17.49C Vancouver 17.49C VancouverMay 7, 2021 3:29 PM -
ਕੈਨੇਡਾ 'ਚ ਵੈਕਸੀਨ ਸੰਬੰਧੀ ਮਾਹਿਰ ਪੈਨਲ ਦੀ ਇਸੇ ਹਫ਼ਤੇ ਜਾਰੀ ਕੀਤੀ ਇੱਕ ਸਲਾਹ ਨੇ ਕਈ ਡਾਕਟਰਾਂ ਅਤੇ ਹੈਲਥ ਪ੍ਰੋਫੈਸ਼ਨਲਸ ਨੂੰ ਨਿਰਾਸ਼ ਕੀਤਾ ਸੀ।
ਅਜਿਹਾ ਉਸ ਵੇਲੇ ਹੋਇਆ ਸੀ ਜਦ ਪੈਨਲ ਨੇ ਫਾਈਜ਼ਰ-ਬਾਇਓਐਨਟੈਕ ਅਤੇ ਮੌਡਰਨਾ ਵੈਕਸੀਨ ਨੂੰ ਤਰਜੀਹ ਵਾਲੀਆਂ ਵੈਕਸੀਨ ਦੱਸਿਆ ਸੀ।
ਪਰ ਹੁਣ ਪਰੂਫ ਸਟ੍ਰੇਟਜਿਸ ਦੇ ਕੀਤੇ ਇੱਕ ਸਰਵੇਖਣ 'ਚ ਸਾਹਮਣੇ ਆਇਆ ਹੈ ਕਿ ਬਹੁਤੇ ਕਨੇਡੀਅਨ ਲੋਕ ਵੀ ਅਜਿਹਾ ਹੀ ਸਮਝਦੇ ਹਨ।
ਜਦ ਸਰਵੇਖਣ 'ਚ ਫਾਈਜ਼ਰ ਅਤੇ ਮੌਡਰਨਾ ਵੈਕਸੀਨ ਦੇ ਸੁਰੱਖਿਅਤ ਅਤੇ ਅਸਰਦਾਰ ਹੋਣ ਬਾਰੇ ਪੁੱਛਿਆ ਗਿਆ ਤਾਂ 10 ਵਿੱਚੋਂ 8 ਲੋਕਾਂ ਦਾ ਕਹਿਣਾ ਸੀ ਕਿ ਉਹ ਇਸ ਦੇ ਨਾਲ ਸਹਿਮਤ ਹਨ।
ਪਰ ਜਦ ਔਕਸਫਰਡ-ਐਸਟ੍ਰਾਜ਼ੈਨਕਾ ਅਤੇ ਜੌਨਸਨ ਐਂਡ ਜੌਨਸਨ ਦੀ ਵੈਕਸੀਨ ਬਾਰੇ ਇਹੀ ਸਵਾਲ ਕੀਤਾ ਗਿਆ ਤਾਂ ਲੋਕਾਂ ਦਾ ਭਰੋਸਾ 50% ਤੋਂ ਹੇਠਾਂ ਦਾ ਰਿਹਾ।
ਪਰੂਫ ਪ੍ਰਧਾਨ ਬਰੂਸ ਮੈਕਲੈਲਨ ਦਾ ਕਹਿਣਾ ਹੈ ਕਿ ਨਵੇਂ ਅਤੇ ਵਿਲੱਖਣ ਬਲੱਡ ਕਲੌਟਿੰਗ ਸਿੰਡਰੋਮ ਬਾਰੇ ਦਿੱਤੀਆਂ ਜਾ ਰਹੀਆਂ ਚੇਤਾਵਨੀਆਂ ਨੇ ਲੋਕਾਂ 'ਤੇ ਪ੍ਰਭਾਵ ਪਾਇਆ ਹੈ।
