ਓਟਾਵਾ ਇਲਾਕੇ ਦੇ ਘਰ ਵਿੱਚ 6 ਲੋਕਾਂ ਦਾ ਕਤਲ

ਓਟਵਾ ਦੇ ਬੈਰਹਾਵਨ ਇਲਾਕੇ ਦੇ ਇੱਕ ਘਰ ਵਿਚ 6 ਲੋਕਾਂ ਦਾ ਬੁੱਧਵਾਰ ਰਾਤ ਕਤਲ ਕਰ ਦਿੱਤਾ ਗਿਆ। ਪੁਲਿਸ ਮੁਤਾਬਕ, ਮ੍ਰਿਤਕਾਂ ਵਿਚ 4 ਬੱਚੇ ਅਤੇ ਦੋ ਬਾਲਗ ਸਨ।

ਅਧਿਕਾਰੀਆਂ ਨੂੰ ਰਾਤ ਕਰੀਬ 11 ਵਜੇ ਘਟਨਾ ਦੀ ਸੂਚਨਾ ਮਿਲੀ ਅਤੇ ਇਸ ਸਬੰਧ ਵਿਚ ਪੁਲਿਸ ਨੇ ਇੱਕ ਵਿਅਕਤੀ ਨੂੰ ਗ੍ਰਿਫਤਾਰ ਕੀਤਾ। ਵੀਰਵਾਰ ਤੜਕੇ ਘਟਨਾ ਵਾਲੇ ਘਰ ਦੇ ਬਾਹਰ ਕਈ ਪੁਲਿਸ ਗੱਡੀਆਂ ਮੌਜੂਦ ਸਨ।

ਪੁਲਿਸ ਵਲੋਂ ਫਿਲਹਾਲ ਮ੍ਰਿਤਕਾਂ ਦੀ ਪਛਾਣ ਜਾਰੀ ਨਹੀਂ ਕੀਤੀ ਗਈ। ਹੋਮੀਸਾਈਡ ਯੂਨਿਟ ਦਾ ਕਹਿਣਾ ਹੈ ਕਿ ਉਹ ਮਾਮਲੇ ਦੀ ਜਾਂਚ ਵਿਚ ਜੁਟੇ ਹੋਏ ਹਨ। ਪੁਲਿਸ ਨੇ ਦੱਸਿਆ ਕਿ ਇੱਕ ਹੋਰ ਵਿਅਕਤੀ ਗੰਭੀਰ ਜ਼ਖਮੀ ਸੀ, ਜੋ ਹਸਪਤਾਲ ਵਿਚ ਜ਼ੇਰੇ ਇਲਾਜ ਹੈ।