ਟਰੰਪ ਨੇ ਰੂਸ ਨੂੰ ਦਿੱਤੀ ਧਮਕੀ, ਕਿਹਾ ਜੇਕਰ ਯੂਕਰੇਨ ਦੇ ਖਿਲਾਫ਼ ਯੁੱਧ 50 ਦਿਨਾਂ ਦੇ ਅੰਦਰ ਨਾ ਸੁਲ਼ਝਿਆ ਤਾਂ ਲਗਾਉਣਗੇ ਟੈਰਿਫ

ਅਮਰੀਕਾ ਦੇ ਰਾਸ਼ਟਰਪਤੀ ਡੋਨਲਡ ਟਰੰਪ ਨੇ ਰੂਸ ਨੂੰ ਯੂਕਰੇਨ ਨਾਲ 50 ਦਿਨਾਂ ਦੇ ਅੰਦਰ ਸੀਜ਼ਫਾਇਰ ਸਮਝੌਤੇ 'ਤੇ ਪਹੁੰਚਣ ਦੀ ਮਹੋਲਤ ਦਿੱਤੀ ਹੈ। ਟਰੰਪ ਨੇ ਕਿਹਾ ਕਿ ਜੇ ਇਸ ਸਮਾਂ-ਸੀਮਾ ਤੱਕ ਸਮਝੌਤਾ ਨਹੀਂ ਹੁੰਦਾ ਤਾਂ ਉਹ ਰੂਸ 'ਤੇ 100 ਫੀਸਦੀ ਨਵਾਂ ਟੈਰਿਫ ਲਗਾ ਦੇਣਗੇ। ਨੈਟੋ ਦੇ ਸਕੱਤਰ ਜਨਰਲ ਮਾਰਕ ਰੁਟੇ ਨਾਲ ਵ੍ਹਾਈਟ ਹਾਊਸ ਵਿਚ ਮੁਲਕਾਤ ਦੌਰਾਨ ਟਰੰਪ ਨੇ ਕਿਹਾ ਕਿ ਉਹ ਰੂਸ ਤੋਂ ਬਹੁਤ ਨਾਰਾਜ਼ ਹਨ।

ਰਾਸ਼ਟਰਪਤੀ ਨੇ ਕਿਹਾ ਕਿ ਯੂਕਰੇਨ ਦੀ ਮਦਦ ਲਈ ਉਹ ਨੈਟੋ ਨੂੰ ਹਥਿਆਰ ਭੇਜ ਰਹੇ ਹਨ। ਉਨ੍ਹਾਂ ਇਹ ਵੀ ਕਿਹਾ ਕਿ ਇਨ੍ਹਾਂ ਹਥਿਆਰਾਂ ਦਾ ਖ਼ਰਚ ਅਮਰੀਕੀ ਟੈਕਸਦਾਤਾ ਦੀ ਬਜਾਏ ਨੈਟੋ ਮੈਂਬਰ ਚੁੱਕਣਗੇ।