12.16C Vancouver 12.16C VancouverJan 6, 2021 11:39 PM -
ਅਮਰੀਕਾ 'ਚ ਪ੍ਰੈਜ਼ੀਡੈਂਟ ਇਲੈਕਟ ਜੋ ਬਾਈਡਨ ਨੇ ਅੱਜ ਨਿਰਾਸ਼ਾ ਜ਼ਾਹਿਰ ਕਰਦਿਆਂ ਭਾਵੁਕ ਸੁਨੇਹਾ ਦਿੱਤਾ ਹੈ।
ਉਨ੍ਹਾਂ ਦੇਸ਼ ਨੂੰ ਸੰਬੋਧਨ ਕਰਦਿਆਂ ਕੈਪੀਟੌਲ 'ਚ ਦਾਖਿਲ ਹੋਏ ਟ੍ਰੰਪ ਸਮਰਥਕਾਂ ਕਾਰਨ ਖੜੀ ਹੋਈ ਸਥਿਤੀ ਦੀ ਆਲੋਚਨਾ ਕੀਤੀ।
ਉਨ੍ਹਾਂ ਕਿਹਾ ਕਿ ਵਿਸ਼ਵ ਇਸ ਅਮਰੀਕਾ ਨੂੰ ਨਹੀਂ ਜਾਣਦਾ।
ਬਾਈਡਨ ਨੇ ਕਿਹਾ ਕਿ ਦੁਨੀਆ ਵੇਖ ਰਹੀ ਹੈ।
ਉਨ੍ਹਾਂ ਕਿਹਾ ਕਿ ਦਫ਼ਰਤਾਂ 'ਚ ਇਸ ਤਰ੍ਹਾਂ ਦਾਖਿਲ ਹੋਣਾ ਕੋਈ ਪ੍ਰਦਰਸ਼ਨ ਨਹੀਂ ਹੈ ਅਤੇ ਇਹ ਇੱਕ ਹਨੇਰੇ ਭਰਿਆ ਦਿਨ ਹੈ।
ਉਨ੍ਹਾਂ ਕਿਹਾ ਕੈਪੀਟੌਲ 'ਚ ਇਸ ਤਰ੍ਹਾਂ ਖਿੜਕੀਆਂ ਤੋੜਨਾ ਅਤੇ ਹਿੰਸਕ ਹੋਣਾ ਜਾਇਜ਼ ਨਹੀਂ ਠਿਹਰਾਇਆ ਜਾ ਸਕਦਾ।
ਉਨ੍ਹਾਂ ਇੱਥੇ ਤੱਕ ਕਿਹਾ ਕਿ, "ਬੱਸ ਬਹੁਤ ਹੋ ਗਿਆ।"
ਟ੍ਰੰਪ ਨੇ ਵੀਡੀਓ ਸੰਦੇਸ਼ ਜਾਰੀ ਕਰ ਸਮਰਥਕਾਂ ਨੂੰ ਵਾਪਿਸ ਜਾਣ ਨੂੰ ਕਿਹਾ
ਪ੍ਰੈਜ਼ੀਡੈਂਟ ਇਲੈਕਟ ਜੋ ਬਾਈਡਨ ਦੀਆਂ ਟਿੱਪਣੀਆਂ ਤੋਂ ਕੁਝ ਹੀ ਮਿੰਟਾਂ 'ਚ ਅਮਰੀਕੀ ਰਾਸ਼ਟਰਪਤੀ ਡੌਨਲਡ ਟ੍ਰੰਪ ਨੇ ਟਵਿਟਰ 'ਤੇ ਇੱਕ ਸੰਦੇਸ਼ ਸਾਂਝਾ ਕੀਤਾ।
ਟ੍ਰੰਪ ਨੇ ਪ੍ਰਦਰਸ਼ਨ ਕਰ ਰਹੇ ਲੋਕਾਂ ਨੂੰ ਅਪੀਲ ਕੀਤੀ ਕਿ ਸ਼ਾਂਤੀ ਸਥਾਪਿਤ ਕੀਤੀ ਜਾਵੇ।
ਉਨ੍ਹਾਂ ਕਿਹਾ ਕਿ ਸਾਰੇ ਲੋਕ ਜਾਣਦੇ ਹਨ ਕਿ ਇਹ ਚੋਣਾਂ ਹੇਰਾ-ਫੇਰੀ ਨਾਲ ਜਿੱਤੀਆਂ ਜਾ ਰਹੀਆਂ ਹਨ।
ਟ੍ਰੰਪ ਨੇ ਕਿਹਾ ਕਿ ਇਹ ਲੋਕ ਬਹੁਤ ਬੁਰੇ ਹਨ, ਪਰ ਉਨ੍ਹਾਂ ਪ੍ਰਦਰਸ਼ਨਾਂ 'ਚ ਇਕੱਠੇ ਹੋਏ ਲੋਕਾਂ ਨੂੰ ਸ਼ਾਂਤੀ ਰੱਖਦੇ ਹੋਏ ਵਾਪਿਸ ਪਰਤਣ ਲਈ ਕਿਹਾ।
ਯਾਦ ਰਹੇ ਅੱਜ ਕੈਪੀਟੌਲ 'ਚ ਹਜ਼ਾਰਾਂ ਦੀ ਗਿਣਤੀ 'ਚ ਟ੍ਰੰਪ ਸਮਰਥਕ ਦਾਖਿਲ ਹੋ ਗਏ ਸਨ।
ਇਸ ਵਿਚਾਲੇ ਡੀ.ਸੀ. ਮੇਅਰ ਨੇ ਸ਼ਾਮ 6 ਵਜੇ ਤੋਂ ਕਰਫਿਊ ਦਾ ਐਲਾਨ ਕਰ ਦਿੱਤਾ ਹੈ।
