ਟਰੰਪ ਨੇ ਸਾਬਕਾ ਰੂਸੀ ਨੇਤਾ ਮੇਦਵੇਦੇਵ ਦੇ ਬਿਆਨਾਂ ਤੋਂ ਬਾਅਦ ਅਮਰੀਕੀ ਪ੍ਰਮਾਣੂ ਪਣਡੁੱਬੀਆਂ ਨੂੰ ਮੁੜ ਸਥਾਪਿਤ ਕਰਨ ਦੇ ਦਿੱਤੇ ਹੁਕਮ

ਅਮਰੀਕਾ ਦੇ ਰਾਸ਼ਟਰਪਤੀ ਡੋਨਲਡ ਟਰੰਪ ਨੇ ਸਾਬਕਾ ਰੂਸੀ ਰਾਸ਼ਟਰਪਤੀ ਦਮਿਤਰੀ ਮੇਦਵੇਦੇਵ ਦੀਆਂ ਧਮਕੀਆਂ ਦੇ ਜਵਾਬ ਵਿਚ ਰੂਸ ਦੇ ਨੇੜੇ ਦੇ ਖੇਤਰਾਂ ਵਿਚ ਦੋ ਪ੍ਰਮਾਣੂ ਪਣਡੁੱਬੀਆਂ ਤਾਇਨਾਤ ਕਰਨ ਦਾ ਆਦੇਸ਼ ਦਿੱਤਾ ਹੈ। ਟਰੰਪ ਨੇ ਇੱਕ ਸੋਸ਼ਲ ਮੀਡੀਆ ਪੋਸਟ ਵਿਚ ਕਿਹਾ ਕਿ ਦਮਿਤਰੀ ਦੇ ਮੂਰਖਤਾਪੂਰਨ ਅਤੇ ਭੜਕਾਊ ਬਿਆਨ ਕਾਰਨ ਉਹਨਾਂ ਦੋ ਪ੍ਰਮਾਣੂ ਪਣਡੁੱਬੀਆਂ ਨੂੰ ਰੂਸ ਨੇੜੇ ਢੁੱਕਵੇਂ ਖੇਤਰਾਂ ਵਿਚ ਤਾਇਨਾਤ ਕਰਨ ਲਈ ਕਿਹਾ ਹੈ।

ਦਰਅਸਲ, ਟਰੰਪ ਨੇ 30 ਜੁਲਾਈ ਨੂੰ ਭਾਰਤ 'ਤੇ 25 ਫੀਸਦੀ ਟੈਰਿਫ ਲਗਾਉਣ ਦੇ ਐਲਾਨ ਤੋਂ ਬਾਅਦ ਭਾਰਤ ਅਤੇ ਰੂਸ ਦੀ ਅਰਥਵਿਵਸਥਾ ਨੂੰ Dead Economy ਕਿਹਾ ਸੀ।

ਇਸ ਦੇ ਜਵਾਬ ਵਿਚ ਸਾਬਕਾ ਰੂਸੀ ਰਾਸ਼ਟਰਪਤੀ ਜੋ ਕਿ ਮੌਜੂਦਾ ਸਮੇਂ ਰੂਸ ਦੀ ਸਕਿਓਰਟੀ ਕੌਂਸਲ ਦੇ ਡਿਪਟੀ ਚੇਅਰਮੈਨ ਵੀ ਹਨ, ਉਨ੍ਹਾਂ ਕਿਹਾ ਸੀ ਕਿ ਅਮਰੀਕੀ ਰਾਸ਼ਟਰਪਤੀ ਨੂੰ ਡੈੱਡ ਹੈਂਡ ਦੀ ਤਾਕਤ ਯਾਦ ਰੱਖਣੀ ਚਾਹੀਦੀ ਹੈ। ਡੈੱਡ ਹੈਂਡ ਰੂਸ ਦਾ ਪੁਰਾਣਾ ਪ੍ਰਮਾਣੂ ਹਥਿਆਰ ਕੰਟਰੋਲ ਸਿਸਟਮ ਹੈ, ਜੋ ਦੇਸ਼ ਦੀ ਲੀਡਰਸ਼ਿਪ ਖਤਮ ਹੋਣ 'ਤੇ ਵੀ ਬਦਲਾ ਲੈ ਸਕਦਾ ਹੈ।