ਜੋ ਬਾਈਡਨ, ਬਿਲ ਗੇਟਸ, ਓਬਾਮਾ ਅਤੇ ਹੋਰਾਂ ਦੇ ਟਵਿਟਰ ਖਾਤੇ ਹੋਏ ਹੈਕ

ਬਰਾਕ ਓਬਾਮਾ, ਜੋ ਬਾਈਡਨ ਅਤੇ ਬਿਲ ਗੇਟਸ ਜਿਹੀਆਂ ਨਾਮੀ ਅਤੇ ਅਹਿਮ ਸ਼ਖਸੀਅਤਾਂ ਦੇ ਟਵਿਟਰ ਖਾਤੇ ਹੈਕ ਕੀਤੇ ਗਏ ਹਨ।

ਬੁੱਧਵਾਰ ਨੂੰ ਹੈਕਿੰਗ ਦੀ ਖਬਰ ਉਜਾਗਰ ਹੋਈ ਅਤੇ ਮੰਨਿਆ ਜਾ ਰਿਹਾ ਹੈ ਕਿ ਇਹ ਹੈਕਿੰਗ ਕਿਸੇ ਬਿਟਕੌਇਨ ਘਪਲੇ ਨੂੰ ਪ੍ਰਮੋਟ ਕਰਨ ਲਈ ਕੀਤੀ ਗਈ ਹੈ।

ਇਸ ਦੇ ਬਾਰੇ ਮਾਈਕਰੋਬਲੌਗਿੰਗ ਸਾਈਟ ਨੇ ਜਾਣਕਾਰੀ ਦਿੰਦੇ ਹੋਏ, ਮਾਮਲੇ ਦੀ ਜਾਂਚ ਕਰਨ ਅਤੇ ਸਭ ਠੀਕ ਕਰਨ ਦੀ ਗੱਲ ਆਖੀ ਹੈ।

ਇਸ ਦੇ ਬਾਰੇ ਟਵਿਟਰ ਸੱਪੋਰਟ ਨੇ ਟਵੀਟ ਦੇ ਵਿੱਚ ਲਿਖਿਆ, "ਟਵਿਟਰ ਦੇ ਖਾਤਿਆਂ ਦੇ ਨਾਲ ਵਾਪਰੀ ਸਿਕਿਉਰਿਟੀ ਘਟਨਾ ਬਾਰੇ ਅਸੀਂ ਜਾਣਦੇ ਹਾਂ। ਅਸੀਂ ਜਾਂਚ ਕਰ ਰਹੇ ਹਾਂ, ਅਤੇ ਇਸ ਨੂੰ ਠੀਕ ਕੀਤਾ ਜਾ ਰਿਹਾ ਹੈ।"

ਇੱਕੋ ਸਮੇਂ 'ਤੇ ਅਮਰੀਕਾ ਦੇ ਰਾਸ਼ਟਰਪਤੀ ਦੌੜ 'ਚ ਸ਼ਾਮਿਲ ਜੋ ਬਾਈਡਨ, ਟੈਸਲਾ ਸੀ.ਈ.ਓ. ਐਲਨ ਮਸਕ, ਮਾਈਕਰੋਸੌਫਟ ਕੋ-ਫਾਊਂਡਰ ਬਿਲ ਗੇਟਸ ਦੇ ਟਵਿਟਰ ਖਾਤੇ ਹੈਕਰ ਕਰ ਲਏ ਗਏ।

ਇਸ ਤੋਂ ਅਲਾਵਾ ਅਮਰੀਕਾ ਦੇ ਸਾਬਕਾ ਰਾਸ਼ਟਰਪਤੀ ਬਰਾਕ ਓਬਾਮਾ, ਅਤੇ ਕਾਨੀਏ ਵੈਸਟ, ਵਾਰਨ ਬਫੇ, ਜੈਫ ਬੇਜ਼ੋਸ ਅਤੇ ਕਈ ਹੋਰਾਂ ਦੇ ਟਵਿਟਰ ਖਾਤੇ ਹੈਕ ਕੀਤੇ ਗਏ ਹਨ।