10.28C Vancouver 10.28C VancouverFeb 23, 2020 6:52 PM -
ਅਮਰੀਕੀ ਰਾਸ਼ਟਰਪਤੀ ਡਾਨਲਡ ਟਰੰਪ ਅੱਜ ਸਵੇਰ ਭਾਰਤ ਦੇ ਆਪਣੇ ਪਹਿਲੇ ਅਧਿਕਾਰਕ ਦੌਰੇ ਲਈ ਰਵਾਨਾ ਹੋਏ।
ਇਸ ਦੋ ਦਿਨਾਂ ਦੇ ਦੌਰੇ ‘ਤੇ ਟਰੰਪ ਦੀ ਪਤਨੀ ਮਿਲਾਨੀਆ ਟਰੰਪ, ਉਹਨਾਂ ਦੀ ਬੇਟੀ ਇਵਾਂਕਾ ਟਰੰਪ ਅਤੇ ਟਰੰਪ ਦੇ ਜਵਾਈ ਜਾਰੇਡ ਕੁਸ਼ਨਰ ਵੀ ਟਰੰਪ ਦੇ ਨਾਲ ਜਾ ਰਹੇ ਹਨ।
ਟਰੰਪ ਦਾ ਏਅਰ ਫੋਰਸ ਵਨ ਜਹਾਜ਼ ਸੋਮਵਾਰ ਸਵੇਰ ਅਹਿਮਦਾਬਾਦ ਪਹੁੰਚੇਗਾ।
ਵਾਸ਼ਿੰਗਟਨ ਡੀ.ਸੀ. ਤੋਂ ਰਵਾਨਾ ਹੋਣ ਤੋਂ ਪਹਿਲਾਂ ਟਰੰਪ ਨੇ ਕਿਹਾ ਕਿ ਭਾਰਤ ਦੇ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਉਹਨਾਂ ਦੇ ਦੋਸਤ ਹਨ ਅਤੇ ਉਹ ਭਾਰਤ ਵਿੱਚ ਲੱਖਾਂ ਲੋਕਾਂ ਨੂੰ ਮਿਲਣ ਲਈ ਉਤਸੁਕ ਹਨ।
ਆਪਣੇ ਪਰਿਵਾਰ ਅਤੇ ਮੰਤਰੀਆਂ ਦੇ ਜੱਥੇ ਸਮੇਤ ਟਰੰਪ ਭਾਰਤ ਵਿੱਚ ਤਕਰੀਬਨ 36 ਘੰਟਿਆਂ ਲਈ ਰਹਿਣਗੇ।
ਇਸ ਦੌਰਾਨ ਉਹ ਮੋਦੀ ਨਾਲ ਇੱਕ ਰੋਡ ਸ਼ੋਅ ਵਿੱਚ ਸ਼ਾਮਿਲ ਹੋਣ ਤੋਂ ਬਾਅਦ ਮੋਟੇਰਾ ਸਟੇਡੀਅਮ ਵਿੱਚ ਲੋਕਾਂ ਨੂੰ ਸੰਬੋਧਨ ਕਰਨਗੇ।
ਅਹਿਮਦਾਬਾਦ ਤੋਂ ਰਵਾਨਾ ਹੋਕੇ ਸ਼ਾਮ ਸਵਾ ਪੰਜ ਵਜੇ ਡਾਨਲਡ ਅਤੇ ਮਿਲਾਨੀਆ ਟਰੰਪ ਆਗਰਾ ਵਿਖੇ ਤਾਜ ਮਹਲ ਪਹੁੰਚਣਗੇ।
ਤਾਜ ਮਹਲ ਦੀ ਖੂਬਸੂਰਤੀ ਦਾ ਆਨੰਦ ਮਾਨਣ ਤੋਂ ਬਾਅਦ ਉਹ ਦਿੱਲੀ ਪਹੁੰਚਣਗੇ ਜਿੱਥੇ ਅਗਲੇ ਦਿਨ ਉਹਨਾਂ ਦਾ ਰਾਸ਼ਟਰਪਤੀ ਭਵਨ ਵਿੱਚ ਅਧਿਕਾਰਿਕ ਤੌਰ ਤੇ ਸਵਾਗਤ ਕੀਤਾ ਜਾਵੇਗਾ।
ਇਸ ਉਪਰੰਤ ਉਹ ਰਾਜਘਾਟ ਵਿਖੇ ਮਹਾਤਮਾ ਗਾਂਧੀ ਦੀ ਸਮਾਧੀ ‘ਤੇ ਪਹੁੰਚਕੇ ਸ਼ਰਧਾਂਜਲੀ ਭੇਂਟ ਕਰਨਗੇ।
ਦੁਪਹਿਰ ਨੂੰ ਦੋਨਾਂ ਮੁਲਕਾਂ ਵਿਚਕਾਰ ਹੈਦਰਾਬਾਦ ਹਾਊਸ ਵਿਖੇ ਡੈਲੀਗੇਸ਼ਨ-ਲੈਵਲ ਦੀ ਗੱਲਬਾਤ ਚੱਲੇਗੀ ਜਿਸ ਤੋਂ ਬਾਅਦ ਇਸ ਗੱਲਬਾਤ ਦੌਰਾਨ ਸਾਈਨ ਕੀਤੇ ਗਏ ਸਮਝੌਤੇ ਅਤੇ ਐਮ.ਓ.ਯੂ. ਵਟਾਏ ਜਾਣਗੇ।
