17.49C Vancouver 17.49C VancouverJun 23, 2021 8:53 PM -
ਅਮਰੀਕਾ ਦੇ ਨੌਰਥ ਕੈਰੋਲਾਈਨਾ ਦੇ ਐਡਨ ਇਲਾਕੇ 'ਚ ਵਾਪਰੇ ਟਿਊਬਿੰਗ ਹਾਦਸੇ ਬਾਰੇ ਇੱਕ ਸਰਵਾਈਵਰ ਨੇ ਆਪਣੀ ਕਹਾਣੀ ਬਿਆਨ ਕੀਤੀ ਹੈ।
ਇਸ ਜਾਨਲੇਵਾ ਹਾਦਸੇ 'ਚ ਬਚੀ ਇੱਕ ਔਰਤ ਦਾ ਕਹਿਣਾ ਹੈ ਕਿ ਜਦ ਤਕ ਉਨ੍ਹਾਂ ਦੇ ਪਰਿਵਾਰ ਨੇ ਡੈਨ ਦਰਿਆ 'ਤੇ ਡੈਮ ਨੂੰ ਵੇਖਿਆ ਉਸ ਵੇਲੇ ਤਕ ਬਹੁਤ ਦੇਰ ਹੋ ਚੁੱਕੀ ਸੀ।
ਆਇਰੀਨ ਵਿਲਾਨੋ ਨੇ ਦੱਸਿਆ ਕਿ ਉਨ੍ਹਾਂ ਦੇ ਦਰਿਆ ਦੇ ਕੋਲ ਕੋਈ ਅਜਿਹੇ ਚਿੰਨ ਨਹੀਂ ਵੇਖੇ ਸਨ ਜਿਸ ਤੋਂ ਪਤਾ ਲਗ ਸਕਦਾ ਕਿ ਦਰਿਆ 'ਤੇ 8 ਫੁੱਟ ਉੱਚਾ ਡਿਊਕ ਐਨਰਜੀ ਡੈਮ ਸਥਾਪਿਤ ਹੈ।
ਉਸ ਨੇ ਦੱਸਿਆ ਕਿ 9 ਲੋਕਾਂ ਦੇ ਗਰੁੱਪ 'ਚ ਉਹ ਆਖਰੀ ਸੀ ਜੋ ਇਸ ਡੈਮ ਤੋਂ ਪਾਰ ਡਿੱਗੀ।
ਵਿਲਾਨੋ, ਉਸ ਦੇ ਪਿਤਾ, ਉਸ ਦਾ ਵੱਡਾ ਭਰਾ ਅਤੇ ਇੱਕ ਕਜ਼ਨ ਕਰੀਬ 20 ਘੰਟੇ ਤਕ ਡੈਮ ਦੇ ਨਾਲ ਲਮਕਦੇ ਰਹੇ ਅਤੇ ਮਦਦ ਦੀ ਉਡੀਕ ਕਰਦੇ ਰਹੇ।
ਅਗਲੀ ਦੁਪਹਿਰ ਡਿਊਕ ਐਨਰਜੀ ਕਰਮਚਾਰੀ ਨੇ ਉਨ੍ਹਾਂ ਨੂੰ ਵੇਖਿਆ ਅਤੇ ਮਦਦ ਪਹੁੰਚ ਸਕੀ।
ਯਾਦ ਰਹੇ ਇਸ ਘਟਨਾ 'ਚ 4 ਲੋਕਾਂ ਦੀ ਮੌਤ ਹੋ ਗਈ ਸੀ ਜਦਕਿ ਇੱਕ ਗਰਭਵਤੀ ਔਰਤ ਲਾਪਤਾ ਹੋ ਗਈ ਸੀ।
