20.26C Vancouver 20.26C VancouverAug 11, 2020 11:26 PM -
ਅਮਰੀਕੀ ਰਾਸ਼ਟਰਪਤੀ ਡੌਨਲਡ ਟ੍ਰੰਪ ਦਾ ਕਹਿਣਾ ਹੈ ਕਿ ਉਹ ਥੋੜੇ ਅਚੰਭੇ ਵਿੱਚ ਹਨ ਕਿ, ਉਨ੍ਹਾਂ ਦੇ ਡੈਮੋਕਰੈਟਿਕ ਵਿਰੋਧੀ, ਜੋ ਬਾਈਡਨ ਨੇ ਕਮਲਾ ਹੈਰਿਸ ਨੂੰ ਆਪਣੀ ਰਨਿੰਗ ਮੇਟ ਚੁਣਿਆ ਹੈ।
ਵਾਈਟ ਹਾਊਸ 'ਚ ਇੱਕ ਪ੍ਰੈਸ ਬ੍ਰੀਫਿੰਗ ਦੌਰਾਨ ਟ੍ਰੰਪ ਨੇ ਪੱਤਰਕਾਰਾਂ ਨੂੰ ਦੱਸਿਆ ਕਿ ਹੈਰਿਸ ਨੇ ਡੈਮੋਕਰੈਟਿਕ ਪ੍ਰਾਈਮਰੀਜ਼ ਦੌਰਾਨ ਜੋ ਬਾਈਡਨ ਪ੍ਰਤੀ ਕਾਫੀ ਸਖ਼ਤਾਈ ਵਿਖਾਈ ਸੀ।
ਉਨ੍ਹਾਂ ਕਿਹਾ ਕਿ ਕਿਸੇ ਅਜਿਹੇ ਵਿਅਕਤੀ ਦੀ ਚੋਣ ਕਰਨਾ ਜੋ ਤੁਹਾਡੇ ਪ੍ਰਤੀ ਨਿਰਾਦਰਜਨਕ ਰਿਹਾ ਹੋਵੇ, ਇਹ ਆਸਾਨ ਨਹੀਂ ਹੁੰਦਾ।
ਉਨ੍ਹਾਂ ਇਹ ਵੀ ਕਿਹਾ ਕਿ ਹੈਰਿਸ ਨੇ ਨਾਮੀਨੇਸ਼ਨ ਦੌਰਾਨ ਚੋਂਗਾ ਪ੍ਰਦਰਸ਼ਨ ਨਹੀਂ ਕੀਤਾ ਸੀ।
ਟ੍ਰੰਪ ਨੇ ਇਹ ਵੀ ਕਿਹਾ ਕਿ ਹੈਰਿਸ ਨੇ ਸੁਪ੍ਰੀਮ ਕੋਰਟ ਜਸਟਿਸ ਬ੍ਰੈਟ ਕਾਵਾਨੌਗ ਨੂੰ ਸੈਨੇਟ ਕੰਫਰਮੇਸ਼ਨ ਹੀਅਰਿੰਗ ਦੌਰਾਨ ਸਖ਼ਤ ਸਵਾਲ ਕੀਤੇ ਸਨ।
ਟ੍ਰੰਪ ਦਾ ਵਿਚਾਰ ਹੈ ਕਿ ਹੈਰਿਸ ਖੱਬੇਪੱਖੀ ਹੈ ਅਤੇ ਉਹ ਟੈਕਸਾਂ 'ਚ ਵਾਧਾ ਕਰਨ, ਮਿਲਟ੍ਰੀ ਦੇ ਫੰਡ ਘਟਾਉਣ ਅਤੇ ਫਰੈਕਿੰਗ ਨੂੰ ਬੈਨ ਲਗਾਉਣ ਜਿਹੇ ਕਦਮ ਉਠਾਉਣ ਦੇ ਹੱਕ 'ਚ ਹੋਵੇਗੀ।
ਟ੍ਰੰਪ ਨੇ ਕਿਹਾ, "ਉਹ ਮੇਰੀ ਨੰਬਰ 1 ਡ੍ਰਾਫਟ ਪਿੱਕ ਸੀ, ਅਤੇ ਵੇਖਣ ਲਾਇਕ ਰਹੇਗਾ ਕਿ ਉਹ ਕਿਵੇਂ ਪ੍ਰਫਾਰਮ ਕਰਦੀ ਹਨ।"
ਯਾਦ ਰਹੇ ਅਮਰੀਕਾ ਦੀ ਰਾਸ਼ਟਰਪਤੀ ਦੌੜ 'ਚ ਅਹਿਮ ਦਾਅਵੇਦਾਰ ਜੋ ਬਾਈਡਨ ਨੇ ਅੱਜ ਆਪਣੇ ਰਨਿੰਗ ਮੇਟ ਦਾ ਐਲਾਨ ਕਰ ਦਿੱਤਾ ਹੈ।
ਕੈਲੀਫੋਰਨੀਆ ਤੋਂ ਸੈਨੇਟਰ ਕਮਲਾ ਹੈਰਿਸ ਨੂੰ ਰਨਿੰਗ ਮੇਟ ਵਜੋਂ ਚੁਣਿਆ ਗਿਆ ਹੈ।
