ਕੈਲਗਰੀ ਵਿੱਚ ਕਥਿਤ ਅਗਵਾ ਦੀ ਕੋਸ਼ਿਸ਼ ਦੌਰਾਨ ਦੋ ਵਿਅਕਤੀ ਗ੍ਰਿਫਤਾਰ

ਕੈਲਗਰੀ ਦੇ ਸਾਊਥ ਵੈਸਟ ਇਲਾਕੇ ਵਿਚ ਪੈਂਦੀ ਮਿਸ਼ਨ ਕਮਿਊਨਿਟੀ ਵਿਚ ਪੁਲਿਸ ਨੇ ਇਕ ਹਿੰਸਕ ਹਮਲੇ ਅਤੇ ਅਗਵਾ ਦੀ ਕੋਸ਼ਿਸ਼ ਨੂੰ ਨਾਕਾਮ ਕਰਦਿਆਂ ਦੋ ਵਿਅਕਤੀਆਂ ਨੂੰ ਗ੍ਰਿਫ਼ਤਾਰ ਕੀਤਾ ਹੈ। 17 ਫਰਵਰੀ ਨੂੰ ਅੱਧੀ ਰਾਤ ਦੇ ਕਰੀਬ ਇਕ ਪੁਲਿਸ ਔਫੀਸਰ ਨੇ ਫਸਟ ਸਟ੍ਰੀਟ ਅਤੇ 19 ਐਵੇਨਿਊ ਸਾਊਥ ਵੈਸਟ ਦੇ ਚੌਰਾਹੇ ਨੇੜੇ ਤਿੰਨ ਵਿਅਕਤੀਆਂ ਨੂੰ ਇਕ ਨੌਜਵਾਨ 'ਤੇ ਹਮਲਾ ਕਰਦੇ ਦੇਖਿਆ।ਉਹ ਫਰਾਰ ਹੋ ਗਏ ਸਨ ਪਰ ਪੁਲਿਸ ਨੇ ਟਾਇਰ ਡਿਫਲੇਸ਼ਨ ਡਿਵਾਈਸ ਦੀ ਵਰਤੋਂ ਕਰਕੇ ਗੱਡੀ ਨੂੰ ਰੋਕਿਆ।20 ਸਾਲਾਂ ਦੇ ਪੀੜਤ ਨੌਜਵਾਨ ਨੂੰ ਸਥਿਰ ਹਾਲਤ ਵਿੱਚ ਹਸਪਤਾਲ ਲਿਜਾਇਆ ਗਿਆ।

ਪੁਲਿਸ ਅਨੁਸਾਰ ਇਹ ਹਮਲਾ ਟਾਰਗੇਟਡ ਸੀ ਅਤੇ ਓਰਗਨਾਈਡ ਕ੍ਰਾਈਮ ਨਾਲ ਜੁੜਿਆ ਹੋਇਆ ਹੈ। ਚਾਰਜ ਕੀਤੇ ਗਏ ਵਿਅਕਤੀਆਂ ਦੀ ਪਛਾਣ 23 ਸਾਲਾ ਬਿਡੋਂਗ ਬੈਂਗ ਟੈਨੀ ਵਾਂਗ ਅਤੇ 22 ਸਾਲਾ ਰਿਕ ਗੈਟਵੇਚ ਵਜੋਂ ਹੋਈ ਹੈ। ਦੱਸਣਯੋਗ ਹੈ ਕਿ ਗੈਟਵੇਚ ਦੇ ਖਿਲਾਫ ਪਹਿਲਾਂ ਹੀ 40 ਪੁਰਾਣੇ ਵਾਰੰਟ ਜਾਰੀ ਸਨ।ਜਾਂਚ ਦੌਰਾਨ ਪੁਲਿਸ ਨੇ ਕਈ ਗੱਡੀਆਂ ਦੀ ਤਲਾਸ਼ੀ ਲਈ, ਜਿਸ ਵਿੱਚੋਂ ਕਰੈਕ ਕੋਕੀਨ ਬਰਾਮਦ ਹੋਈ।