26.32C Vancouver 26.32C VancouverOct 31, 2025 6:43 PM - Connect Newsroom
ਓਨਟਾਰੀਓ ਸਰਕਾਰ ਦੇ ਟੈਰਿਫ-ਵਿਰੋਧੀ ਟੀਵੀ ਇਸ਼ਤਿਹਾਰ ਦੇ ਵਿਵਾਦ ਵਿਚਕਾਰ ਰਾਸ਼ਟਰਪਤੀ ਡੌਨਲਡ ਟਰੰਪ ਨੇ ਵੱਡਾ ਦਾਅਵਾ ਕੀਤਾ ਹੈ। ਉਨ੍ਹਾਂ ਕਿਹਾ ਕਿ ਪ੍ਰਧਾਨ ਮੰਤਰੀ ਮਾਰਕ ਕਾਰਨੀ ਨੇ ਇਸ ਟੈਰਿਫ-ਵਿਰੋਧੀ ਵਪਾਰਕ ਲਈ ਉਨ੍ਹਾਂ ਤੋਂ ਮਾਫੀ ਮੰਗੀ ਹੈ।
ਇਹ ਇਸ਼ਤਿਹਾਰ ਅਮਰੀਕੀ ਟੈਲੀਵਿਜ਼ਨ ਨੈੱਟਵਰਕ 'ਤੇ ਚਲਾਏ ਗਏ ਸਨ, ਜਿਸ ਵਿਚ ਸਾਬਕਾ ਅਮਰੀਕੀ ਰਾਸ਼ਟਰਪਤੀ ਰੋਨਾਲਡ ਰੀਗਨ ਦੀ ਇੱਕ ਸਪੀਚ ਦੇ ਕਲਿਪ ਵਰਤੇ ਗਏ ਸਨ। ਸ਼ੁੱਕਰਵਾਰ ਨੂੰ ਏਅਰ ਫੋਰਸ ਵਨ ਵਿਚ ਪੱਤਰਕਾਰਾਂ ਨਾਲ ਗੱਲ ਕਰਦਿਆਂ ਟਰੰਪ ਨੇ ਕਿਹਾ ਕਿ ਕਾਰਨੀ ਬਹੁਤ ਚੰਗੇ ਇਨਸਾਨ ਹਨ ਅਤੇ ਉਨ੍ਹਾਂ ਜੋ ਵਪਾਰਕ ਜ਼ਰੀਏ ਕੀਤਾ, ਉਸ ਲਈ ਅਪੋਲੋਜਾਈਸ ਕੀਤਾ ਹੈ।
ਟਰੰਪ ਨੇ ਅੱਗੇ ਕਿਹਾ ਕਿ ਉਨ੍ਹਾਂ ਦਾ ਕਾਰਨੀ ਨਾਲ ਬਹੁਤ ਵਧੀਆ ਰਿਸ਼ਤਾ ਹੈ ਪਰ ਇਸ ਦੇ ਬਾਵਜੂਦ ਸੰਕੇਤ ਦਿੱਤਾ ਕਿ ਦੋਵਾਂ ਦੇਸ਼ਾਂ ਵਿਚਾਲੇ ਵਪਾਰਕ ਗੱਲਬਾਤ ਜਲਦ ਸ਼ੁਰੂ ਨਹੀਂ ਹੋਣਗੀਆਂ, ਉਨ੍ਹਾਂ ਕਿਹਾ ਕਿ ਇਸ "ਝੂਠੇ" ਵਿਗਿਆਪਨ ਕਾਰਨ ਹੀ ਇਸ ਮਹੀਨੇ ਦੇ ਸ਼ੁਰੂ ਵਿਚ ਵਪਾਰ ਗੱਲਬਾਤ ਰੱਦ ਕਰ ਦਿੱਤੀ ਗਈ ਸੀ।
ਦੱਸਣਯੋਗ ਹੈ ਕਿ ਇਸ ਵਪਾਰ ਵਿਚ ਰੀਗਨ ਦੀ 1987 ਦੀ ਟਿੱਪਣੀ ਸ਼ਾਮਲ ਸੀ ਕਿ ਟੈਰਿਫ "ਹਰ ਅਮਰੀਕੀ ਨੂੰ ਨੁਕਸਾਨ ਪਹੁੰਚਾਉਂਦੇ ਹਨ", ਇਹੀ ਇਸ਼ਤਿਹਾਰ ਦੋਵਾਂ ਦੇਸ਼ਾਂ ਵਿਚਕਾਰ ਵਪਾਰ ਵਾਰਤਾ ਵਿਚ ਤਾਜ਼ਾ ਰੁਕਾਵਟ ਦਾ ਵੱਡਾ ਕਾਰਨ ਬਣਿਆ ਹੈ। ਹਾਲਾਂਕਿ, ਓਨਟਾਰੀਓ ਸਰਕਾਰ ਇਹ ਇਸ਼ਤਿਹਾਰ ਬੰਦ ਕਰ ਚੁੱਕਾ ਹੈ।
