12.66C Vancouver 12.66C VancouverNov 19, 2024 2:55 PM - The Canadian Press
ਸਰੀ ਵਿਚ ਅੱਜ ਸਵੇਰ ਹਾਈਵੇਅ 99 'ਤੇ ਇੱਕ ਕਾਰ ਪਲਟਣ ਦੇ ਹੋਏ ਹਾਦਸੇ ਵਿਚ ਪੁਲਿਸ ਨੇ ਦੋ ਲੋਕਾਂ ਦੀ ਮੌਤ ਹੋਣ ਦੀ ਪੁਸ਼ਟੀ ਕੀਤੀ ਹੈ। ਪੁਲਿਸ ਨੇ ਕਿਹਾ ਕਿ ਰੋਲਓਵਰ ਦੀ ਘਟਨਾ ਤੋਂ ਬਾਅਦ ਕਾਰ ਵਿਚ ਅੱਗ ਲੱਗ ਗਈ ਅਤੇ ਇਸ ਦੇ ਅੰਦਰ ਦੋ ਲੋਕ ਮ੍ਰਿਤਕ ਪਾਏ ਗਏ। ਰਿਲੀਜ਼ ਵਿਚ ਕਿਹਾ ਗਿਆ ਹੈ ਕਿ ਪੁਲਿਸ ਮ੍ਰਿਤਕਾਂ ਦੀ ਪਛਾਣ ਕਰਨ ਲਈ ਕੰਮ ਕਰ ਰਹੀ ਹੈ। ਉਥੇ ਹੀ, ਜਾਂਚਕਰਤਾ ਅਜੇ ਵੀ ਹਾਦਸੇ ਦੇ ਕਾਰਨ ਦਾ ਪਤਾ ਲਗਾਉਣ ਵਿਚ ਜੁਟੇ ਹਨ,
ਪੁਲਿਸ ਨੇ ਕਿਹਾ ਕਿ ਜੇ ਕਿਸੇ ਕੋਲ ਇਸ ਘਟਨਾ ਦੌਰਾਨ ਦੀ ਡੈਸ਼ ਕੈਮ ਫੁਟੇਜ ਹੋਵੇ ਤਾਂ ਸਰੀ ਆਰ.ਸੀ.ਐੱਪ.ਪੀ. ਨਾਲ ਜਾਂਚ ਵਿਚ ਸਹਿਯੋਗ ਲਈ ਇਸ ਬਾਰੇ ਸੰਪਰਕ ਕੀਤਾ ਜਾਵੇ।
ਜਾਂਚਕਰਤਾਵਾਂ ਨੇ ਕਿਹਾ ਕਿ ਜਦੋਂ ਪੁਲਿਸ ਅਤੇ ਫਾਇਰ ਡਿਪਾਰਟਮੈਂਟ ਦੇ ਅਧਿਕਾਰੀ ਹਾਈਵੇਅ 99 ਦੇ 2800-ਬਲਾਕ ਵਿਚ ਘਟਨਾ ਸਥਾਨ 'ਤੇ ਪਹੁੰਚੇ ਤਾਂ ਕਾਰ ਪੂਰੀ ਤਰ੍ਹਾਂ ਅੱਗ ਦੀ ਲਪੇਟ ਵਿਚ ਸੀ ਅਤੇ ਇਸ ਦੇ ਡਰਾਈਵਰ ਅਤੇ ਦੂਜੇ ਸਵਾਰ ਦੀ ਮੌਤ ਹੋ ਚੁੱਕੀ ਸੀ। ਇਹ ਹਾਦਸਾ ਸਵੇਰੇ 4 ਵਜੇ ਦੇ ਕਰੀਬ 16 ਅਤੇ 32 ਐਵੇਨਿਊ ਵਿਚਕਾਰ ਉੱਤਰ ਲੇਨ ਵਿਚ ਵਾਪਰਿਆ ਸੀ।
