ਡਰੱਗਸ ਤਸਕਰੀ ਮਾਮਲੇ 'ਚ ਆਸਟ੍ਰੇਲੀਆ 'ਚ ਦੋ ਕਨੇਡੀਅਨਸ ਸਮੇਤ ਸੱਤ ਲੋਕ ਗ੍ਰਿਫਤਾਰ

ਆਸਟ੍ਰੇਲੀਆ ਵਿਚ ਜਾਂਚ ਏਜੰਸੀਆਂ ਨੇ ਦੋ ਕੈਨੇਡੀਅਨਾਂ ਸਮੇਤ 7 ਲੋਕਾਂ ਨੂੰ ਨਸ਼ਾ ਤਸਕਰੀ ਦੇ ਮਾਮਲੇ ਵਿਚ ਗ੍ਰਿਫਤਾਰ ਕੀਤਾ ਹੈ। ਦੋਸ਼ ਹੈ ਕਿ ਇਹ ਗਿਰੋਹ ਕੋਕੀਨ, ਮੈਥਾਮਫੇਟਾਮਾਈਨ ਵਰਗੇ ਨਸ਼ਿਆਂ ਦੀ ਤਸਕਰੀ ਵਿਚ ਮਦਦ ਲਈ ਆਸਟ੍ਰੇਲੀਆ ਵਿਚ ਭਰੋਸੇਯੋਗ ਲੋਕਾਂ ਦਾ ਇਸਤੇਮਾਲ ਕਰ ਰਿਹਾ ਸੀ।

ਆਸਟ੍ਰੇਲੀਅਨ ਫੈਡਰਲ ਪੁਲਿਸ ਨੇ ਹਿਰਾਸਤ ਵਿਚ ਲਏ ਗਏ ਕੈਨੇਡੀਅਨਾਂ ਦੀ ਉਮਰ 24 ਅਤੇ 31 ਸਾਲ ਦੱਸੀ ਹੈ ਪਰ ਉਹਨਾਂ ਦੀ ਪਛਾਣ ਫਿਲਹਾਲ ਜਾਰੀ ਨਹੀਂ ਕੀਤੀ। ਏਜੰਸੀ ਮੁਤਾਬਕ, ਦੋਵਾਂ ਕੈਨੇਡੀਅਨਾਂ 'ਤੇ ਇੱਕ ਕ੍ਰਿਮੀਨਲ ਗਰੁੱਪ ਵਿਚ ਸ਼ਾਮਲ ਹੋਣ ਅਤੇ ਬਾਰਡਰ ਪਾਰ ਤੋਂ ਨਸ਼ਾ ਤਸਕਰੀ ਕਰਨ ਦੀ ਕੋਸ਼ਿਸ਼ ਦੇ ਚਾਰਜਿਜ਼ ਲਗਾਏ ਗਏ ਹਨ। ਇਸ ਗਿਰੋਹ ਦਾ ਕਥਿਤ ਸਰਗਨਾ 42 ਸਾਲਾ ਇੱਕ ਆਸਟ੍ਰੇਲੀਅਨ ਸੀ, ਜੋ ਸਤੰਬਰ 2023 ਵਿਚ ਜਾਂਚ ਦੇ ਦਾਇਰੇ ਵਿਚ ਆਇਆ ਸੀ।