12.82C Vancouver 12.82C VancouverFeb 5, 2026 5:35 PM - Connect Newsroom - Ramandeep Kaur
ਵੈਨਕੂਵਰ ਪੁਲਿਸ ਨੇ ਈਸਟ ਇਲਾਕੇ ਦੇ ਇੱਕ ਸਟੋਰ ਵਿਚ ਬੇਅ-ਸਪਰੇਅ ਦੀ ਵਰਤੋਂ ਕਰਕੇ ਲੁੱਟ-ਖੋਹ ਕਰਨ ਦੇ ਦੋਸ਼ ਵਿਚ ਦੋ ਵਿਅਕਤੀਆਂ ਨੂੰ ਗ੍ਰਿਫ਼ਤਾਰ ਕੀਤਾ ਹੈ। ਇਹ ਘਟਨਾ ਸੋਮਵਾਰ ਸਵੇਰੇ ਗਲੇਨ ਡਰਾਈਵ ਅਤੇ ਟਰਮੀਨਲ ਐਵੇਨਿਊ ਦੇ ਨਜ਼ਦੀਕੀ ਰੀਟੇਲ ਸਟੋਰ ਵਿਚ ਵਾਪਰੀ।
ਪੁਲਿਸ ਰਿਪੋਰਟ ਅਨੁਸਾਰ, ਦੋ ਵਿਅਕਤੀ ਸਟੋਰ ਵਿਚੋਂ ਸਾਮਾਨ ਲੈ ਕੇ ਭੱਜੇ ਸਨ ਜਦੋਂ ਸੁਰੱਖਿਆ ਕਰਮਚਾਰੀ ਨੇ ਉਨ੍ਹਾਂ ਨੂੰ ਰੋਕਣ ਦੀ ਕੋਸ਼ਿਸ਼ ਕੀਤੀ ਤਾਂ ਮੁਲਜ਼ਮਾਂ ਨੇ ਉਸ 'ਤੇ ਬੇਅ-ਸਪਰੇਅ ਨਾਲ ਹਮਲਾ ਕਰ ਦਿੱਤਾ। ਘਟਨਾ ਦੀ ਸੂਚਨਾ ਮਿਲਦੇ ਹੀ ਵੈਨਕੂਵਰ ਪੁਲਿਸ ਦੀਆਂ ਟੀਮਾਂ ਹਰਕਤ ਵਿਚ ਆ ਗਈਆਂ ਅਤੇ ਮੁਲਜ਼ਮਾਂ ਨੂੰ ਫੜਨ ਲਈ ਪੁਲਿਸ ਨੇ ਆਧੁਨਿਕ ਤਕਨੀਕ ਦੀ ਵਰਤੋਂ ਕੀਤੀ, ਜਿਸ ਵਿਚ ਡਰੋਨ ਅਤੇ ਡੌਗ ਸਕੁਐਡ ਸ਼ਾਮਲ ਸਨ।
ਇਸ ਦੀ ਮਦਦ ਨਾਲ ਅਖੀਰ ਪੁਲਿਸ ਨੇ ਦੋਵਾਂ ਸ਼ੱਕੀਆਂ ਨੂੰ ਮੈਕਲੀਨ ਪਾਰਕ ਦੇ ਨੇੜਿਓਂ ਦਬੋਚ ਲਿਆ। ਫੜੇ ਗਏ ਸ਼ੱਕੀਆਂ ਦੀ ਪਛਾਣ 30 ਸਾਲਾ ਡੈਮੀਅਨ ਡਰਬੀ ਅਤੇ 28 ਸਾਲਾ ਕੋਰਡੇਲ ਪੀਟਰਸ ਵਜੋਂ ਹੋਈ ਹੈ। ਦੋਵਾਂ 'ਤੇ ਹਥਿਆਰਬੰਦ ਹਮਲਾ ਅਤੇ ਚੋਰੀ ਦੇ ਦੋਸ਼ ਲਗਾਏ ਗਏ ਹਨ। ਫਿਲਹਾਲ ਦੋਵੇਂ ਪੁਲਿਸ ਹਿਰਾਸਤ ਵਿਚ ਹਨ। ਡਰਬੀ ਦੀ ਅਗਲੀ ਪੇਸ਼ੀ ਸ਼ੁੱਕਰਵਾਰ ਨੂੰ ਹੋਵੇਗੀ, ਜਦੋਂ ਕਿ ਕੋਰਡੇਲ ਪੀਟਰਸ 11 ਫਰਵਰੀ ਨੂੰ ਅਦਾਲਤ ਵਿਚ ਪੇਸ਼ ਹੋਵੇਗਾ।
