਨੈਟੋ ਮੁਖੀ ਮਾਰਕ ਰੂਟ ਦਾ ਇੱਕ ਨਿੱਜੀ ਸੁਨੇਹਾ ਪੋਸਟ ਕੀਤਾ।

ਰੁਟੇ ਨੇ ਆਪਣੇ ਸੁਨੇਹੇ ਵਿੱਚ ਲਿਖਿਆ ਕਿ ਉਹ ਗ੍ਰੀਨਲੈਂਡ ਦੇ ਸੰਬੰਧ ਵਿੱਚ ਅੱਗੇ ਵਧਣ ਦਾ ਰਸਤਾ ਲੱਭਣ ਲਈ ਵਚਨਬੱਧ ਹੈ। ਉਸਨੇ ਜਲਦੀ ਹੀ ਟਰੰਪ ਨਾਲ ਮੁਲਾਕਾਤ ਕਰਨ ਦੀ ਇੱਛਾ ਵੀ ਪ੍ਰਗਟ ਕੀਤੀ। ਜ਼ਿਕਰਯੋਗ ਹੈ ਕਿ ਟਰੰਪ ਦੇ ਗ੍ਰੀਨਲੈਂਡ 'ਤੇ ਕਬਜ਼ਾ ਕਰਨ ਦੀ ਧਮਕੀ ਦੇ ਵਿਚਕਾਰ ਡੈਨਮਾਰਕ ਨੇ ਗ੍ਰੀਨਲੈਂਡ ਵਿੱਚ ਵਾਧੂ ਫੌਜਾਂ ਵੀ ਤਾਇਨਾਤ ਕੀਤੀਆਂ ਹਨ।