21.82C Vancouver 21.82C VancouverJul 25, 2022 2:37 PM - ANI
ਤੁਰਕੀ ਵੱਲੋਂ ਬਿਨਾਂ ਦਸਤਾਵੇਜ਼ਾਂ ਦੇ ਰਹਿ ਰਹੇ 215 ਅਫਗਾਨ ਪ੍ਰਵਾਸੀਆਂ ਨੂੰ ਜ਼ਬਰਦਸਤੀ ਡਿਪੋਰਟ ਕੀਤਾ ਜਾ ਰਿਹਾ ਹੈ, ਅੱਜ ਕਈ ਉਡਾਣਾਂ ਰਾਹੀਂ ਇਨ੍ਹਾਂ ਨੂੰ ਇਸਤਾਂਬੁਲ ਤੋਂ ਕਾਬੁਲ ਵਾਪਸ ਭੇਜਿਆ ਜਾਵੇਗਾ।
ਇਨ੍ਹਾਂ ਨੂੰ ਤੁਰਕੀ ਦੇ ਐਡਰਨੇ ਤੋਂ ਇਸਤਾਂਬੁਲ ਲਿਆਂਦਾ ਗਿਆ ਸੀ।
ਤੁਰਕਿਸ਼ ਮਾਈਗ੍ਰੇਸ਼ਨ ਮੈਨੇਜਮੈਂਟ ਡਾਇਰੈਕਟੋਰੇਟ ਦੀ ਰਿਪੋਰਟਾਂ ਅਨੁਸਾਰ, 2022 ਦੇ ਸ਼ੁਰੂ ਤੋਂ ਤੁਰਕਿਸ਼ ਅਥਾਰਟੀਜ਼ ਵੱਲੋਂ ਲਗਭਗ 28,000 ਪ੍ਰਵਾਸੀਆਂ ਨੂੰ ਦੇਸ਼ ਨਿਕਾਲਾ ਦਿੱਤਾ ਗਿਆ ਹੈ। ਇਨ੍ਹਾਂ ਕੋਲ ਕਾਨੂੰਨੀ ਦਸਤਾਵੇਜ਼ ਨਹੀਂ ਸਨ।
ਤੁਰਕਿਸ਼ ਦੇ ਇੰਟੀਰੀਅਰ ਮੰਤਰਾਲਾ ਮੁਤਾਬਕ, 27 ਜਨਵਰੀ ਤੋਂ ਅਫਗਾਨਿਸਤਾਨ ਲਈ ਉਡਾਣਾਂ ਸ਼ੁਰੂ ਹੋਣ ਤੋਂ ਲੈ ਕੇ ਹੁਣ ਤੱਕ ਤੁਰਕੀ 18,256 ਅਫਗਾਨ ਨਾਗਰਿਕਾਂ ਨੂੰ ਅਫਗਾਨਿਸਤਾਨ ਡਿਪੋਰਟ ਕਰ ਚੁੱਕਾ ਹੈ। ਗੌਰਤਲਬ ਹੈ ਕਿ ਪਿਛਲੇ ਸਾਲ 15 ਅਗਸਤ ਨੂੰ ਅਫਗਾਨਿਸਤਾਨ ਵਿਚ ਤਾਲਿਬਾਨ ਦੇ ਸੱਤਾ 'ਤੇ ਕਾਬਜ਼ ਹੋਣ ਤੋਂ ਬਾਅਦ ਹਜ਼ਾਰਾਂ ਅਫਗਾਨੀਆਂ ਖ਼ਾਸ ਤੌਰ 'ਤੇ ਨੌਜਵਾਨਾਂ ਨੇ ਯੁੱਧਗ੍ਰਸਤ ਦੇਸ਼ ਤੋਂ ਬਾਹਰ ਨਿਕਲਣ ਲਈ ਖਤਰਨਾਕ ਤਰੀਕਿਆਂ ਦਾ ਸਹਾਰਾ ਲਿਆ ਹੈ।
